СДСМ: 5 милиони евра народни пари за концерти а за лозарите нула помош, ниту една мерка - грозјето им скапува - Канал 5

Македонија

СДСМ: 5 милиони евра народни пари за концерти а за лозарите нула помош, ниту една мерка - грозјето им скапува

Силно светнал ден, но прашањето е за кого, почитувани граѓани?

СДСМ: 5 милиони евра народни пари за концерти а за лозарите нула помош, ниту една мерка - грозјето им скапува

Дали силно светнал ден за земјоделците кои се мачат да ги продадат градинарските производи, зелки, домати, пиперки или да ги фрлат на отпад? Или за лозарите кои своето грозје го нудат за мизерни 14 денари по килограм и никој не го откупува? Или се принудени да ги ископачат или да ги сечат со моторни пили лозјата кои им се оставени во аманет од татковци и дедовци.

Силно светнал ден за платениците и тендерашите од власта кои го собираат кајмакот и кои си искешираа околу 5 милиони евра за концерти и забавни каравани кои движат низ државата и се наплатуваат повеќепати над реалните суми - за нив светнал ден, а не за обичниот народ кој ви ја даде довербата, кога ве гласаше верувајќи им на вашите лаги и предизборни ветувања во кои ветувавте сè и сешто за подобар стандард, а воопшто и не помисливте дека ќе треба барем нешто од тоа и да исполните.

Токму затоа што во моментот имате апсолутна власт и во ваши раце се и финансиите и мерките, за таа цел бараме и заслужуваме да знаеме. Свесни сме дека немате во план да помогнете и интервенирате во земјоделството и лозарството. Бараме и заслужуваме да знаеме во чии џебови завршуваат парите од народот кој редовно ви ги плаќа на име давачки на секој чекор. 5 милиони евра да се вратеа како мерки кон земјоделството и лозарството, сега ќе ја немавме оваа криза, и лозарите достоинствено ќе си ги испратеа децата на школо, без да им кратат основни потреби.

Бараме конкретни мерки за лозарството и итен интервентен откуп. Како лозарски крај, кој природата го надарила со благородно поднебје, не е во ред лозарите да го остават својот род да скапува заради вашата неспособност.

Каде сте?Наместо по концерти, каравани и прескапи игранки по сите градови и организирање на спектакли, требаше да бидете помеѓу лозарите. Само тогаш ќе бевте достојни да го цитирате Рацин. Доколку мислите дека ќе владее молк, сте се излажале.

Затоа што лозарите и нашиот народ се паметни и прават разлики во начинот на решавање на проблемите низ годините кога СДСМ беше на власт, кога и покрај навремените исплати на субвенциите за предвидените култури се воведе и мерката зелена нафта со која се помагаше на сите земјоделци, но вака како сега никогаш не било.

Уште еден многу битен момент кој народот го почувствува и од кој се променија многу работи е демократското изјаснување преку слободата на говорот на секој засегнат поединец. Затоа, уште еднаш би потенцирам од името на сите - нема да молчиме, нема да молчиме кога ни е засегнат народот и ќе продолжиме да ги бараме правата и мерките, затоа што финансиите во буџетот се јавни средства и сите заслужуваме одговор каде тие завршуваат.

Доколку како мерки и субвенции и олеснувања не се враќаат кон народот. Сакам нешто да порачам. Бидете подготвени. Народот ќе ви ја даде довербата и власта, но истиот тој народ кој го понижувате, одлично ги знае работите, и токму тој кој ви ја даде власта, тој и ќе ви ја одземе. Тогаш, до тој ден, скријте се и чекајте го револтот на земјоделците и лозарите. Е кога тој ден ќе дојде, ќе светне силно.

YouTube video

Прес конференција на Општинската организација на СДСМ, Валандово, Еми Заева – Костова -претседателка

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украински дронови погодија фабрики во руски градови, избувнаа пожари (ВИДЕО)

Според информациите од руските канали на Телеграм, украинските сили извршија напади преку ноќ врз индустриски објекти во градовите Тољати и Таганрог.

Украински дронови погодија фабрики во руски градови, избувнаа пожари (ВИДЕО)

Извештаите укажуваат на пожари во фабриките по нападите со дронови, пишува Киев Индепендент.

Напад врз фабрика во Тољати

Украински дронови со долг дострел наводно погодиле фабрика во Тољати, град во регионот Самара, кој се наоѓа на околу 900 километри од украинската граница. Нападот беше објавен од каналите на Телеграм „ExileNova+“ и „Supernova+“. Тољати е седиштето на АвтоВАЗ, најголемиот руски државен производител на автомобили.

Снимките објавени од локалните жители покажуваат дронови како летаат над градот, додека избувнува пожар и густ чад се издига од една од погодените згради. Други видеа покажуваат штета на станбена зграда, наводно предизвикана од соборениот дрон.

Ова не е прв напад врз фабриката. Украински дронови го погодија истиот објект на 12 јуни. Генералштабот на украинските вооружени сили го потврди нападот и штетата. Во него се вели дека производите на фабриката се користеле за „понатамошно производство на цврсто ракетно гориво за тактички и балистички ракети“.

Серија напади врз руската инфраструктура

Во Таганрог, град во Ростовскиот регион во југозападна Русија, наводно беспилотни летала погодиле фабрика за автомобили. Градот се наоѓа на брегот на Азовското Море, околу 40 километри од украинската граница.

Снимките од Таганрог покажуваат големи пожари, за кои се верува дека избувнале на аеродром во близина на градот, со облаци чад што се креваат во воздухот. Системот за следење на пожари „FIRMS“ на „НАСА“, исто така, регистрирал повеќе активни пожари во градското подрачје.

Во времето на објавување, „Kyiv Independent“ не можеше независно да ги потврди извештаите за нападите или да ја процени големината на штетата. Украинската војска сè уште официјално не ги коментирала настаните. Нападите се дел од поширока украинска кампања насочена кон руските фабрики со беспилотни летала со долг дострел. Целта е да се забави или запре индустриското производство што ја снабдува руската војска.

На 9 септември, украинските сили за специјални операции (SSO) го извршија најдлабокиот напад на руска територија од почетокот на војната. Потоа тие погодија фабрика за природен гас на 3.200 километри од украинската граница.

На 1 септември, претседателот Володимир Зеленски ги предупреди авиокомпаниите, осигурителите и странските влади дека рускиот воздушен простор ќе биде „де факто затворен“ поради нападите со украински беспилотни летала.

Извор: Индекс.хр

Тагови: пожари Украински дронови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Експлозија во уште едно бугарско складиште за оружје, пожар го осветли ноќното небо

Силна експлозија предизвика пожар во складиште за оружје во централна Бугарија во текот на ноќта, соопштија локалните медиуми и официјални лица.

Експлозија во уште едно бугарско складиште за оружје, пожар го осветли ноќното небо

Ова е втора експлозија во воен објект во последните недели.

Нема извештаи за повредени во пожарот во близина на селото Царева Ливада, а локалните видеа покажаа пламен како го осветлува ноќното небо.

„Во моментов, пожарот го зафати делот од складиштето на фабриката и се шири од складиште до складиште“, изјави за новинарите регионалната гувернерка на Габрово, Кристина Сидорова.

„EMCO“ беше цел на на напади од руски оперативци во минатото

Цитирајќи извор во „EMCO“, локалните медиуми објавија дека пожарот избувнал на локација што ја управува компанијата и дека истата компанија претрпе експлозија во друг објект минатиот месец. „EMCO“ не беше веднаш достапен за коментар.

„EMCO“ го води бугарскиот трговец со оружје Емилијан Гебрев, чии објекти беа цел на руски оперативци во минатото, според бугарските обвинители.

Во 2024 година, Бугарија издаде налози за апсење на шест руски државјани обвинети за вмешаност во уништувањето на складиштата за оружје на „EMCO“ во кои се чувала муниција наменета за извоз во Украина и Грузија помеѓу 2011 и 2020 година.

Обвинителите во тоа време изјавија дека постои основано сомнение дека експлозиите во Бугарија, обидот за труење на Гебрев во 2015 година и експлозиите во складиштата за муниција во Чешка во 2014 година се поврзани. Москва ги негираше обвинувањата.

Извор: Индекс.хр

Тагови: експлозија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска Давкова присуствуваше на приемот по повод Денот на Уставот и Денот на вооружените сили на Р. Словачка

Словачка е наш докажан пријател и најгласен поддржувач на македонскиот пат кон ЕУ.

Претседателката Сиљановска Давкова присуствуваше на приемот по повод Денот на Уставот и Денот на вооружените сили на Р. Словачка

„На покана на словачката амбасадорка Н.Е. г-а Ивета Хрицова и полковник Иван Улични, присуствував на приемот по повод Денот на Уставот и Денот на вооружените сили на Република Словачка.

Денот на Уставот е потсетник на правно-политичките темели на современата словачка држава, а Денот на вооружените сили симболизира модерна и храбра армија, подготвена да ја брани татковината.

Словачка е наш докажан пријател и најгласен поддржувач на македонскиот пат кон ЕУ.

Длабоко верувам во европската иднина на македонско-словачките односи.“- стои во објавата на претседателката Гордана Сиљановска Давкова

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер