Сара и Ендрју се двајцата припадници на Националната гарда, кои беа застрелани кај Белата куќа - Канал 5

Свет

Сара и Ендрју се двајцата припадници на Националната гарда, кои беа застрелани кај Белата куќа

На прес-конференција, Џанин Пиро, американската обвинителка за Вашингтон, ги откри имињата на двајцата членови на Националната гарда на Западна Вирџинија кои вчера беа застрелани во близина на Белата куќа.

Сара и Ендрју се двајцата припадници на Националната гарда, кои беа застрелани кај Белата куќа

Тие се Сара Бекстром, 20, и Ендру Волф, 24. Тие остануваат во критична состојба.

„Тие беа во Вашингтон за да го одржат градот безбеден, во согласност со извршната наредба на претседателот Трамп за одржување на Вашингтон безбеден и убав“, рече Пиро.

Таа додаде дека тие одговориле на повикот, ја презеле одговорноста и се пријавиле како доброволци.

„Тие ги ставиле своите животи на коцка за луѓе што дури и не ги познаваат“, рече таа.

За потсетување, двајца војници на Националната гарда беа застрелани пред Белата куќа вчера, а полицијата соопшти дека е уапсен осомничен за нападот во Вашингтон.

Главната обвинителка на САД, Пам Бонди, изјави дека двајцата членови на Националната гарда на САД биле оперирани и додаде дека осомничениот Авганистанец може да се соочи со доживотна казна затвор.

„Во моментов, обвиненијата ќе ги базираме на прогнозата за членовите на Националната гарда. И двајцата се оперирани, но во овој момент нема да коментирам за нивната медицинска состојба. Се молиме за нивно закрепнување, но во најлош случај, минималната казна би била доживотен затвор по обвиненијата за тероризам“, рече Бонди, според Ројтерс.

Осомничениот за пукањето, Рахманула Лаканвал, претходно работел во Авганистан за владата на САД, вклучително и за Централната разузнавачка агенција на САД (ЦИА), изјави директорот на ЦИА, Џон Ратклиф.

Лаканвал, кој наводно отворил оган врз двајцата членови на Националната гарда на Западна Вирџинија во Вашингтон, служел како авганистански колега на ЦИА во Кандахар.

„По катастрофалното повлекување од Авганистан, администрацијата на Бајден го оправда доведувањето на наводниот напаѓач во Соединетите Држави во септември 2021 година поради неговата претходна работа за владата на САД, вклучително и за ЦИА, како член на партнерските сили во Кандахар, што заврши кратко време по хаотичната евакуација“, изјави Ратклиф за Фокс њуз. Лаканвал е авганистански државјанин кој дошол во Соединетите Држави во 2021 година во рамките на програмата што администрацијата на Бајден ја воспостави по повлекувањето на американските трупи од Авганистан.

Тагови: Националната гарда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер