Ракомет

Саудиски клуб плати 1,2 милиони евра за српскиот ракометар Ненадиќ

Ракометниот свет доби „свој Кристијано Роналдо“ и тоа во Петар Ненадиќ, откако 37-годишниот српски ракометар ги напушти редовите на француски ПСЖ и потпиша двегодишен договор со Ал Калеј од Саудиска Арабија за 600 илјади евра по сезона.

Ал Калеј е еден од најдобрите клубови во Блискиот Исток, а како саудиски првак од 5 со 12 ноември ќе игра на неофицијалното Светско клупско првенство во Дамам.

На турнирот ќе настапат Алнор, Барселона, Фуксе, Магдебург, Кјелце, како и екипи од Египет, Бахреин, Кувајт, Австралија и Аргентина.

Ненадиќ кој една и пол деценија е меѓу најдобрите средби бекови во Европа во кариерата настапуваше за Црна ѕвезда, Барселона, ПИК Сегед, Висла, Фуксе и Веспрем, а за српската репрезентација одигра над 70 натпревари. /МИА

Свет

Тетка на 12- годишен израелски заложник: Му пуштале снимки од крвавите напади на Хамас

Цел ден од Израел пристигнуват сведоштвата за ослободените заложници кои ги држеше Хамас во Газа.

Тетката на Ејтан Јахаломи, 12-годишниот француско-израелски заложник кој вчера беше ослободен од Газа, изјави дека Хамас го принудиле да гледа видео снимки од крвавите терористички напади врз Израел на 7 октомври.

„ Ејтан преживеа ужаси“, изјави Дебора Коен за BFM TV. „Секогаш кога детето ќе плачел, ќе му се закануваа со пиштол за да го замолчат“, вели таа. „Сакав да верувам дека Ејтан ќе биде третиран добро. Очигледно не. Тие луѓе се чудовишта“.

Ејтан е еден од тројцата француски Израелци кои беа ослободени вчера, заедно со Ерез и Сахар Калдерон. Вчера во Израел беа вратени вкупно 11 заложници, објави Скај Њуз.

„12-годишниот Ејтан Јахаломи повторно се соединува со својата мајка откако премина во Израел по 52 дена заробеништво на Хамас. Неговиот татко Охад, кој беше застрелан и заробен одвоено од Ејтан, се верува дека сè уште е во Газа“, напиша таа.

Свет

Израелците тврдат дека уште 12 заложници се ослободени, од затвор излегуваат 30 Палестинци

Петтата рунда заложници е предадена на Црвениот крст, соопштија денеска израелските одбранбени сили.

Примопредавањето вклучува 10 Израелци и двајца странски државјани, соопшти ИДФ, додавајќи дека ослободените заложници се на пат кон израелска територија.

Во исто време, триесет палестински затвореници се очекува да бидат ослободени од израелските затвори, бидејќи примирјето меѓу Израел и Хамас продолжува, според информациите објавени и од Клубот на палестинските затвореници и од израелските затворски власти.

Меѓу лицата што треба да бидат ослободени се 15 жени и 15 машки деца, кои се под 18 години и се сметаат за деца според меѓународното право, објави Си-Ен-Ен.

Свет

На француски медицински брод ќе се лекуваат повредените Палестинци

Брод испратен од Франција се закотви во близина на брегот на Ел Ариш во северниот дел на Синај во Египет.

Брод испратен од Франција се закотви во близина на брегот на Ел Ариш во северниот дел на Синај во Египет и ќе служи како пловечка болница за палестинските цивили повредени во војната меѓу Израел и Хамас во соседната Газа, соопшти францускиот претседател Емануел Макрон.

На бродот Диксмуд има 40 болнички кревети, што претставува дополителни 10 отсто на капацитетот на болничките услуги поставени во пустината на северен Синај, на границата со Газа, изјави француски дипломат за „Тајмс оф Израел“.

Бродот е опремен со хелиодром за да се овозможи брз трансфер на пациенти од египетскиот премин Рафа на бродот.

Планот е Диксмуд биде оперативен во наредните часови или денови, рекол францускиот дипломат, додавајќи дека Париз ги координира напорите со египетските власти и хуманитарните агенции на теренот.

На бродот ќе работат лекари од француското Министерство за одбрана, како и неговата цивилна здравствена санитарна резерва, која за првпат се распоредува во странство.

притисни ентер