Саудиска Арабија и Европската Унија покренаа нова иницијатива за мир меѓу Палестинците и Израел

Саудиска Арабија и Европската Унија покренаа нова иницијатива наречена „Напор за Ден на мирот“ за да состават пакет стимулации за Израелците и Палестинците со надеж дека повторно ќе започнат израелско-палестинскиот мировен процес.

Саудиска Арабија и Европската Унија покренаа нова иницијатива наречена „Напор за Ден на мирот“ за да состават пакет стимулации за Израелците и Палестинците со надеж дека повторно ќе започнат израелско-палестинскиот мировен процес кој е замрзнат во изминатата деценија.

Јордан, Египет и Арапската лига се исто така дел од иницијативата, чиј воведен состанок се одржа вчера, на маргините на седницата на високо ниво на 78-та сесија на Генералното собрание на ОН.

„Знаеме дека засегнатите страни не се подготвени во оваа фаза. Тие не се подготвени“, изјави за новинарите во Њујорк шефот за надворешна политика на ЕУ, Жозеп Борел, по состанокот на кој присуствуваа претставници на 60 земји-членки на ОН.

- Не можеме да стоиме со скрстени раце повторувајќи ја мантрата за „решение за две држави“ без да направиме се што можеме за да го постигнеме тоа. Резултатот од средбата е поголема посветеност на многу луѓе да се ангажираат повеќе во ова „решение со две држави“, кое е единственото остварливо решение. Нема алтернатива на дводржавно решение на конфликтот и не постои друго одржливо решение, рече Борел.

Саудискиот министер за надворешни работи, принцот Фајсал бин Фархан Ал Сауд, вчера изјави за државната телевизија дека нема да има решение за палестинско-израелскиот конфликт без независна палестинска држава. - Решението со две држави мора да се врати во прв план, додаде тој.

САД се залагаат за безбедносен пакт со Ријад, кој ќе вклучува договор за нормализација меѓу Саудиска Арабија и Вашингтон, заедно со израелски гестови кон Палестинците.

Израел го посочи овој договор што чека и други договори за нормализација со арапските држави како доказ дека Израел може да ги унапреди своите врски со арапскиот свет одвоено од прашањето за палестинската државност.

Борел објасни дека иако ги поздравува „договорите меѓу арапските земји и Израел... ние мора да работиме за мир меѓу Израел и Палестина, и сите треба да придонесат за тоа - Арапите, Европејците, Соединетите Држави, целиот свет.

ЕУ соопшти дека се формирани три работни групи, вклучително политика и безбедност, економија и животна средина и човекова димензија. Напредокот кон креирање стимулативен пакет до септември 2024 година ќе се оценува на секои три месеци. Беше создаден и механизам за да им се овозможи на Израелците и Палестинците одделно да комуницираат со Иницијативата.

Оние кои се вклучени во Иницијативата, го поддржуваат решението со две држави врз основа на линиите од пред 1967 година со соседната палестинска територија, соопшти ЕУ.

Заменик-генералниот секретар на ОН, Розмари Ди Карло, рече дека е важно да се деескалираат тензиите, да се прекине циклусот на насилство и повторно да се воспостави политичкиот хоризонт и дека за оваа цел е потребно политичко лидерство.

Украински пилоти се обучуваат да управуваат со авиони Ф-16 во Франција

 Во моментов 10 украински пилоти се обучуваат за летање со авиони Ф-16 во Франција, соопшти денеска француското воено воздухопловство.

Француските ВВС се обврзаа да ја потврдат обуката на 26 Украинци во рок од две години. Украински пилоти се обучуваат во воздухопловна база на југозападот на Франција, а точната локација не е соопштена од безбедносни причини, пренесува „Монд“.

Според весникот, во воздухопловната база на која ќе се обучуваат пилотите во Украина нема ловци Ф-16, но има неколку Алфаџет-и што се добиени благодарение на француско-белгиската соработка.

Претседателката Сиљановска Давкова ги прими акредитивите на амбасадорот на Казахстан

Претседателката Сиљановска Давкова ги прими акредитивите на новоименуваниот амбасадор на Република Казахстан, Сатибалди Буршаков.

Претседателката на државата Гордана Сиљановска Давкова денеска ги примила акредитивните писма на новоименуваниот амбасадор на Република Казахстан, Сатибалди Буршаков.

На церемонијата на предавање на акредитивните писма, соопштија од кабинетот на Сиљановска Давкова, таа ги нагласила македонскиот интерес и подготвеноста за натамошно севкупно унапредување и развој на односите и соработката со Казахстан во сите домени од заеднички интерес, како на билатерален, така и на мултилатерален план. Во таа насока, претседателката Сиљановска Давкова изразила надеж дека амбасадорот Буршаков во рамки на својот иден ангажман ќе придонесе кон нивно севкупно зајакнување внесувајќи притоа и нови содржини и форми преку поинтензивен политички дијалог и зајакната економска соработка.

Амбасадорот Сатибалди Буршаков, се наведува во соопштението, во своето обраќање истакнал дека од воспоставувањето на дипломатските односи, казахстанско-македонската соработка забрзано напредува врз основа на взаемните врски на пријателство, меѓусебно разбирање и заеднички вредности. Амбасадорот додал дека е почестен што е првиот резидентен казахстански амбасадор во Скопје, истакнувајќи ја непоколебливата посветеност на неговата земја за јакнење на политичкото, трговското и инвестициското партнерство, како и продлабочување на културните врски во интерес на двата народа.

Претседателката Сиљановска Давкова на новоименуваниот амбасадор му посакала успех во извршувањето на одговорната дипломатска функција.

Во МАНУ се одржаа 24. Балкански медицински денови

Во Скопје од 14 до 16 јуни 2024 година, во МАНУ, се одржаа 24-те Балкански медицински денови на Балканската медицинска унија.

Состанокот беше организиран од Македонската секција на Унијата во соработка со Македонската академија на науките и уметностите.

Балканската медицинска унија е формирана во 1932 година од Националната академија на медицински науки на Франција. Таа ееедна од најстарите интернационални организации на балканските простори со обединувачка улога на народите во регионот по Првата светска војна. За време на скоро стогодишното постоење Балканската медицинска унија со своите перманентни активности потполно го оправда своето постоење. Таа во моментот има 9 редовни члена и тоа: Романија, Бугарија, Србија, Македонија, Грција, Албанија, Турција, Молдавија и Република Кипар. Официјален јазик на Унијата во комуникацијата е францускиот, а во последно покрај него се користи и англискиот.

Состаноците се одржуваат секоја година со различна тема (оваа година беше метаболниот синдром) и македонската секција редовно зема учество во нив со свои предавања и трудови. На отворањето на Конгресот свои презентации и поздравни обраќања имаа претседателот на МАНУ, акад. Живко Попов, претседателот и потпретседателот на македонската секција, проф. Нинослав Ивановски и проф. Кочо Чакалароски, амбасадорот на Република Франција во РСМ, Н. Е. Кирил Баумгартнер и перманентниот секретар на Унијата проф. Камелија Дијакону, доп. член на Националната академија за медицински науки на Романија. На состанокот зедоа активно учество бројни гости од земјата и од регионот, меѓу кои и акад. Сашко Кедев со свое предавање.

МАНУ

притисни ентер