СДСМ: Нов скандал што мириса на корупција: Власта дава 10 денари по килограм за неколку винарии наместо за лозарите! - Канал 5

Македонија

СДСМ: Нов скандал што мириса на корупција: Власта дава 10 денари по килограм за неколку винарии наместо за лозарите!

После скандалот со ИПАРД на повидок е уште еден во низата коруптивни скандали во ресорот земјоделство. И тоа на штета на земјоделците и на лозарите.

СДСМ: Нов скандал што мириса на корупција: Власта дава 10 денари по килограм за неколку винарии наместо за лозарите!

Според нашите инфорации, пред три дена, на 25.11.2025 на владина седница е донесена одлука за дополнување на програмата за интервентен фонд со мерка за доделување на финансиска поддршка за откупен килограм грозје, ама не за лозарите, туку за винариите.

Оваа одлука се уште не е објавена во Службен весник.

Но внимавјате сега, одлуката не е за 2, не е за 3, туку за 10 денари по откупен килограм да им се додели на винариите!

Владата на Мицкоски и министерството на Трипуновски нема пари по 3 денари да им даде на лозарите ама ќе им дава 10 денари по килограм на винариите откако преходно им даде 2 денари.

Она што е еднакво запрепастувачки е што периодот е само за откупено грозје во периодот од 17.09.2025 – 31.10.2025 година.

Ова е скандалозно и недозволиво а мириса, смрди и на корупција.

Еве зошто:

Прво оваа наменска мерка на владата значи финансиска поддршка само за многу мал број на винарии, а не за лозарите. Зошто мал број винарии се поважни од лозарите?

Второ, висина на финансиската поддршка од десетина милиони денари е оргомна а се однесува на мал број на корисници.

Трето периодот за кој истата ќе важи.

Го прашуваме министерот Цветан Трипуновски врз основа на која анализа е донесена ваквата мерка? Дали е дискутирана со подсекторската група и дали наидува на одобрување на производителите и откупувачите?

Дали оваа мерка е креација на договор во четири очи и однапред се знае кој ќе ги добие парите?

СДСМ бара Владата да ја поништи оваа одлука веднаш бидејќи е на штета на лозарите и затоа што е основа за корупција.

Антикорупциската комисија, Обвинителството и сите други надлежни институции за злоупотреба на парите на граѓаните да го испитаат овој крајно коруптивен скандал и да реагираат.

Станува збор скандалозен обид за испумпување на државни средства и поигрување со секој вреден земјоделец кој со месеци чека на државната финансиска поддршка.

Трипуновски одби да ја објави производствената цена на најзастапените вински сорти Вранец и Смедеревка. Ова одбивање на почитување на Законот донесе срамни откупни цени за трудот на лозарите на сметка на откупувачите.

Понатаму го одбија предлогот на СДСМ за носење на закон за доделување на финансиска поддршка од дополнителните 3 денари за предаден килограм грозје.

Нема пари за лозаропроизводителие, нема субвенции за одгледувачите за овци, млекопроизводителите, градинарите, органските производителите и регистрираните земјоделци.

Но очигледно власта има пари да дели и тоа по дополнителите 10 денари по килограм откупено грозје на мал број откупувачи кои дополнително се богатат на маката на лозарите.

Корупцијата во земјоделството мора да биде запрена веднаш. СДСМ силно ќе се спротивстави на овие обиди и ќе биде гласот на секој еден земјоделец.

Прес-конференција на СДСМ, Александар Димитриевски, Комисија за земјоделство

YouTube video

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почина политичкиот аналитичар Арсим Зеколи

Утринава почина поранешниот амбасадор и политичкиот аналитичар Арсим Зеколи на 60-годишна возраст. 

Почина политичкиот аналитичар Арсим Зеколи

Веста ја објави неговиот брат, преку јавно соопштение на социјалните мрежи, „Со длабока болка и голема тага, ве известуваме дека денес, на 8 јуни 2026 година, во раните утрински часови, ненадејно почина нашиот брат, Арсим Сулејман Зеколи, се наведува во соопштението.

Семејството соопшти дека погребната церемонија ќе се одржи денес во 18 часот на гробиштата во селото Блаце.Арсим Зеколи беше амбасадор на Македонија во организацијата на ОБСЕ во Виена, а е познат и како аналитичар на политички прашања и во Македонија и пошироко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Пјонгјанг Ким Џонг Ун домаќин на кинескиот претседател Си Џинпинг

Кина и Северна Кореја го зајакнуваат својот сојуз.

Во Пјонгјанг Ким Џонг Ун домаќин на кинескиот претседател Си Џинпинг

Кинескиот претседател Си Џинпинг денес отпатува во Пјонгјанг во прва посета на Северна Кореја од 2019 година, објавија кинеските државни медиуми.

Севернокорејскиот лидер Ким Џонг Ун му приреди церемонијален пречек на кинескиот претседател на аеродромот во Пјонгјанг со воени почести и транспаренти на кои, меѓу другото, пишуваше „Да живее нераскинливото пријателство меѓу Северна Кореја и Кина“, јавува новинската агенција Синхуа.

Кинескиот лидер рече дека односите меѓу Кина и Демократска Народна Република Кореја (ДНРК) се на нова историска почетна точка и се соочуваат со нови можности и предизвици за развој.

Истакнувајќи дека одржувањето, консолидирањето и развојот на односите меѓу Кина и Северна Кореја отсекогаш била непоколеблива политика на КПК и кинеската влада, Си рече дека Кина е подготвена да соработува со Северна Кореја за водење на билатералните односи и за одржување на односите меѓу Кина и Северна Кореја во чекор со предизвиците на времето.

Тагови: Кина Северна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Битола: Јавен повик за обезбедување услуги за рехабилитација и поддршка на лица со попреченост преку здруженија на граѓани

Општина Битола објавува јавен повик за обезбедување услуги за рехабилитација и поддршка на лица со попреченост преку здруженија на граѓани.

О. Битола: Јавен повик за обезбедување услуги за рехабилитација и поддршка на лица со попреченост преку здруженија на граѓани

Предмет на овој јавен повик е прибирање понуди од здруженија на граѓани (ЗГ) за обезбедување на следните услуги: логопедски услуги, психо-социјална поддршка, рехабилитациони услуги, едукативни семинари за родителство и грижа и обуки за правата на децата и лицата со попреченост.

Активностите се насочени кон подобрување на квалитетот на животот и социјалната вклученост на лицата со попреченост и нивните семејства.

Подобрување на општата социјална состојба на лицата со попреченост преку услуги обезбедени од здруженија на граѓани, во партнерство со Општина Битола.

Проектите ќе бидат поддржани со средства од Буџетот на Општина Битола за 2026 година согласно Програмата за социјална заштита на Општина Битола за 2026 година.

Документацијата се доставува во архива или по пошта во рок од 10 работни дена од денот на објавување на овој повик заклучно со

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер