СДСМ го одржува 31. Конгрес - Канал 5

Македонија

СДСМ го одржува 31. Конгрес

Социјалдемократскиот сојуз денеска во Скопје во хотелот „Александар Палас“ ќе го одржи 31. Конгрес. Според информациите од СДСМ, на Конгресот ќе има отворен и работен дел.

СДСМ го одржува 31. Конгрес

На почетокот ќе има отворен дел од конгресот, по што ќе следува и обраќање на претседателот на СДСМ, Венко Филипче кое што медиумите ќе можат целосно да го проследат. Потоа ќе следи работен дел од Конгресот.

Инаку, пред најавениот Конгрес не стивнаа превирањата во опозициската СДСМ. Лидерот на партијата Венко Филипче на прес-конференција пред два дена посочи дека поранешни членови на партијата и функционери одработувале за власта и наместо да се занимаваат со, како што рече, лошите политики на актуелната влада, тие пак и натаму се занимаваат со СДСМ.

Тој нагласи дека тековните критики кон него и кон партијата доаѓаат од, како што рече, „поединци, кои се уценети или купени“, додавајќи дека вистинските членови на СДСМ и поддржувачите ги препознаваат тие обиди да се ослаби опозицијата. Порача дека нема намера да се повлече од функцијата бидејќи, како што истакна, неговата главна цел е да продолжи да се бори за „заздравување на општеството, искоренување на корупцијата и враќање на државата на европскиот пат“.

Филипче истакна дека СДСМ останува целосно обединета партија, со синхронизирана и компактна пратеничка група, а дека процесот на внатрешна консолидација во општинските организации е во тек.

Од друга страна, поранешниот градоначалник на Скопје, Петре Шилегов побара Филипче да си поднесе оставка, а со отворена критика излезе и поранешниот директор на ТИРЗ, Јован Деспотовски, кој оцени дека актуелното раководство на СДСМ е единствено одговорно за незадоволството меѓу членовите на партијата.

Потпретседателката Јована Тренчевска, пак, во интервју за „360 степени“ на МРТ 1 на 19 јануари, изрази уверување дека на Конгресот ќе дојдат мнозинството делегати.

-Верувам дека ќе имаме успешен конгрес на партијата на кој ќе дојдат мнозинството од делегатите, изјави потпретседателката и пратеничка на опозицискиот СДСМ, Јованка Тренчевска, прашана за коментар во врска со информациите што доаѓаат од одредени кругови дека раководството на партијата е пред предизвик да обезбеди успешност на Конгресот бидејќи има одредени кругови во партијата што работат да одвратат дел од делегатите за Конгресот да не успее.

Станува збор за отчетен конгрес на СДСМ, на кој, според информациите, треба да се разговара и за исходот од локалните избори.

Во декември минатата година целото раководство на СДСМ си поднесе оставка освен претседателот Венко Филипче, а овој потег беше на негово барање. Оставка даде и заменик-претседателката на партијата Фани Каранфилова-Пановска.

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Во Ново Село денеска мирни млади социјалдемократи го пречекаа Христијан Мицкоски со едноставна порака, Гостивар се труе, вие сте виновни.

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Мирно. Културно. Без насилство.

Одговорот на организираната криминална група беше класичен: пратија околу десетмина да им се закануваат, да ги нападнат и да ги замолчат.

Меѓу нив и шофер на градоначалникот на Ново Село, Наско Димитриев.

Вчера поднесуваа кривични пријави за навреда.

Денеска праќаат насилници.

Ова е нивото на власт што ја води Мицкоски.

Кога нема аргументи - праќаат луѓе да тепаат.

Кога нема резултати - шират страв.

Кога народот прашува за труењето во Гостивар - тие напаѓаат млади.

Мицкоски ја загуби контролата.

Се плаши од вистината.

Се плаши од народот.

Се плаши од младите.

Затоа што младите не се купуваат со лаги.

Не се плашат од закани.

И не молчат додека цела Македонија се труе.

СДСМ бара од МВР веднаш да ги идентификува и уапси сите учесници во нападот.

Сите до еден. Без селективност. Без заштита.

А на младите социјалдемократи им порачуваме јасно:

Не сте сами!

Нема да ве замолчат.

Борбата против насилството и криминалната власт продолжува.

Народот е буден.

И стравот веќе не е на нивна страна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тигрицата Умит се врати во дивината, нова надеж за загрозен вид (ВИДЕО)

Тигар е пуштен во дивината. Само по себе, ова можеби не би била толку возбудлива вест ако не беше фактот дека станува збор за женка од загрозениот Амурски тигар која е вратена во дивината на Казахстан.

Тигрицата Умит се врати во дивината, нова надеж за загрозен вид (ВИДЕО)

Животното, по име Умит (Надеж), е пуштено во природниот резерват Иле-Балхаш во регионот Алмати, каде што луѓето целосно ги истребија овие прекрасни предатори пред неколку децении. Резерватот е основан со една цел - да стане дом за овие големи животни.

Уникатниот проект за враќање на тигрите во нивното историско живеалиште го води Министерството за екологија на Казахстан во соработка со рускиот Центар за Амурски тигри.

Тигрицата Умит е втората женка што пристигна во областа. Првата беше пуштена пред две години откако пристигна од Холандија. Таа пристигна во резерватот со мажјак, а парот е сè уште во голем ограден простор и сè уште не е целосно слободен во природа.

Умит, сепак, е поинаква приказна. Таа пристигна од територијата Хабаровск на рускиот Далечен Исток. Таа беше придружувана од мажјак по име Амур, како и две младенчиња - Туран и Усури. Сите тие се дел од популацијата на амурски тигри од Русија и беа веднаш ослободени.

Амурскиот тигар, познат и како сибирски тигар, е најголемиот предатор мачка во светот. Возрасните мажјаци можат да тежат повеќе од 300 килограми и да достигнат должина од речиси три метри. Овој исклучително издржлив предатор може да преживее температури и до минус 40 степени Целзиусови благодарение на густото крзно и дебелиот слој маснотии на стомакот.

Во текот на изминатиот век, луѓето речиси целосно го истребија овој вид во дивината поради ловокрадство и уништување на шумите. Затоа, секој нов тигар пуштен во дивината е голем чекор кон опстанокот на едно од најзагрозените животни на планетата.

Целта на еден голем проект во Казахстан е да се создаде самоодржлива популација од 100 до 120 тигри во текот на следната деценија.

Извор: Б92

Тагови: тигар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политички превирања во Унгарија: Тиса бара итен избор на нов претседател

Парламентарната група Тиса поднесе иницијатива Унгарскиот парламент да избере нов претседател на Републиката на вонредна седница на 11 август, во согласност со уставните рокови.

Политички превирања во Унгарија: Тиса бара итен избор на нов претседател

Парламентарната група Тиса денес поднесе иницијатива Унгарското национално собрание да избере нов претседател на Републиката на вонредна седница во вторник, 11 август.

Предлогот предвидува изборот на шеф на државата да биде вклучен како додаток на дневниот ред на вонредната седница на парламентот, закажана за 10 и 11 август, објави унгарскиот портал Индекс.

Според образложението на иницијативата, новиот претседател на Републиката треба да биде избран во вторник, 11 август, односно во рокот пропишан со унгарскиот Устав. Иницијативата ја поднесе шефицата на пратеничката група Тиса, Андреа Ана Бујдосо, а покрај лидерот на партијата, Петер Маѓар, ја потпишаа уште 42 пратеници.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер