СДСМ: Мицкоски најави поскапување на горивата, ама за граѓаните не најави никакви мерки - Канал 5

Македонија

СДСМ: Мицкоски најави поскапување на горивата, ама за граѓаните не најави никакви мерки

Мицкоски го најави денешното поскапување на горивата, ама не најави никакви мерки со кои ќе ги заштити граѓаните од новиот ценовен удар.

СДСМ: Мицкоски најави поскапување на горивата, ама за граѓаните не најави никакви мерки

Исто како што кажа дека има пазари и компании кои работат со „повисоки маржи“, но рече дека „имињата засега нема да ги открие“.

Тоа се тие се двајца Мицкоски – едниот признава дека има проблем, другиот со лаги и манипулации се обидува да дефокусира од проблемот.

Додека граѓаните живеат крпен живот, од ден во ден се се посиромашни, Мицкоски не презема ништо.

Затоа секоја изјава му е „наскоро ќе види“. Тоа „наскоро“ не ги полни фрижидерите на граѓаните, ниту ги плаќа сметките.

Секое зголемување на цените на горивата директно ги зголемува транспортните трошоци, а тоа повторно се прелева во повисоки цени на храната.

На крајот, сметката повторно ја плаќаат граѓаните, кои крај со крај не можат да врзат во месецот.

Скоро 70.000 денари му се потребни на едно четиричлено семејство само за покривање на основните животни трошоци.

Инфлацијата ја јаде куповната моќ. Со ребалансот и нагорното ревидирање на инфлацијата на 4,5%, Владата призна дека цените ќе продолжат да растат.

Тоа значи уште поскапа храна, уште повисоки сметки, уште поскап и потежок живот. Помала вредност на платите и пензиите. Помала куповна моќ.

А Мицкоски не сака да слушне за 600 евра минимална плата и мерки. Не прифати ниту една мерка од СДСМ, ниту за замрзнување на маржите на основните прехранбени производи, ниту поддршка за најранливите категории граѓани.

Наместо конкретни мерки тој вели во четири очи со компаниите ќе ги решавал високите цени – класична манипулација и замајување на јавноста.

Нема конкретна политика, ниту мерка за намалување на цените – Мицкоски уште ќе „чека“.

Ама затоа за задолжувања за партиските тендери не чека – тоа оди експресно.

За две години екпспресно направија нов долг од 2,5 милијарди евра, не за 600 евра минимална плата, не за мерки за граѓаните, не за капитални проекти – само за криминални тендери на расипничката ВМРО.

Вистината е дека оваа Влада за две години го донесе народот до дното на сиромаштија. Се покажува дека немаат ниту план, ниту желба за заштита на економијата и животниот стандард на граѓаните. Последиците од неспособната ВМРО граѓаните секој ден ги чувствуваат на бензинските пумпи, во маркетите и во своите празни паричници.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарот во Франција се приближува до Бордо- пожарникарите користат нова метода во гаснењето (ВИДЕО)

Илјадници луѓе беа евакуирани од периферијата на Бордо, бидејќи големите шумски пожари во југозападна Франција се приближуваа кон градот. 

Пожарот во Франција се приближува до Бордо- пожарникарите користат нова метода во гаснењето (ВИДЕО)

Француската војска, исто така, се приклучи во борбата против невидениот пожар, со воен транспортен авион Ербас А400М кој беше распореден за прв пат. Снимен е како испушта 20 тони хемиски ретардант за да го спречи ширењето на пожарот, објави Јутарњи.

Објавените снимки го покажуваат авионот како лета ниско над загрозената шумска област додека испушта црвена мешавина од ретардант за пожар, обидувајќи се да го пресече патот на пожарот што се заканува да се прошири во нови населби.

Црвениот ретардант - мешавина од вода, хемиски средства за ретардант за пламен и пигмент - не се користи за директно гаснење на пламенот, туку се прска врз вегетацијата пред фронтот на пожарот за да се намали запаливоста на растенијата и да се забави напредокот на пожарот. Пожарот моментално е на околу 30 километри од Бордо, познат центар за одгледување вино и клучен транспортен центар за туристи на атлантскиот брег.

Францускиот министер за внатрешни работи Лоран Нуњез изјави дека рекордни 98.000 хектари земја се изгорени во Франција досега оваа година во пожарите, предизвикани од интензивниот топлотен бран низ Европа.

