Свет

СБ на ОН ќе се состане утре поради израелското признавање на Сомалиленд

Советот за безбедност на ОН утре ќе свика итен состанок поради контроверзното признавање на Сомалиленд како независна држава од страна на Израел, јави ДПА.

Пред седницата, 21 претежно муслиманска земја доцна синоќа издадоа заедничка изјава, предупредувајќи на „сериозни последици“ од израелската одлука за „мирот и безбедноста на Рогот на Африка“ и во поширокиот регион на Црвеното Море.

Сомалиленд, регион со муслиманско мнозинство во северна Сомалија со население од неколку милиони, функционира де факто независно повеќе од три децении.

Израел во петокот стана првата земја во светот што ја призна независноста на отцепената територија, предизвикувајќи осуда од сомалиската Влада и регионалните партнери.

Одлуката дојде само неколку дена пред Сомалија да го преземе ротирачкото претседателство со Советот за безбедност на ОН, пренесува германската агенција .

Заедничката изјава, објавена од Катар, го наведе „недвосмисленото отфрлање“ на израелскиот потег од страна на 21 земја, предупредувајќи дека тој „претставува сериозно кршење на принципите на меѓународното право“.

Во соопштението се осудуваат и „обидите за насилно протерување на палестинскиот народ од нивната земја“, по извештаите дека признавањето е поврзано со напорите за преселување на Палестинците од Газа.

Шефот на дипломатијата на Сомалиленд, Абдирахман Дахир Адам, вчера за израелскиот радиодифузер Канал 12 изјави дека потегот нема никаква врска со конфликтот во Газа, потсетува ДПА.

Според канцеларијата на израелскиот премиер Бенјамин Нетанјаху, признавањето е направено „во духот на Авраамовите договори“, според кои неколку арапски земји формално ја признаа израелската независност.

Весникот „Тајмс оф Израел“ истакна дека Обединетите Арапски Емирати, Бахреин и Мароко - кои се приклучија на Авраамовите договори - не се меѓу потписниците на заедничката изјава за признавање на Сомалиленд.

Тагови: СБ на ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Започна првиот ИКТ бизнис форум - Македонија – Грција: МАСИТ и Setpe потпишаа меморандум за соработка

Форумот, организиран од МАСИТ во соработка со грчката асоцијација SETPE, ги обедини претставниците на ИКТ индустријата.

Со учество на над 130 претставници на компании, институции и организации од Македонија и Грција, денеска во Скопје започна првиот „North Macedonia – Greece Digital Bridge & Business ICT Forum“, настан посветен на продлабочување на економската и технолошката соработка меѓу двете земји.

Форумот, организиран од МАСИТ во соработка со грчката асоцијација SETPE, ги обедини претставниците на ИКТ индустријата, државните институции и бизнис-заедницата со цел создавање нови партнерства, размена на знаење и отворање нови можности за регионален раст.

Во рамки на свеченото отворање беше потпишан и Меморандум за соработка помеѓу МАСИТ и SETPE, документ кој претставува основа за поинтензивна институционална соработка, размена на искуства и заеднички активности во областа на дигиталната економија, иновациите и технолошкиот развој.

Претседателот на МАСИТ, Јордан Димитровски, истакна дека форумот е создаден со јасна цел – да ги поврзе компаниите од двете земји и да создаде конкретни деловни можности.

„Денешниот форум не е само уште една конференција или настан за вмрежување. Тој е создаден со многу конкретна цел – да ги поврзе компаниите, да поттикне директен дијалог и да создаде нови бизнис можности меѓу нашите две земји. Меморандумот што денес го потпишуваме не е крајна дестинација, туку почетна точка за посилна соработка, поголема размена на знаење и повеќе можности компаниите од двете земји да работат заедно“, изјави Димитровски.

На отворањето се обратија и министерот за надворешни работи и надворешна трговија Тимчо Муцунски, амбасадорката на Република Грција во Македонија Н.Е. Софија Филипиду, заменик-министерот за дигитална трансформација Радослав Настасијевиќ Варџиски и претседателот на SETPE, Анастасиос Манос.

Во текот на денот учесниците ќе имаат можност да присуствуваат на презентации, тематски дискусии и над 150 однапред организирани B2B средби насочени кон создавање конкретни деловни партнерства и нови заеднички проекти.

Организаторите очекуваат токму овие средби да резултираат со нови соработки и да придонесат за натамошно поврзување на технолошките екосистеми на Македонија и Грција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Има сериозен интерес од ЕУ за раздвижување на процесите со Бугарија и доколку е искрено ќе има решение

Европската унија има желба да стимулира дијалог меѓу Македонија и Бугарија, има сериозен интерес за раздвижување на процесите и доколку е искрено ќе има решение изјави утринава Тимчо Муцунски министерот за надворешни работи и надворешна трговија.

Според него наредната недела е можна средба со бугарската страна и додаде дека несомено е дека треба да има дијалог.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пилешко во соја сос

Во четврток (28.05.2026) во емисијата гостин ни бeше Андријана Ади Костадиновски

Состојки за денешниот рецепт:

250 гр. пилешки стек

1 морков

1 тиквичка

1 главица кромид

1 страк праз

200 гр. шампињони

3 лажици соја сос

малку буковка

малку сусам

масло

сол и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.