Програмата понуди богата уметничка содржина. Препознатливиот далматински мелос, во Битола го пренесе далматинската клапа „Цетињани“ – здружение клапа Хрваце од Хрватска, а како специјални гости настапија учениците од Државното музичко училиште – Битола: Климент Ристески, Јан Неќак и Теона Ванеска.

На присутните им се обрати Бранко Маретиќ претседателот на МХД ХЦ „Марко Марулиќ“.

„Ги поздравувам сите присутни и гости на оваа манифестација, ден кога се одбележува еден датум значаен за хрватската историја“, изјави Маретиќ, и додаде: „Ден кога хрватскиот Парламент донесе одлука во 1991 година да се одвои од бивша Југославија и да се започне процесот на самостојна република Хрватска и ден кога е конституиран првиот демократски повеќе партиски Парламент на Хрватска. Денес ги славиме првите 36 години суверенитет на модерна демократска Хрватска, земја членка на ОН, Европа и НАТО. Без познавање на сопствената историја и корени, ни еден самосвесен народ не можел да преживее на историската сцена, и затоа посебно им оддаваме чест на бранителите и на првиот претседател, д-р Фрањо Туџман. Нашето здружение „Марко Марулиќ“ е основано кратко по тие историски 1990-ти, во 1994 година, фокусирајќи се првенствено на културни активности и зачувување на националниот идентитет, јазикот, културата, уметноста, фолклорот, музиката, но и на духовните вредности на хрватската нација, негувајќи ги и развивајќи ги хрватско-македонските врски и меѓусебните односи меѓу двата пријателски народи“.

Настанот го модерираше Неда Маретиќ, ПР на Хрватскиот културен центар, која потсети на проектите изминатите месеци.

„Оваа година го славиме и Денот на хрватското знаме. Неодамна гостувавме во Сплит, како дел од меѓународната конференција „Современи пристапи во обликувањето на библиотечните простори за деца и млади“, организирано од Градската библиотека „Марко Марулиќ“. Како дел од програмата во Далматинската библиотека, го претставивме нашиот културен центар и потпишавме Меморандум за соработка со директорката на Градската библиотека „Марко Марулиќ“ од Сплит, Гроздана Рибичиќ, и ја поврзавме Националната и Универзитетска библиотека „Св. Климент Охридски“ - Битола, во чие име директорката, м-р Емилија Стефановска Давкова потпиша Меморандум за соработка со директорката на ГКММ. Со ова ја обновивме соработката помеѓу двете библиотеки по подолга пауза и ги поврзавме на уште еден начин Битола и Сплит. Во рамките на 4-от Меѓународен детски фолклорен фестивал „Весел петок“во организација на КУД „Илинден“ од Битола, гостуваа членовита на КУД. „Далмација“ од Дуги Рат. Бевме дел и одбележувањето на Светскиот ден на културната разновидност во Битолa, организирана од Општина Битолa“.

Клапската изведба е заштитена од Унеско, па традиционално за Денот на државноста овој културен центар претставува некоја клапа во Битола. Клапата „Цетињани“ работи под уметничко водство на Јулија Галиќ, а претседател на здружението е Јошко Галиќ.

„Не ми е првпат да доаѓам во Македонија. Досега сум била двапати. Бев во Охрид. Имам многу пријатели кои се од Македонија. За мене Македонците се гостољубиви луѓе, опуштени, весели, блиски до нас по карактер. За нас, Македонија е земја која навистина со радост ја посетуваме“.

Директорката на Државното музичко училиште, м-р Марија Шамоска Буџаковски, ни истакна дека нивните ученици сами се пријавуваат кај професорите за да учествуваат во настаните на Хрватскиот културен центар. Учениците кои настапија се во класите на професорките м-р Маја Митровска и д-р Јана Четелева Белевска.

Помеѓу приситните беа: Бригадир Рајко Периќ, воено аташе при Амбасадата на Хрватска во Скопје за Македонија, Албанија и Косово, Стевче Стевановски градоначалник на Општина Новаци, конзулите на Бугарија, Франција, претставниви на Католичката црква, претставници на институции, КУД-ови, организации од Битола, Скопје и регионот.

Денот на државноста на Хрватска е еден од најзначајните за хрватската понова историја. Во текот на изминатите години Хрватскиот културен центар од Битола, воспостави соработка со сите релевантни институции од Македонија и Хрватска, беше иницијатор на неколку збратимувања со општини и КУД-ови. Одбележувањето на Денот на државноста на Хрватска во Битола е организирано во соработка со Културно-информативниот центар Битола, Општина Битола, Центарот за култура, Државното музичко училиште, Сплитско Далматинскиот округ и Централната канцеларија за Хрватите кои живеат надвор од Република Хрватска.

Фотографии: Александар Василевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Но јавноста заслужува да ја знае вистината: ова е проект што беше осмислен, проектиран, финансиран и заштитен од владата предводена од ДУИ.

Во време кога првичните студии оценуваа дека изградбата на автопатот не е економски оправдана, ДУИ донесе стратешка и политичка одлука, преку која Блаце- како главна порта кон Косово и дел од Коридорот 8 треба да биде поврзано со Скопје преку модерен автопат, а не преку обичен магистрален пат.

За овој проект беа обезбедени 20 милиони евра грант од Европската Унија, беше подготвена техничката документација од американската компанија Hill, беа реализирани проектантските постапки за сложен терен со мостови, вијадукти и тунели, започна процесот на експропријација и беше обезбедено меѓународно финансирање за продолжување на изградбата.

Една од најважните одлуки беше изградбата на првите 2 километри од автопатот. Овој сегмент не беше изграден случајно, туку како стратешка гаранција проектот подоцна да не може да биде претворен во магистрален пат. Токму овие 2 километри практично го направија невозможно отстапувањето од првичниот концепт.

Владата предводена од ДУИ ги спроведе и тендерските постапки, на кои аплицираа 11 компании, додека на следната влада ѝ остана само да го избере изведувачот и да ги продолжи работите.

Наместо тоа, проектот беше блокиран две години и проследен со контрадикторни изјави, тврдења за промена на трасата, идеи за негово сведување на магистрален пат и обиди да се претстави како нов проект. Дополнително, беа потрошени околу 8.850.000 денари за анализи и измени, за на крај повторно да се вратат на решението што го подготви ДУИ.

Денес, оние што некогаш го оспоруваа овој проект и го одложуваа две години, се обидуваат да ги присвојат заслугите за него. Фактите говорат поинаку: автопатот Скопје- Блаце е производ на визијата, планирањето и работата на ДУИ.

Коридорот 8, Коридорот 10-Д, автопатот Скопје- Блаце, Патот Rruga e Arbërit, тетовската обиколница и проектите за олеснување на граничните премини се доказ за политика што инвестираше во регионалното поврзување и долгорочниот развој.

Го поздравуваме секој чекор кон завршување на автопатот, но нема да дозволиме пропагандата да ги замени фактите. Граѓаните добро знаат кој го започна овој проект, кој го заштити и кој го одложуваше две години.

ДУИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

При претрес во неговиот дом и помошни простории во Гостивар, извршен со судска наредба, била пронајдена и одземена тврда кафеава материја.

Лицето е задржано во полициска станица и по целосно документирање на случајот против него ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.