СДСМ: Мицкоски лаже, Европа вели НЕ за тројански коњи - Канал 5

Македонија

СДСМ: Мицкоски лаже, Европа вели НЕ за тројански коњи

Христијан Мицкоски многу лаже.  Сите во Европа го причитаа.

СДСМ: Мицкоски лаже, Европа вели НЕ за тројански коњи

Како што лажеше дека ќе го врати името, така лаже и денес за блокираниот европски пат на Македонија.

Еврокомесарката за проширување Марта Кос предупреди за „токсичните влијанија на Русија и други“ и испрати јасна порака во името на ЕУ – нема место за тројански коњи.

За жал, Македонија денес има токму таков пример со ВМРО, со нивниот вицепремиер кој има средби со „Ноќните волци“ на Путин, по врските со Москва и нивната сестринската партија СНС, по кинеските пари.

Европа не прифаќа тројански коњи во своите редови.

Пораките од Европската Унија се директни и недвосмислени. Реформите во правосудството, владеење на правото, борбата против корупцијата и криминалот, слободата на медиумите и вклучувањето на малцинствата во Уставот се услов за продолжување на европскиот пат на државата.

Наместо да работи на исполнување на овие услови, Мицкоски свесно создава конфликти со соседите со цел да ја држи земјата во изолација. Тоа е единствениот начин да се избегне одговорност за криминалот и корупцијата во врвот на власта.

Граѓаните знаат: европската перспектива на државата е реална и достижна, но Мицкоски ја тука Македонија во изолација.

Сè кај Мицкоски е лага. Дури и неговата измислена приказна за „влез во ЕУ без право на глас“.

Како што лажеше за враќањето на името, сега лаже и за влезот во ЕУ.

Политиката на Мицкоски и ВМРО-ОКГ во една реченица: ЛАГА!

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер