СДСМ: Мирослав Тричковиќ - човекот на БИА, на Стоилковиќ и на Вучиќ, што ја злоупотребува српската заедница! - Канал 5

Македонија

СДСМ: Мирослав Тричковиќ - човекот на БИА, на Стоилковиќ и на Вучиќ, што ја злоупотребува српската заедница!

Вчера конечно добивме име и презиме на авторот на гнасниот текст полн со тешки навреди и говор на омраза против СДСМ и проф. д-р Венко Филипче.

СДСМ: Мирослав Тричковиќ - човекот на БИА, на Стоилковиќ и на Вучиќ, што ја злоупотребува српската заедница!

Авторот е Мирослав Тричковиќ.

Прво го потпиша како „Србите“. Вчера призна - тој лично бил.

Кој е навистина Мирослав Тричковиќ?

• Бил советник во Советот на Општина Куманово од листата на ВМРО

• Висок функционер на Демократската партија на Србите во Македонија

• Долгогодишен близок соработник, човек од најголема доверба и прв оперативец на Иван Стоилковиќ

• Дипломирал на Факултетот за политички науки во Белград

• Регрутиран во структурите на БИА по директна препорака на Иван Стоилковиќ

• Во 2017 година добива задача да го стави во функција порталот Srbi.mk, чиј уредник и сопственик е самиот тој.

• Денес е Директор на Управата за развој и унапредување на образованието на јазици на припадници на заедниците.

Човек задолжен за образование - со речник на простак и уличар.

Ова се кадрите на Владата на Христијан Мицкоски. Тоа се експертите за унапредување на јазиците, на ВМРО.

Тричковиќ е познат како голем русофил и отворен противник на НАТО.

Тој е поврзан со десничарски, фашистички и екстремни кругови во Србија – со Миша Вациќ (Српска десница), Драгослав Бокан (Бели орлови), како и со Александар Ѓурѓевиќ (Српска лига), според чиј модел БИА создаде партија за Саша Богдановиќ (поранешен ЗНАМ), еден од оние кои работеа на разнебитување на СДСМ заедно со Максим Димитриевски во корист на Мицкоски.

Промотор на Слободан Милошевиќ и на политиката од 90-тите години. Промотор на Алта Банка, која е во сопственост на браќата Вучиќ и која служи за финансирање на „српскиот свет“, како и на пропагандата на Вучиќ и ВМРО-ОКГ против ЕУ.

Почитувач е на Драгoш Калаиќ, еден од првите јавно декларирани фашисти во Југославија по смртта на Тито, Жељко Ражнатовиќ Аркан, командант на Српската доброволна гарда, Капетан Драган, осуден за воени злосторства во Хрватска, како и на неодамна починатиот хашки осуденик Небојша Павковиќ.

Што прави овој човек?

Ја злоупотребува целата српска заедница во Македонија.

Прво се крие зад „Србите“, а потоа признава дека тој лично стои зад текстот полн со омраза.

Ова е методот на „српскиот свет“.

Истиот модел што го користат Александар Вучиќ и СНС - да се поистоветат себеси со целиот народ, а потоа во име на народот да сеат омраза и поделби.

Тричковиќ е човек на Стоилковиќ.

Стоилковиќ е човек на Мицкоски.

Мицкоски е дел од истата мрежа што води кон Вучиќ и кон структурите што го промовираат „српскиот свет“ и антиевропската агенда во регионот.

Директор за образование со речник на уличар.

Оперативец поврзан со БИА.

Човек што ја користи српската заедница како штит и како оружје.

Ова не е глас на Србите во Македонија.

Ова е глас на еден послушник на Стоилковиќ, на Мицкоски и на мрежата што работи против европската иднина на Македонија.

Граѓаните мораат да знаат со кого имаат работа.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер