Македонија

СДСМ: Измените на Кривичниот законик спротивни на директивите на ЕУ, шминка за спас на криминалците на власт

Власта, иако ветуваше, не направи вистински измени на Кривичниот законик.

Наместо тоа, преку пратеници на ДПМНЕ, поднесува козметички интервенции, далеку од суштинска реформа, дури и спротивна на европски директиви и комвенции.

Иако нов Кривичен законик се подготвуваше повеќе од четири години од работна група составена од професори, експерти, судии и обвинители – тој не е поднесен.

Нема нов Кривичен законик.

Нема реформа.

Се плашат ли од јавноста, од експертите, од граѓанските организации, од европските стандарди?

Или се плашат од вистината?

Наместо измени по „ЕУ-стандард“ власта донесе неевропски закон, спротивен на европските регулативи.

Предлог-измените што ги турка власта се спротивни на клучните директиви на ЕУ – 2024/1260 и 2024/1385.

Кај членот 98-а, наместо објективен доказен стандард, каков што бара Директивата за враќање на средства и конфискација, се користи формулацијата „судот е уверен“. Значи субјективен, непрецизен и правно небезбеден критериум.

Ова директно го нарушува принципот на правна сигурност утврден во ставовите на Венецијанската комисија и отвора простор за селективност и злоупотреби.

Затоа го стопираат европскиот пат, затоа што Лаура Ковеши сите ќе ги реши!

Дополнително, со измените на членот 353 – Злоупотреба на службената положба е во директна спротивност со Конвенцијата на ОН против корупција (UNCAC).

Членовите 17 и 19 од Конвенцијата бараат ефективни, пропорционални и одвраќачки санкции, а не законодавно „јо-јо“ – драстично намалување на казните, па нивно козметичко „зголемување“.

Тоа значи дека овој нов закон не може да ги врати застарените предмети од 2023 година.

Претставувањето на овие измени како „репарација“ или „враќање на правдата“ е правна илузија и измама.

Факт е дека предложените измени не се ништо друго освен очаен обид за спас на власта од одговорност за криминал и корупција.

Целта е јасна – заштита на функционерите на власта од кривична одговорност за криминални скандали и сомнителни тендери.

Како што се: 161 тендер во вредност од 5,3 милиони евра за една фирма, 9 милиони евра за фирма со двајца вработени, тендери поврзани со блиски лица, роднини и партиски структури.

Очигледно е дека овој предлог доаѓа под притисок – од истраги, од факти, од докази и од страв дека казнената политика конечно ќе ги стигне.

СДСМ бара Владата веднаш да го повлече овој срамен предлог, Министерството за правда да го објави веќе подготвениот нов Кривичен законик на ЕНЕР, и да се отвори вистинска јавна дебата со домашната и меѓународната стручна јавност.

Да се донесе ново, строго и европско решение за злоупотреба на службената положба – со јасни одредби, повисоки казни и нулта толеранција за корупција.Нема реформи без правда.

Нема правда со криминалци на власт.

И нема закон што ќе ја спаси оваа власт од одговорност.

Одговорност ќе има.

Центар за комуникации со јавноста на СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ферати – Дрекслер: Дијалогот меѓу заедниците и зајакнувањето на младите, столбови на европскиот пат

Министерот Агон Ферати денеска ја прими германската амбасадорка во Северна Македонија, г-ѓа Петра Дрекслер.

На средбата беа разгледани заедничките приоритети за унапредување на процесите што поттикнуваат инклузивност, еднакви можности, меѓусебна доверба и изградба на поинклузивно и поодржливо општество. Соговорниците ја истакнаа важноста од продолжување на реформите и политичката посветеност како клучни фактори на патот кон интеграцијата на земјата во Европската Унија.

Министерот ја информираше амбасадорката за годишната програма на Министерството за односи меѓу заедниците и за планираните активности кои имаат цел директно да придонесат за зајакнување на општествената кохезија, промовирање на дијалогот и јакнење на довербата меѓу етничките заедници. Во таа насока беше нагласена потребата од продолжување на заедничките институционални напори за создавање стабилна клима на соработка и меѓусебно разбирање.

На средбата се разговараше и за идните проекти и можностите за реализација на нови иницијативи од заеднички интерес. Посебно внимание беше посветено на активното вклучување на младите во консултативните процеси при изработката на стратегиите, како и при спроведувањето на различните активности на Министерството, со цел нивниот глас и перспектива да бидат составен дел од идните политики и проекти што придонесуваат за развојот на општеството и приближувањето кон Европската Унија.

Прес служба на кабинетот на министерот за односи меѓу заедниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Земјата е енергетски безбедна, сакаме да ја намалиме цената на струјата, а не да ја покачиме

Македонија не се соочува со енеретски удар заради низок водостој на акумулациите како во делови од Европа, напротив земјава е енергетски безбедна, изјави премиерот Мицкоски.

Владата вели тој не размислува на покачување туку на намалување на цената на струјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.