СДСМ: Додека Мицкоски го брани Трипуновски кризата со откупот на млекото се зголемува - Канал 5

Македонија

СДСМ: Додека Мицкоски го брани Трипуновски кризата со откупот на млекото се зголемува

Додека Мицкоски го брани Трипуновски земоделците се во тешка криза.

СДСМ: Додека Мицкоски го брани Трипуновски кризата со откупот на млекото се зголемува

Сточарството се распаѓа, Мицкоски и Трипуновски ги доведоа сточарите во безизлезна состојба - оставени сами да се борат за опстанок размислуваат за затворање на фармите.

Откупната цена на млекото е драстично намалена и понижувачка, само дваесетина денари за литар.

Додека на сточарите млекото им се откупува по мизерни цени, во исто време, цените на млекото и млечните производи во маркетите растат. Значи дека некој прави профит врз грбот на земјоделците, а власта тоа го дозволува.

Кризата со откупот на млеко се зголемува. Две млекарници во делчевскиот регион најавија прекин на откупот на млеко. Голем дел од сточарите остануваат без пласман за своето производство и без сигурност за сопствената егзистенција.

Доцни исплатата на субвенциите за грло добиток и за премиите за млеко.

Бараме итна реакција за да се обезбеди непречен откуп на млекото и да се спречи дополнителна штета.

Власта преку интервентната програма веднаш да воведе посебна мерка за поддршка на производителите на кравјо млеко, за да се ублажат последиците од кризата.

Мицкоски како цунами го уништи земјоделство. Ги излажа и изигра луѓето кои се заслужни што имаме храна.

Субвенциите им се намалени за 40 милиони евра, откупот е намален за 46% - земјоделството крахира.

Во секоја земјоделска гранка е хаос - земјоделците, сточарите, градинарите, пчеларите, млекопроизводителите, сите се соочуваат со истите проблеми. Ниски откупни цени, неисплатени субвенции, несигурен пласман .

Затоа СДСМ побара одговорност од Трипуновски ама Мицкоски го штити.

Прашуваме, зошто доцнат субвенциите, дали во Буџетот има пари?

Зошто не се преземаат мерки за намалените откупни цени на млекото, доматот, пиперката и оризот?

Или нема пари за земјоделците?

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужас во Штутгарт: Жена е избодена, па запалена среде трговски центар (ВИДЕО)

47-годишна жена е избодена, а потоа запалена во трговскиот центар „Миланео“ во Штутгарт, Германија.

Ужас во Штутгарт: Жена е избодена, па запалена среде трговски центар (ВИДЕО)

Полицијата веднаш го блокираше трговскиот центар за да го спречи осомничениот да избега. Осомничениот беше уапсен пред трговскиот центар, беше објавено.

„Околу 10:15 часот наутро, оперативниот центар на полицијата во Штутгарт доби бројни повици од граѓани за напад врз 47-годишна жена во трговски центар во северниот дел на градот“, изјави портпаролот на полицијата Тимо Бренер за германски „Билд“.

Повредената жена беше итно префрлена во болница, каде што беше подложена на итна операција. Полицијата ги истражува околностите на нападот и мотивот за злосторството.

Осомничениот, 54, избегал од трговскиот центар по нападот, но брзо бил уапсен од полицијата.

„Околу 12:10 часот, нашите полицајци уапсија 54-годишен германски државјанин на Бокелштрасе. Мажот е сегашен или поранешен партнер на повредената жена“, изјави портпаролот на полицијата Тимо Бренер.

По нападот следеше голема полициска операција.

Трговскиот центар „Миланео“ беше целосно блокиран, сите влезови и излези беа затворени, а во потрагата по осомничениот беше вклучен и полициски хеликоптер.

Полицијата темелно го пребара трговскиот центар, но осомничениот беше пронајден и уапсен пред зградата.

Во тоа време, персоналот на итната медицинска помош ја лекуваше тешко повредената жена, која претрпе повреди опасни по живот и беше подложена на итна операција.

Полицијата соопшти дека, и покрај големата операција, нема опасност за јавноста.

Мотивот за нападот засега е непознат, а истражителите собираат докази и ги прегледуваат снимките од надзорните камери од трговскиот центар.

Истражителите веќе собираат докази и ги прегледуваат снимките од надзорните камери од зградата. Нападот се случил на првиот кат од трговскиот центар.

Тагови: жена Штутгарт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Организираната криминална група ВМРО ќе ја отруе цела Македонија

По Гостивар, Валандово и болницата во Лешок - сега и Крушево. 

СДСМ: Организираната криминална група ВМРО ќе ја отруе цела Македонија

Водата е бактериолошки неисправна за пиење.

За само неколку денови имаме четири случаи на загадена вода за пиење.

Колку градови уште пијат неисправна вода, а јавноста не е информирана?

Додека Мицкоски свечено отвора базен во Кавадарци, половина Македонија нема безбедна вода за пиење.

За две години оваа власт успеа да ја потоне економијата. Сега изгледа дека граѓаните се дават и во отров.

Дали некој воопшто ќе ја провери водата во базенот што го отвораат со орбанови-кинески пари?

Или и таму важат истите стандарди како во Гостивар, Валандово, Лешок и Крушево?

Ова не е низа од несреќни локални инциденти. Ова е системски колапс. Последица на нестручност и незнаење на кадарот што го поставија.

Кога директор на Фондот за здравствено осигурување е човек чие образование е тренер, тогаш е јасно какви кадри се поставени и на другите клучни позиции.

Мицкоски ќе остане запаметен како трујачот на Македонија.

Прашањето повеќе не е дали има проблем, прашањето е: кој град е следен на ред?, се наведува воп партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

За светските шампиони Фабијан Руиз и Гави – 150 килограми домати!

Освојувањето на Светското првенство им носи бројни награди на фудбалерите, но подарокот што го добија Фабијан Руиз и Гави е секако еден од најнеобичните.

За светските шампиони Фабијан Руиз и Гави – 150 килограми домати!

Двајца членови на шпанската репрезентација беа наградени со количина домати што одговара на нивната телесна тежина.

Руиз и Гави се вратија во својот роден град Лос Паласиос и Вилјафранка – место јужно од Севиља со помалку од 40.000 жители – каде што во средата им беше приреден свечен пречек во градското собрание.

Фудбалерот на „Пари Сен Жермен“, кој беше стартер во финалето против Аргентина, и играчот од средниот ред на „Барселона“ се појавија со златни медали околу вратот, а беа пречекани од градските власти и голем број навивачи.

За да го прослават својот успех, Руиз и Гави застанаа на вагата за да се одреди количината на подароци.

Резултатот беше:

Фабијан Руиз – 85 килограми домати

Гави – 68,5 килограми домати

Локалните власти наведуваат дека оваа традиција станала „заштитен знак на општината“ кога станува збор за оддавање чест на врвни спортисти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер