Блокираниот избор на вицегувернери во НБРМ е скандал, кој отвора сериозни прашања за состојбите на институцијата и работењето на гувернерот Трајко Славски – обвинуваат од СДСМ, откако веќе три месеци Народната банка го „пробива“ законскиот рок за назначување на двајца нови вицегувернери. Партијата, покрај легитимноста на одлуките на НБМР, која нема комплетен совет во моментов, во прашање ја доведува и компетентноста на гувернерот Славески и бараат итна истрага за причините на неговите постапки, за да не се доведува, како што велат, во прашање финансиската стабилност на државата.

-Трајко Славески има директна одговорност за оваа состојба. Ова не е прв пат Славески да носи политики на штета на граѓаните. Да потсетиме: Славески беше против зголемување на минималната плата, директно спротивставувајќи се на интересите на работниците. Како претседатавач со Советот на Град Скопје во изминатите четири години, беше дел од хаосот во главниот град – нефункционалност, застој на проекти и целосен институционален распад. Истиот тој човек денес управува со Нардоната банка. Дали ова доцнење е резултат на неспособност или на свесно партиско калкулирање? Народна банка е место за професионалци, а не за партиски кадри на Славески,- - Богданка Кузеска – Портпарол на СДСМ.

Од собранието засега не откриваат кои се предлозите за нови вицегувернери кои НБМР ги испратила до законодавниот дом минатата недела, истиот ден кога Канал 5 објави дека вицегувернерките Емилија Нацевска и Ана Митреска останале на позициите со истечен мандат уште во октомври. Предложените вицегувернери, ке се најдат пред пратениците директно на пленарна седница, што се очекува на почетокот од април, без претходни за истите да се расправа на комисиска сендица, информираат собраниски извори..

Иако јавниот оглас за избор на нови вицегувернери бил навреме објавен на почетокот на Јули – лани, веднаш по доаѓањето на Славески на функцијата, останува непознато зошто гувернерот не го направил изборот во предвидениот рок од 45 дена, со што се поставува прашањето дали највисокото тело на Народната банка веќе три месеци носи нелигитимни и нелегални одлуки за монетарната политика. Од нбрм тврдат предлозите за вицегувернери ги доставиле до Собранието по завршување на јавниот повик и во согласност со законските процедури. Во оваа фаза, постапката за избор е во надлежност на Собранието. Категорично ги отфрламе тврдењата дека се кочи изборот на вицегувернери или дека функционирањето на Народната банка е доведено во прашање, наведуваат во денешното соопштение

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.