СДСМ: Две години од предавството на ЗНАМ, една љубов – тендери!

Две години од предавството на ЗНАМ, прво ја предадоа партијата, потоа гласачите.

Денеска во кино ЗНАМ прави отчет. „Две години работа. Две години резултати. Една љубов - тендери.“

Максо со неколку тендер-патриоти во кино. Веројатно филмот е: “како ја предадов партијата и гласачите за тендери”.

Тоа не е љубов кон Македонија. Тоа е љубов кон парите.

ЗНАМ се роди како проект на Мицкоски. Да ја урне СДСМ одвнатре.

Луѓе кои прво ја предадоа својата партија, а потоа ги предадоа и гласачите кои поверуваа во приказната за реформа во СДСМ.

Влегоа во власта. Станаа дел од организирана криминална група ВМРО. Станаа дел од бандата.

Сателити. Глас во Собрание. Столче во институција. Тендер во општина. Тендер во Пошта.

Резултатите ги знае народот.

Максо прво ги продаде гласачите, потоа Македонија. Потоа следуваше и плац за Лидл.

Со оглед дека има фирма во Бугарија, може себеси да се претстави како странски инвеститор.

Тоа се две години. Две години кражба, две години во кои граѓаните се држени како заложници.

Сега ќе печатат брошура и ќе шетаат во 14 градови да објаснат колку ја сакаат Македонија.

Нека објаснат колку чини столчето. Нека објаснат зошто „патриотите“ имаат бугарски пасоши и фирми.

Нека каже сега, кога знаеме дека колегите, понапредната верзија, ЗНАМ 2.0 за „реформи“, зеле 1,6 милиони, колку тој зел за првата верзија на ЗНАМ?

СДСМ не седи во нивната сала. СДСМ ги именува со нивното вистинско име.

Предавството има датум. Сега се најавува и втор датум, повторно собирање „за иднината на Мицкоски“, за неколку дена.

Следниот настан нека го прават заедно. Наместо во кино – во Бела палата. Филмот веќе го знаеме.

ЗНАМ не е движење. ЗНАМ е сателит на Мицкоски. Две години работа за бандата.

Две години и тие се дел од бандата. Една љубов, заедничка - тендер.

Доаѓа време кога предавството на Македонија ќе се мери пред суд, не пред платно.

Граѓаните не одат во кино да им честитаат што ги продале. Одат на следните избори да ја вратат државата во свои раце. А бандата да одговара.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Баерн Минхен убедлив против Унион Берлин, 100 гол на Кејн за „Баварците“

Фудбалерите на Баерн Минхен со „седмица“ дојдоа до победа против Унион Берлин, Кејн го постигна 100-тиот гол за Баварците

Фудбалерите на Баерн синоќа го декласираа Унион Берлин со убедливи 7:0 во четвртото коло од Бундеслигата. Џамал Мусијала погоди во 18. минута и покажа дека болеста е зад него, а потоа Хари Кејн од пенал во 39 минутаго постигна јубилејниот, својот 100-ти гол за Баварците.

Кејн повторно се запиша во листата на стрелците во 54. минута, Мајкл Олисе постигна хет-трик (во 43., 73. и 76. минута), а Исмаил Саибари погоди во 70. минута. Баерн е лидер на табелата со 10 бода.

Тагови: Баерн М. Хари Кејн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рубио: „Договорот на САД со Данска и Гренланд е победа за американскиот народ“

Американскиот државен секретар Марко Рубио денеска изјави дека договорот на САД со Данска и Гренланд претставува голема победа за американскиот народ.

„Овој историски договор претставува голема победа за Соединетите Држави и за американскиот народ. Благодарение на визијата и лидерството на претседателот Трамп, овој историски договор трајно ги гарантира безбедносните интереси на САД на Арктикот, без никаков трошок за американските даночни обврзници“, изјави Рубио во објава на социјалната мрежа „Икс“ (X).

Како што наведе тој, Гренланд засекогаш ќе биде дел од стратешката одбранбена зона на Северна Америка, што ќе го спречи присуството на кој било противник на таа територија и во нејзината околина.

„Овој договор трајно и целосно ги решава прашањата за нашата национална безбедност поврзани со Гренланд“, заклучи Рубио.

Претходно, американскиот претседател Доналд Трамп објави дека Соединетите Американски Држави постигнале договор со Данска и Гренланд, кој, како што наведе, му обезбедува на Вашингтон трајна контрола врз безбедноста и други прашања поврзани со Гренланд.

Според него, договорот предвидува дека ниту еден противник на САД нема да може да воспостави база или воено присуство, ниту пак да реализира чувствителни инвестиции на Гренланд, без изречно писмено одобрение од Вашингтон.

Тагови: Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Првиот список на Манчини – девет дебитанти

Италија е подготвена да започне нова ера по фијаското со Џенаро Гатузо, а сега Роберто Манчини повторно е на чело.

Искусниот стручњак ја презеде должноста во исклучително деликатен момент, со задача да ги подигне четирикратните светски шампиони кои се најдоа во криза, откако Италија претрпе трет последователен дебакл и не успеа да се пласира на Светското првенство.

За Италија во Лигата на нации претстои исклучително збиен и напорен распоред од четири натпревари за помалку од две недели.

На 25 септември „Аѕурите“ ја пречекуваат Белгија, три дена подоцна гостуваат во Турција, потоа на 2 октомври играат дерби против Франција, додека циклусот го заокружуваат на 6 октомври со уште еден натпревар против Турција.

Манчини прв го објави својот список, на кој се наоѓаат дури девет дебитанти: Мохамед Али Зома, Антонио Вергара, Алесандро Романо, Иса Думбија, Мајкл Кајоде, Масимо Песина, Самуеле Инасио, Себастијано Еспозито и Даниеле Џиларди.

Голмани: Марко Карнесеки (Аталанта), Џанлуиџи Донарума (Манчестер Сити), Масимо Песина (Болоња), Гиљермо Викарио (Јувентус).

Одбрана: Онест Ачанор (Кристал Палас), Алесандро Бастони (Интер), Рикардо Калафиори (Арсенал), Диего Копола (Париз), Џовани ди Лоренцо (Наполи), Федерико Димарко (Интер), Даниеле Џиларди (Рома), Мајкл Кајоде (Брентфорд), Еди Квадиома (Брентфорд), Еди Квадиома Џорџо Скалвини. (Аталанта).

Среден ред: Николо Барела (Интер), Брајан Кристанте (Рома), Иса Думбија (Спортинг Лисабон), Николо Фаџоли (Фиорентина), Давиде Фратези (Лацио), Роландо Мандрагора (Торино), Алесандро Романо (Каљари), Сандро Тонали (Тотенхем).

Напад: Николо Камбијаги (Болоња), Франческо Пио Еспосито (Интер), Себастиано Еспосито (Сасуоло), Самуеле Инасио (Борусија Дортмунд), Мојсе Кин (Комо), Даниел Малдини (Каљари), Џакомо Распадори (Аталанта), Џанлукаталакалап (Аталанта), Антонио (Аталанта) Заниоло (Удинезе), Мохамед Али Зома (Нирнберг).

Тагови: Манчини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.