Македонија

СДСМ: “Мицкоски има виза за Британија и гради зграда од 45 ката во Белизе“

Доколку во СДСМ работеше екипа од медиумскиот центар на ВМРО, вака ќе изгледаше насловот на нашето денешно соопштение.

Сепак, за разлика од нив, во СДСМ работат пристојни и морални луѓе, кои водат сметка за тоа што ќе излезе во јавноста.

Зошто ваков наслов? Затоа што еден дел е вистина, а другиот дел е целосна лага. Класичен пример за наслов од жолт печат.

Со денови читаме сензационалистички наслови од соопштенијата на ВМРО, како да станува збор за наслови од таблоид.

Само во еден ден беа објавени повеќе од 40 текстови во нивните портали, а темата дополнително беше обработувана и на една телевизија: „Венко Филипче има златна виза“!

Што всушност стои зад ова? Дефокус!

Дефокус од темата дека преку еден, т.н. новинар (кој самиот се нарекува „алфа анти-СДСМ“), биле координирани активности со Јован Деспотовски од СДСМ, со цел да се предизвика дестабилизација на нашата партија.

Сега да им објасниме на граѓаните, на оние кои можеби сè уште веруваат во овие измислени вести од кујната на ВМРО.

Визата е одобрение или службен документ што го издава владата на некоја држава и кој му овозможува на државјанин на друга држава влез, престој или транзит.

Обично станува збор за печат или налепница што се става во пасош. Впрочем, за деталите околу некоја виза секој граѓанин може да провери на веб-страницата на соодветната амбасада и со тоа да ја затвориме оваа бесмислена тема од кујната на ВМРО.

Д-р Венко Филипче работи како доктор и не се занимава со градење какви било згради, а особено не со зграда од 42 ката во Дубаи со Зоран Заев, кој веќе пет години е во политичка пензија. Да повториме за оние што сè уште не ја добиле таа информација, ако воопшто има такви.

Откако утврдивме дека „златната виза“ не е злато, туку хартија во пасош, сакаме да им порачаме на граѓаните на Македонија дека токму поради вакви работи не сакаме да одговараме на лажните вести и измислените глупости на ВМРО, бидејќи тие служат за дефокус од главните теми, како што е прашањето за „мигранти за пари“ и криминалните тендери.

Ние се занимаваме со разоткривање на криминално-коруптивните шеми на ВМРО и се обидуваме, заедно со граѓаните, да го запреме процесот на доведување „мигранти за пари“ во нашата Македонија.

Не заборавајте дека наскоро планираат избори, а сите знаеме што нè очекува потоа.

Изборот на граѓаните ќе биде лесен: Македонија во изолација или европска, демократска и просперитетна држава.

СДСМ има една цел – да ја врати власта во рацете на народот од канџите на бандата на ВМРО.

Нам не ни треба лидер како актуелниот од ВМРО, туку ни треба систем, како во сите земји на Европската Унија.

Ни треба подобра иднина за сите граѓани на Македонија и за нивните деца, тие деца утре да не бегаат од својата татковина, туку во својата земја да можат да создаваат семејства и да работат во нормално опкружување.

Борбата трае! Нема да застанеме.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со температура до 29 степени

Утре времето ќе биде сончево и релативно топло, информираат од УХМР.

МАКСИМАЛНА ТЕМПЕРАТУРА

14 Попова Шапка, 17 Крушево, 21 Претор, Маврови Анови, Охрид, 23 Берово, 24 Прилеп, Виница, Битола, 25 Крива Паланка, 26 Тетово, Штип, Демир Капија, 27 Кавадарци, Велес, Скопје Петровец, 28 Струмица, Скопје Зајчев Рид, Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и релативно топло со слаб ветер од променлив правец. До крајот на денот ќе биде стабилно и ведро.

ВРЕМЕТО УТРЕ

Утрото ќе биде ведро и студено, а во текот на денот сончево и релативно топло. Ќе дува слаб ветер од јужен правец. Минималната температура ќе биде во интервал од -3 до 6, а максималната во интервал од 22 до 29 степени.

Во Скопје, сончево и релативно топло со слаб ветер од јужен правец. Минималната температура ќе се спушти до 3, а максималната ќе достигне до 26 степени.

ВРЕМЕТО ВО НАРЕДНИТЕ ДЕНОВИ

Во четврток времето ќе биде сончево и релативно топло со променлива облачност во текот на денот. Во петок и за време на викендот, времето ќе биде променливо облачно со услови за врнежи од дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши се сретна со поранешните претседатели на Собранието

Претседателот на Собранието, Африм Гаши на денешната трета средба со поранешните претседатели на Собранието, ја потпиша Одлуката за формирање на Совет на поранешни претседатели на Собранието на Македонија.

Претседателот на Собранието, Африм Гаши на денешната трета средба со поранешните претседатели на Собранието, Тито Петковски, Никола Поповски, Трајко Вељаноски и Јован Митрески, ја потпиша Одлуката за формирање на Совет на поранешни претседатели на Собранието на Македонија.

За идејата, односно целта за донесувањето на одлуката претседателите на Собранието беа известени на претходните две средби, одржани на 21 октомври 2025 година и на 7 април 2026 година. Имено, целта за формирањето на Советот, како неформално советодавно и консултативно тело, е обезбедување континуитет на институционалната меморија на Собранието; унапредување на парламентарната практика и демократијата и давање стручни и советодавни мислења за прашања од значење за работата на Собранието.

Покрај ова на средбата беа разменети мислења за одделни процедурални прашања во работењето на Собранието, прашања што се однесуваат на дигитализацијата на работењето на Собранието во рамките на Националната стратегија за дигитализација, идејата за Библиотека на Собранието и за други актуелни прашања од интерес на работењето на Собранието и прашања од интерес на државата, с е наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Генетски модифициран квасец е градежно решение за станбен простор на Марс

Научниците во Хонг Конг развија брз и евтин „жив“ градежен материјал за домови за идните колонисти на Марс, направен од генетски модифициран квасец, желатин и песок, кој може да се печати со помош на 3Д технологија.

Идните колонисти на Марс ќе имаат потреба од домови, но тие се соочуваат со изборот да потрошат огромни суми пари за транспорт на градежни материјали од Земјата или да користат огромна количина енергија за да ја претворат марсовската почва во тули.

Научниците од Технолошкиот универзитет во Хонг Конг (HKUST) развија иновативен, евтин и енергетски ефикасен „жив“ градежен материјал за куќи за 3Д печатење на Марс, направен од комбинација од генетски модифициран квасец, желатин и марсовска почва, реголит.

Студијата на научниците од Хонг Конг, објавена минатиот месец во онлајн изданието на списанието „Chem Circularity“, опишува биолошко врзивно средство кое врзува грануларни материјали, според порталот Scmp.

Оптимизираната смеса имала компресивна јачина од околу 12 мегапаскали (MPa), што е околу 170 проценти повисоко од контролната смеса и спаѓа во опсегот на вредности карактеристични за конвенционалните градежни материјали.

Главните карактеристики на ова решение се природно замрзнување-сушење, потоа исклучителна цврстина, како и заштеда на ресурси.

Кога оваа смеса се печати 3D на површината на Марс, изложеноста на екстремно ладна и сува марсовска атмосфера предизвикува материјалот да се замрзне и исуши.

Како што е наведено, за време на овој процес, квасецот делува слично на природно лепило, претворајќи ја смесата во лесен, но изненадувачки цврст материјал чија издржливост е споредлива со полесните видови бетон. Процесот не бара печки со висока температура, што драстично ја намалува потрошувачката на енергија потребна за градење колонии на Марс.

Иако досега се успешно отпечатени само мали тест структури, ова откритие на научници од Хонг Конг има огромно значење за развојот на живот надвор од Земјата.

Тагови: марс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.