СДСМ нема да биде контролирана опозиција, велат од партијата - Канал 5

Македонија

СДСМ нема да биде контролирана опозиција, велат од партијата

СДСМ мора да се преобрази во нов политички субјект. Вака гласи насловот на првиот текст денеска од кампањата против раководството на СДСМ пред претстојниот конгрес, се наведува во соопштението од СДСМ.

СДСМ нема да биде контролирана опозиција, велат од партијата

Героски е дел од добро координирана кампања на ВМРО за дефокусирање на јавноста од вистинските проблеми, криминалот и корупцијата на власта, што СДСМ секојдневно ги разоткрива.

Како што се криминалните тендерите, мигрантите, медиумскиот октопод „Алфа - Алта“ и најновото преземање на 4IG-мрежата од страна на Орбан, личен пријател на Мицкоски, со цел ВМРО да има контрола врз медиумите.

Героски, по моделот научен од странските служби, пласира пропаганда преку својот портал и објавите на личните профили на социјалните мрежи против СДСМ.

Героски е поврзан со БИА и нејзиниот агент Живаљевиќ, кој престојувал во неговиот стан од 2008 до 2014 година. Медиумските натписи наведуваат дека тоа било и во периодот на настаните во Собранието на 27 април 2017.

Тој го следи патот на својот колега Драган Павловиќ-Латас, кој во 1999 година учествувал во подготовката на демонстрациите пред американската амбасада, кои завршија со палење на објектот (по налог на тогашната српска служба), а сега е задолжен да води анти-ЕУ кампања за ВМРО.

Двајцата имаат специјални задачи во рамките на планот „српски свет“ наведен во извештај на Европскиот парламент, кој СДСМ јавно го разоткри.

Охрабрен од тоа што никој не реагира на осумте пријави што СДСМ ги поднесе поради неговиот вулгарен речник и навреди, Героски сега се осмелува да оди чекор понатаму како координатор на активностите и медиумски бранител на Деспотовски застанува во одбрана и на Петре Шилегов, двајца квислинзи што се обидуваат да предизвикаат поделби во СДСМ со навреди упатени кон членовите на СДСМ „паразити“.

Во периодот од најавата на конгресот до денес (само неколку недели), Героски напишал 16 колумни против СДСМ и раководството (никогаш толку не напишал) поддржувајќи ги овие двајца со желба да се создаде хаос и поделби во партијата.

Неговата идеја, поточно идејата на ВМРО, е да се запрат сите откритија на СДСМ, да се дефокусира јавноста од криминалот, корупцијата и странските влијанија што ја загрозуваат Македонија.

Сега, во својата последна колумна, овој мудар Хобит, кој неуморно го навредува СДСМ, се осмелува да дава совети на членовите за конгресот, истите тие членови што ги нарекува „баграта на 'Бихаќска'“!

„Од вас зависи“, вели тој.

Каква иронија, координаторот на активностите против СДСМ сака да „советува“ членови на партијата што цело време ја навредува и напаѓа? Во ова не е сам. Неговата колешка, влијателна ВМРО-новинарка, позната по врската со Латас, преку своите портали штанца исти такви текстови.

Ако ги видите текстовите на кујните на ВМРО и нивните портали, кои денес се објавени, ќе видите како сите цитираат еден „независен“ инфлуенсер со познато презиме.

Неговата објава се наоѓа кај сите, кај Героски и другите (да не ги споменуваме), освен што имаат иста содржина и пораки за членството на СДСМ, ја цитираат баш ова ФБ-побјава на овој инфлуенсер!

Ова исто така се случи со настапот на Петре Шилегов на ТВ и објавата на Јован Деспотовски, што вчера го документиравме пред јавноста.

Во сето ова граѓаните може сами да се уверат. Сите објави се достапни на интернет.

Покрај овие денешни текстови, како што самиот Героски вели во својот цитат: „пред конгресен молк “ (алудирајќи на молк како пред избори), колешката новинарка на ВМРО, авторка на измислената афера „Д-р Жан“ (која ја најавила на 19 декември гостувајќи на својата телевизија), води две кампањи истовремено.

Покрај кампањата за измислената афера, паралелно управува и креира кампања пред конгресот на СДСМ со цел да создаде немир во редовите на членовите.

Овие денови толку многу совети од страна на ВМРО и нејзините подружници, кои се финансираат со пари на граѓаните, што е неверојатно. Уште поневеројатно е што една партија на власт бара оставка од претседателот на опозициската партија!

Каков апсурд!

Ова е незамисливо каде било во светот, додека тие тоа го направиле над 20 пати преку соопштенија и текстови на своите медиуми.

Да повториме: „Власта бара смена на претседателот на опозициската партија!!“ Комедија.

Вакво влијание врз медиумите е можеби забележано само во земјите од третиот свет, а не било карактеристично за Европа, освен Србија, која често се наведува како пример.

Со оглед на сестринските врски на ВМРО и СНС, не е чудно што од страна на САД сме ставени на листата со земјите од третиот свет во врска со прашањето за визите.

Ќе ве потсетиме дека многубројни меѓународни организации во своите извештаи ја навеле Македонија како земја во која власта врши притисок врз медиумите.

Според извештаите на организации како Reporters Without Borders (RSF), Freedom House, IREX, BIRN, AJM, Европската комисија, Македонија е под влијание на власта за прашањето на медиумите со притисоци врз новинарите, политичка поларизација, економски ограничувања и историски падови на слободата на медиумите под владеењето на ВМРО.

На World Press Freedom Index-от (RSF) земјата била рангирана околу 34. место во 2010 и паднала на 116. во 2013 година. За време на власта на Груевски и Сашо Мијалков, на листата била последна во Европа во 2015.

Со доаѓањето на СДСМ, Македонија напредувала дури до 38. место во 2023 година.

Веќе во 2024 година, со повторното доаѓање на ВМРО на власт, Македонија за само половина година паднала на 42. место.

Извештајот за 2025 година сè уште го нема, а веруваме дека позицијата е сериозно променета.

СДСМ нема да дозволи нападите на ВМРО преку своите новинарски сателити и медиуми во сопственост да нè одвратат од борбата за вистината и реформи.

Ќе продолжиме да ги разоткриваме сите скандали и да се бориме за европска Македонија.

СДСМ никогаш нема да биде контролирана опозиција како многу партии на политичката сцена во Македонија.

Овие обиди за дисциплинирање може да поминат само кај оние што даваат легитимитет на криминалот и корупцијата на тендер-коалицијата.

Ова сценарио, кое е преземено, како и сè друго што го прави ВМРО од Вучиќ и СНС, нема да помине.

Ако Вучиќ успеал со овие техники да ја маргинализира опозицијата во Србија, овде тоа нема да може!

Со стотици „ноќни волци“, соработници на БИА, странски служби, десетици милиони евра вложени во медиумска контрола, злоупотреби на целиот државен систем на моќ, нема да ви помине!

ВМРО и нивните СНС, како и Фидес-сојузници, нема да успеат да нè замолчат!

СДСМ отсекогаш била и ќе биде партија во служба на граѓаните на Македонија.

Со граѓаните ќе се избориме за европска Македонија, со вистински систем на вредности и нема да дозволиме некои „лидери“ да ја држат целата држава во изолација и мрак, а нејзините граѓани како заложници!

Правдата ќе победи!

СДСМ - Центар за комуникации со јавноста

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Андре Агаси разочаран од откажувањето на полуфиналето на Ролан Гарос

Легендата на светскиот тенис, Андре Агаси разочаран од откажувањето на полуфиналето на Ролан Гарос-„Вака успеав да стигнам до финалето на 56 години“.

Андре Агаси разочаран од откажувањето на полуфиналето на Ролан Гарос

Поранешниот шампион на Ролан Гарос остана без зборови на веста дека полуфиналето е откажано.

Организаторите на Ролан Гарос доживеаја вистински дебакл на крајот од турнирот, бидејќи полуфиналето помеѓу Матео Арналди и Флавио Коболи воопшто не се играше.

Арналди се повлече поради вирус, и тоа откако претходно го мина Матео Беретини во четвртфиналето, по помалку од два сета од натпреварот (7:5, 5:2).

Американскиот шампион на Гренд слем, Андре Агаси, беше изненаден од откажувањето на Арналди уште пред да излезе на теренот.

„Можев да го победам Арналди денес, на 56 години. Ако не се појавиш, не победуваш. Разочарувачки е. Овој турнир беше полн со изненадувања, но, ова не е изненадување што некој сака да го види. Тој имаше меч во два сета во четвртфиналето (Беретини му го предаде, видете весник) и имаше време физички да се опорави, но очигледно се справува со нешто. Ќе беше подобро ако беше нешто со што не можеше да се справи. Ова е разочарувачки“, рече Агаси во студиото на ТНТ Спортс.

Навивачите така останаа без натпреварот за кој купија билети, а Флавио Коболи стана финалист на Ролан Гарос и ќе игра за титулата против Александар Зверев, Германец кој има историска шанса да го освои својот прв Гренд Слем. Ова ќе биде негово петто финале на Гренд Слем и тој ќе игра во недела против десеттиот рангиран играч во светот за титулата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филибек: Европската перспектива е јасна, потребна е политичка волја од власта

Филибек укажа на фактот дека европската перспектива на Македонија и Западен Балкан е јасна, но дека за нејзина реализација е неопходна политичка волја од актуелната власт.

Филибек: Европската перспектива е јасна, потребна е политичка волја од власта

Европската перспектива е јасна, потребна е политичка волја од власта, порача генералниот секретар на Партијата на европските социјалисти (ПЕС), Џакомо Филибек, во рамки на меѓународната конференција на Социјалдемократскиот сојуз на Македонија и Корчуланската висока политичка школа, на која беше промовирана „Скопската иницијатива“.

Филибек укажа на фактот дека европската перспектива на Македонија и Западен Балкан е јасна, но дека за нејзина реализација е неопходна политичка волја од актуелната власт.

„Тука сум и со една јасна порака во однос на заморот што се чувствува во јавната дебата за интеграцијата на земјата во Европската Унија. Тој замор е последица на недостигот од политичка волја и решителност кај актуелната власт. Националистичката реторика што ја поттикнуваат не помага во процесот, туку дополнително ја збунува јавната дебата за европската иднина на државата“, потенцираше Филибек.

Филибек нагласи дека европската иднина на Македонија е неразделна од европската иднина на регионот, при што интеграцијата мора да се одвива паралелно и заеднички.

„Пораката што сакам да ја пренесам е јасна: иднината на Европската Унија е поврзана со интеграцијата на Западен Балкан и со полноправното членство на Македонија во европското семејство. Истовремено, иднината на Македонија е во Европската Унија, заедно со останатите земји од регионот. Тоа се два процеса кои мора да се движат паралелно и заедно да придонесат за конечно обединување на европскиот континент“, рече Филибек.

Филибек потсети и на улогата на СДСМ во реформските и европските процеси во државата.

„Во изминатите години СДСМ покажа лидерство токму во овој процес и го трасираше патот на реформите. Денес постои реална можност за напредок и таа шанса мора да се искористи. Европската Унија покажува јасна подготвеност за проширување, а тоа го потврди и претседателот на Европскиот совет, Антонио Кошта, за време на неговата посета на земјите од регионот“, рече генералниот секретар на Партијата на европските социјалисти (ПЕС), Џакомо Филибек.

прес конференција на Џакомо Филибек – генерален секретар на ПЕС, Скопска иницијатива

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денови за спорт на младите во општина Илинден

Општина Илинден пулсираше во духот на спортот и заедништвото. 

Денови за спорт на младите во општина Илинден

На спортските терени изминатите два дена се одржа традиционалната спортска манифестација „Денови за спорт на младите во Општина Илинден“, на која учествуваа околу 400 ученици од основните училишта во општината, како и учениците од СОСУ „Илинден“.

Согласно програмата, се одиграа финални општински натпревари во футсал, ракомет и одбојка во машка и женска конкуренција, турнир во баскет, атлетска трка, како и елементарни штафетни игри.

На атлетската трка на 60 метри во женска конкуренција, првото место го освои Јована Костова, второто место Бојана Стојчевска, а третото место Ангела Богдановска. Во машка конкуренција првото место го освои Роберт Митев, второто место Борјан Миленковски, а третото место Горазд Спасиќ.

На атлетската трка на 200 метри во женска конкуренција, првото место го освои Андреа Велковска, второто место Јана Миленковска, а третото место Јана Жарковиќ. Во машка конкуренција првото место го освои Горазд Димитриевски, второто место Дарко Трајановски, а третото место Филип Христовски.

На натпреварите во футсал во машка конкуренција, првото место го освои екипата на ООУ „Гоце Делчев“, а второто место екипата на ООУ „Браќа Миладиновци“. Во женска конкуренција првото место го освои екипата на ООУ „Ристо Крле“, додека второто место ѝ припадна на екипата на ООУ „Браќа Миладиновци“.

Во ракомет, во машка конкуренција првото место го освои екипата на ООУ „Гоце Делчев“, а второто место ООУ „Ристо Крле“. Во женска конкуренција првото место го освои ООУ „Гоце Делчев“, а второто место ООУ „Ристо Крле“.

Во одбојка, во машка конкуренција првото место го освои ООУ „Гоце Делчев“, второто место ООУ „Ристо Крле“, а третото место ООУ „Браќа Миладиновци“. Во женска конкуренција првото место го освои ООУ „Браќа Миладиновци“, а второто место ООУ „Ристо Крле“.

На турнирот во баскет за учениците од СОСУ „Илинден“, првото место го освои тимот на класот I-2, второто место го освои тимот од трета година, а трето место му припадна на тимот на класот IV-2.

Сите натпревари беа проследени од страна на градоначалникот на Општина Илинден, Александар Георгиевски, кој на најуспешните екипи и поединци им додели пехари и медали. Градоначалникот истакна дека Општина Илинден и понатаму ќе продолжи да вложува во спортот и младите, со цел создавање здрави генерации и поттикнување на спортските активности кај учениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер