Живот

Сарагоса прогласен за најпристапен град за лицата со попреченост за 2026 година

Сарагоса е лидер во обезбедувањето целосно учество на лицата со попреченост во општеството, со пристапен јавен превоз, јавни простори и дигитални услуги.

Шпанскиот град Сарагоса ја освои првата награда на натпреварувањето Пристапен град за лицата со попреченост за 2026 година, пред уште еден град во Шпанија, Валенсија и францускиот Рен, на натпреварувањето што го организира Европската комисија.

Во образложението на првата награда се наведува дека Сарагоса прави извонредни напори за да обезбеди пристап заснован на Конвенцијата на ОН за правата на лицата со попреченост.

- Неговата инфраструктура за пристапност е составена од сеопфатни општински правила за пристапност, јасен стратешки план со цели, временски рокови и буџет, како и силно управување преку посебна Канцеларија за пристапност и формален Одбор за пристапност, се додава во образложението.

Дополнително е проценето дека Сарагоса е лидер во обезбедувањето целосно учество на лицата со попреченост во општеството, со пристапен јавен превоз, јавни простори и дигитални услуги.

- Има целосно достапна трамвајска мрежа, широки пешачки патеки без скали, инклузивни банкарски и шопинг иницијативи, а сертифицираните пристапни веб-страници и апликации значително придонесоа за да се направи Сарагоса подостапна и инклузивна за лицата со попреченост, се наведува во образложението.

Покрај ова, се нагласува и значењето на проектот „Флумен“, кој обезбедуваат инклузивни и пристапни домови што им овозможуваат самостоен живот и социјална инклузија на лицата со попреченост.

Втората награда и е дводелна на Валенсија поради „пристап кон пристапноста базиран на податоци“, што се протега низ целиот град.

- Градот постигна примерен транспорт и урбан пристап, пријавувајќи 96 отсто урбана пристапност и целосно достапна мрежа на автобуси и метро. Лицата со попреченост се вработени како валидатори на пристапноста, а организациите систематски тестираат решенија пред лансирањето, се наведува во образложението.

Францускиот Рен ја освои третата награда за значителен напредок постигнат во пристапноста, благодарение на тесната координација меѓу општинските служби.

- Метрото и автобусите се целосно пристапни, поддржани од возила од врата до врата и апликации за патување без скали. Улиците се надградени со пошироки тротоари, побезбедни премини, тактилни ленти, клупи и пристапни тоалети, додека културните центри, како „Же де Пом“ и градското уметничко училиште, имаат рампи, лифтови и адаптирани тоалети. Дури 68 отсто од општинските локации се пристапни, а планираната Агенда за пристапност ќе ги усогласи сите јавни приемни објекти до 2027 година, се потенцира во образложението на наградата.

Покрај овие три града овогодишни финалисти за освојување на награди беа и италијанскиот град Пјаченца и австрискиот Салцбург.

Според податоците на Евростат, во ЕУ живеат над 90 милиони лица со попреченост, поради што обезбедувањето на физички и дигитални пристапни простори кон клучен прв чекор кон постигнување еднаквост.

Наградата Пристапен град за лицата со попреченост се доделува од 2010 година со цел да им се оддаде признание на градовите кои како свој приоритет ја поставуваат пристапноста. Наградата се доделува како дел од одбележувањето на Европскиот ден на лицата со попреченост и таа е вклучена во Стратегијата за правата на лицата со попреченост 2021-2030 година, која има за цел да изгради „Европа без бариери“.

Тагови: Сарагоса

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ракетен напад на финансискиот центар во Ријад- оштетена е зградата на нафтениот гигант „Армико“ (ВИДЕО)

Финансискиот центар на Ријад, главниот град на Саудиска Арабија, беше погоден од ракетен напад, а инцидентот ја оштети зградата на нафтената компанија Сауди Арамко.

Според информациите што ги објавија странските медиуми, прозорците на зградата биле скршени на неколку ката, додека дел од фасадата е оштетен, објави Лориент.

Нападот се случил денес, откако воената коалиција предводена од Саудиска Арабија објави дека пресретнала ракети лансирани од Јемен, за кои се вели дека им припаѓаат на јеменските бунтовници Хути.

Сведоци потврдија за АФП дека бил погоден деловниот комплекс на Финансискиот округ Крал Абдула (КАФД), во кој се наоѓа и кулата Арамко. Според нив, штетата била видлива на неколку ката од зградата, вклучувајќи скршени прозорци и оштетување на фасадата.

Footage from the site, and post-impact shows continuous smoke plumes rising from the upper floors of the damaged Al-Aqiq commercial tower in Riyadh as civil defense units secure the area. #SaudiArabia #Riyadh #AlAqiq @Natsecjeff https://t.co/6R01FMkTTe
— ConflictRadarME (@ConflictRadarME) November 8, 2026

Сепак, првичните извештаи не беа јасни дали зградата била директно погодена од ракета или штетата е предизвикана од остатоци од ракета што претходно била пресретната од воздушната одбрана.

Саудиското Министерство за енергетика подоцна соопшти дека административната зграда на Арамко била цел на обидот за напад, но дека штетата била ограничена на остатоци. Според официјалните информации, немало повредени или смртни случаи во инцидентот.

Воената коалиција соопшти дека воздушната одбрана пресретнала и уништила две крстосувачки ракети насочени кон Ријад и јужните делови на кралството.

Нападот врз финансискиот центар предизвика особена загриженост бидејќи е еден од најпрепознатливите симболи на економските и социјалните реформи на Саудиска Арабија. Комплексот KAFD вклучува бројни канцелариски згради, финансиски институции, станбени згради, продавници и метро станица што ја користат многу луѓе секој ден.

Инцидентот претставува нова ескалација во конфликтот меѓу Саудиска Арабија и Хутите, кои ги интензивираа меѓусебните напади во последните месеци. Тензиите дополнително се зголемија откако Хутите ги обвинија саудиските сили за смртоносни напади врз цивили во Јемен.

Засега нема потврда дека нападот предизвикал прекини во работата на „Арамко“ или на неговите нафтени постројки. Властите продолжуваат да ја проценуваат штетата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АД ЕСМ со демант до СДСМ: Нема доцнење на платите во ЕСМ, компанијата ги осудува обидите за внесување немир кај вработените

Платата за вработените во АД ЕСМ ќе биде исплатена во законскиот рок.

Тековните административни усогласувања во компанискиот систем за исплата на личниот доход, се должат на едновремените барања од над 140 вработени за ажурирање и промена на нивните лични податоци, што наметна потреба од дополнително време за нивна техничка обработка и верификација до 06.11., со цел да се обезбеди сигурна и точна распределба на средствата.

Работењето на АД ЕСМ, кое изминатите две години минува низ интензивен процес на финансиска и техничко-технолошка консолидација, не треба во ниту еден случај да се поврзува со државниот Буџет, затоа што средствата за плати компанијата самостојно ги обезбедува без субвенции, за разлика од периодот 2021-2024 година.

Компанијата најостро ги осудува обидите на одредени политички партии за саботажа на енергетскиот сектор односно преку тенденциозно и лицемерно користење на вонредните административни прилагодувања - да создаваат лажен наратив и да внесуваат немир помеѓу вработените.

Во контекст на платите и надоместоците за вработените, би сакале да потсетиме дека е почнат процесот за зголемување на платите во АД ЕСМ согласно неодамна потпишаниот Колективен договор со репрезентативните синдикати. Исто така, на почетокот на јули е исплатен регресот за годишен одмор за 2026 година во 100% вредност, а последните две години вработените ја добиваат декемвриската плата пред почетокот на Новогодишните празници.

АД ЕСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прогласена е вонредна состојба: Над 8.000 мигранти пристигнаа на шпански остров

Советот на шпанскиот остров Ел Иеро соопшти дека прогласил вонредна состојба за справување со миграциската криза, откако повеќе од 8.000 мигранти пристигнале на островот во Канарскиот архипелаг во последните пет недели.

Со декретот се бара и од владата на Канарските Острови и од шпанската држава да обезбедат дополнителен персонал и да спроведат систем на ротација за да им овозможат на членовите на Поморската служба за спасување, Здравствената служба на Канарските Острови, Државните безбедносни сили и Црвениот крст да бидат соодветно одморени, објави RTVE.

Претседателот на островскиот совет, Кабилдо, Алпидио Армас, рече дека вонредната состојба е прогласена за да „гарантира рамка за соработка со институциите за обезбедување на основните права“ и за пристап до буџетските ресурси потребни „за справување со овие непредвидени ситуации“.

Армас рече дека практично сите мигранти на островот доаѓаат од Сенегал.

Претседателот на Канарските Острови, Фернандо Клавихо, рече дека шпанскиот премиер Педро Санчез се обврзал итно да свика Комисија за имиграција и да ги зајакне ресурсите за здравствена заштита преку Државниот секретаријат за миграција. Декларацијата, исто така, предвидува воспоставување протоколи за координиран трансфер на мигранти на други острови со поголем капацитет и зајакнување на објектите за првичен прием на мигранти на островот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.