Македонија

СДСМ: Мицкоски започна кампања „предавници“ и конфликт со Бугарија за заштита на криминалната група ВМРО

Христијан Мицкоски, без решение за економијата, без реформи за ЕУ и без каква било визија за иднината на државата, започна нова кампања „предавници“ и вештачки конфликт со Бугарија, за да ја заштити себе си и својата криминална организација ВМРО.

Полека исчезнуваат парите во буџетот за криминалните тендери, владата се задолжува секојдневно, нема резултати во економијата, нема реформи – затоа му преостанува само да создава тензии и да ја обвинува опозицијата.

По падот на Орбан, идниот унгарски премиер Петер Маѓар најави сериозна борба против криминалната власт на Виктор Орбан.

Во Будимпешта се најавуваат истраги кои директно ќе стигнат до Мицкоски и неговиот „голем брат“ Вучиќ. Орбановиот балкански двоец – Мицкоски и Вучиќ, нивните сестрински партии и братските бизнис шеми наскоро ќе бидат под лупа на обвинителството.

Веќе е објавено дека кинескиот пари преку Унгарија завршиле во Македонија.

Орбановата медиумска мрежа од 40% од целиот македонски пазар, перењето пари и сомнителните тендери, телекомуникациски и енергетски компании директно поврзани со Орбан, се дел од истиот криминален октопод.

Мицкоски нема пари во буџетот, се задолжува секојдневно, а внатре во партијата има внатрешни конфликти околу Груевски.

Затоа и тој, како и Вучиќ, брзаат кон предвремени избори.

Како што месеци наназад предупредувавме – кога ќе снема пари за кражба преку тендери, криминалната организација ВМРО и нејзиниот сателит, партнер во тендер-коалицијата – ЗНАМ, веднаш ќе повикаат на избори.

Сега имаат уште еден причина повеќе.

Унгарија ќе биде прекинувачот.

Кога ќе се постават нови обвинители, започнува процесот на размонтирање на еден голем мафијашки октпод. Нè чека жешка есен.

Не се формираше владата во Бугарија, а Мицкоски веќе најавува влошување на односите и испраќање непријателски пораки кон соседна земја од која зависат нашите ЕУ интеграции.

Сите во СДСМ повторно ги нарекува „предавници“.

Сè е предавство ако ја загрозува криминалната организација ВМРО и нејзиниот шеф Мицкоски.

Кога немаш решение – нападни ја опозицијата.

Еднаш му помина со клечење и молење за власт, ветувајќи укинување на Преспанскиот договор и враќање на името, обвинувајќи ја опозицијата за предавство и негирајќи ги успесите на СДСМ како отворањето на преговорите за ЕУ интеграции и влезот во НАТО.

Граѓаните сега сè знаат и гледаат сè.

Лажниот патриотизам не полни фрижидери и паричници, ниту ги поддржува европските интеграции кои им овозможуваат на граѓаните единствена светла иднина, наместо сиромаштијата и изолацијата што ги нуди Мицкоски.

Доаѓа времето на вистината, правдата и одговорноста!

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Телефонски разговор на министерот Муцунски со бугарската министерка за надворешни работи, Велислава Петрова-Чамова

Министерот за надворешни работи и надворешна трговија, Тимчо Муцунски, денеска оствари телефонски разговор со министерката за надворешни работи на Република Бугарија, Велислава Петрова-Чамова.

Во рамки на разговорот, министерот Муцунски најостро го осуди инцидентот што се случи денеска, при кој беа опожарени возила во сопственост на Амбасадата на Република Бугарија во Скопје.

Притоа, министерот информираше дека надлежните институции веќе преземаат соодветни мерки за целосно расчистување на случајот, утврдување на сите околности и изведување на сторителот пред лицето на правдата.

Тој нагласи дека Министерството за надворешни работи и надворешна трговија дава целосна поддршка на надлежните институции во насока на брза, ефикасна и транспарентна истрага, со цел утврдување на одговорноста и соодветно санкционирање на сторителот.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Предлог законот за соодветна и правична застапеност на седница на Собранието

Жестоки реплики и контра реплики на расправата за предлог законот за правична застапеност во Собранието.

Опозицијата бара се повлече законското решение, власта и реплицира да не прават политички фолклор. Игор Манасиевски ја следи седницата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Опожарени две дипломатски возила пред бугарската амбасада во Скопје

Делумно опожарени две дипломатски возила во сопственост на бугарската амбасада во Скопје.

Случајот бил пријавен и до МВР од каде велат дека полициски екипи го документирале настанот и работат на негово расчистување. Неофицијално се трага по непознатиот сторител, кој избегал од местото на настанот.

- Непознат сторител го полеал едното возило со запалива течност и го запалил. Меѓутоа од првото возило било зафатено и возилото кое било паркирано во непосредна близина на опожареното. И двете возила се со дипломатски регистарски таблички.

Опожарените возила за кратко време биле изгаснати од страна на скoпската против-пожарна бригада.

Настанот најсостро го осудија и од Влдата и од македонското МНР и го оценија како вандалскиот и недозволив чин.

- Ваквите постапки претставуваат напад врз принципите на безбедноста, дипломатските односи и меѓународното право и не смеат да имаат место во демократска држава. Како Влада сакаме да испратиме јасна порака дека секој обид за предизвикување тензии, ширење омраза или нарушување на безбедноста ќе биде максимално санкциониран. Нема да дозволиме поединци да ја нарушуваат репутацијата на Македонија, се наведува владиното соопштение.

Рекација и осуда прсистигна и од бугарското МНР. Според нив станувало збор чин на агресија и нов напад врз Бугарија и Бугарите и бараат навремено и праведно расчистување на случајот.

- Овој најнов напад врз Бугарија и Бугарите е резултат на агресивен политички говор, поттикнување омраза и недостаток на соодветен одговор од страна на институциите во претходни слични значајни случаи, што создава чувство на неказнивост за сторителите, наведуваат од бугарското МНР.

Во пожарот нема повредени лица и не се зафатени објекти во близна на бугасрската амбасада во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.