„Очекуваме долга и тешка битка“, предупреди Нуњез, додека францускиот премиер Себастијан Лекорну рече дека пожарите достигнале невидени нивоа. Властите ги евакуираа жителите од општините Ле Агебланш, Ејсин и Мерињак, а вкупно 167.000 луѓе се евакуирани од поширокиот регион Жиронд досега.

На возачите и патниците на возот им е советувано да ја избегнуваат областа. Според климатскиот монитор на Ројтерс, просечната температура во поширокиот регион Аквитанија во јули била 32,2°C, 7,3°C над повеќегодишниот просек.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Карамбол во Германија: Кампер удри во колона возила на автопат - 34 повредени, меѓу кои и деца

Вкупно 34 лица, меѓу кои и неколку деца, се повредени во сообраќајна несреќа на повеќе возила на автопатот А9 во германската покраина Тирингија, откако кампер-комбе не застана во сообраќаен метеж, соопшти полицијата.

Карамбол во Германија: Кампер удри во колона возила на автопат - 34 повредени, меѓу кои и деца

Сите повредени имаат полесни до умерени повреди и ничиј живот не е во опасност, изјави портпаролот на полицијата.

Камперот се судри со неколку возила

Полицијата соопшти дека возачот на камперот, кој превезувал две деца, не го забележал запирањето на сообраќајот и се судрил со неколку возила. Девет возила беа оштетени, вклучувајќи два минибуса што превезуваа 11 деца со големи потреби за поддршка и осум старатели.

Автопатот беше затворен повеќе од пет часа

Автопатот кон Берлин беше затворен околу пет и пол часа додека службите за итни случаи пружија помош и ги отстранија возилата од местото на несреќата. Полицијата ја процени штетата на околу 350 илјади евра.

Сообраќајниот метеж беше предизвикан од претходна несреќа во која беше вклучена превртена приколка за коњи, соопшти полицијата. Автопатот беше затворен во двата правци по таа несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Венс објави први семејни снимки по раѓањето на четвртото дете (ФОТО)

Потпретседателот на САД, Џ.Д. Венс, и неговата сопруга Уша, ги споделија првите фотографии од нивниот новороден син Алек и го претставија на јавноста. 

Венс објави први семејни снимки по раѓањето на четвртото дете (ФОТО)

Тие објавија серија семејни фотографии на социјалните мрежи пет дена по неговото раѓање.

Во заедничка објава на Инстаграм, тие им се заблагодарија на сите за нивните добри желби и го покажаа најмладиот член на семејството.

„Ви благодарам на сите за добрите желби додека се прилагодуваме на животот како семејство од шест члена. Запознајте го Алек - и уживајте во нашите обиди да направиме пристојна семејна фотографија со четири деца“, напишаа тие.

На фотографиите, семејството позира на каучот. Џ.Д. Венс го држи својот новороден син во раце, додека неговата сопруга Уша седи до него со нивните три постари деца - синовите Јуан и Вивек и ќерката Мирабел.

Реакции на следбениците

Објавата набрзо доби бројни честитки и позитивни коментари. Многумина истакнаа колку спонтани и природни изгледаат фотографиите.

„Уша изгледа неверојатно! Прекрасно семејство. Честитки!“, напиша еден следбеник.

Друг додаде: „Фотографирањето со четири деца никогаш не е полесно, но ова се најубавите фотографии бидејќи ја покажуваат личноста на секое дете. Благослови за вашето семејство.“

Трет коментираше: „Уша изгледа одлично. Дали навистина се породи? Честитки до вашето прекрасно семејство!“

Момчето е родено на 19 јули

Алек Нил Венс е роден во утринските часови на 19 јули. Потпретседателот Венс потоа објави дека мајката и детето се добро. „Возбудени сме што го објавуваме раѓањето на нашиот син, Алек Нил Венс, утрово. Уша и бебето се добро, а нашите деца се пресреќни што ќе го запознаат малото братче“, напиша тој.

Тој, исто така, им се заблагодари на медицинските тимови на Националниот воено-медицински центар „Волтер Рид“ и на медицинската единица на Белата куќа за грижата за неговата сопруга и син.

Двојката објави во јануари дека го очекуваат своето четврто дете. Потоа открија дека се раѓа момче и дека целото семејство со нетрпение го очекува неговото пристигнување на крајот на јули.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер