Свет

Санчез му одговори на Трамп: Шпанија е суверена земја

Шпанскиот премиер Педро Санчез денеска одговори на заканите на американскиот претседател Доналд Трамп, потсетувајќи го дека Шпанија е суверена земја и дека трговската политика со која било земја-членка на ЕУ мора да биде договорена со Брисел.

Шпанскиот премиер Педро Санчез денеска одговори на заканите на американскиот претседател Доналд Трамп, потсетувајќи го дека Шпанија е суверена земја и дека трговската политика со која било земја-членка на ЕУ мора да биде договорена со Брисел во име на сите земји-членки.

-Шпанија е земја која е посветена на земјите-членки на Алијансата, но исто така и суверена, и тоа е рамнотежата што ја најдовме во декларацијата што ја постигнаа 32-те земји-членки на Атлантската алијанса, вклучувајќи ги и САД, рече Санчез по пристигнувањето на состанокот на Европскиот совет, еден ден по самитот на НАТО, на кој Трамп ѝ се закани на Шпанија со трговска војна за да ја принуди да плаќа „двојно“ ако не потпише обврска за зголемување на воените трошоци на пет проценти од БДП, како другите членки на трансатлантската организација.

Санчез на Самитот ја потврди својата посветеност на одржување на воените трошоци на 2,1 процент, објавија шпанските медиуми.

Тој потсети дека „Европа и светот страдаат од трговска војна“ од американската администрација поради царинските мерки што ги опиша како „неправедни и еднострани“.

-Во Шпанија, тие се двојно неправедни, бидејќи земјата има трговски дефицит, а не суфицит со САД, истакна Санчез.

Тој додаде дека „јасно е оти трговската политика“ во Европа „е водена од Брисел“.

-Ние сме во единствена царинска унија, а трговската политика ја преговара Брисел во име на сите земји-членки, рече Санчез.

Тој изјави дека, откако Трамп воведе царини за европски производи, Европската комисија „конструктивно преговара со американската администрација за воспоставување нови трговски правила“.

Санчез изјави дека Шпанија е отворена и пријателска земја.

-Исто така, ги сметаме САД за пријател на Шпанија, рече шпанскиот премиер, додавајќи дека верува оти она што се случи на Самитот на НАТО на крајот нема да влијае на трговските преговори меѓу Вашингтон и Брисел, бидејќи тие, како што рече, се „две различни области на дебата“.

Санчез изрази задоволство од Самитот на НАТО во Хаг за постигнувањето договор за декларација „што беше тешко“, но која, според него, постигна рамнотежа „помеѓу посветеноста на Шпанија како земја-членка на можностите и безбедноста на Атлантската алијанса“ и „социјалната кохезија“ на земјата.

-Одвраќањето не значи само поголеми трошоци за одбрана, туку и продолжување на посветеноста на социјалниот модел што ја зајакнува нашата држава на благосостојба, заклучи Санчез.

Тагови: Доналд Трамп Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од 26 август почнува пријавувањето за субвенциониран студентски оброк

Министерството за образование и наука информира дека од 26 до 31 август трае рокот за аплицирањето за остварување на правото на субвенциониран студентски оброк за академската 2026/2027 година.

На повикот треба да се пријават сите студенти - како бруцоши, така и студенти од повисоките години, за да го остварат правото на субвенциониран студентски оброк од 1 октомври годинава.

Аплицирањето се спроведува електронски преку порталот e-uslugi.mon.gov.mk, а на повикот можат да се пријават сите редовни студенти запишани на прв циклус, односно втор циклус на студии, како и на интегрирани студии на јавните и приватните универзитети во државата.. Апликантите треба да се државјани на македонија и да немаат месечен приход по кој било основ поголем од минималната нето-плата во тековната година.

Финансиската поддршка во износ од 140 денари е наменета за купување храна, а студентот може да ја користи од понеделник до сабота, кај правни лица кои произведуваат, подготвуваат или продаваат храна. Паричниот надомест не е предвидено да се исплаќа во периодот на летниот распуст од 1 јули до 1 октомври., посочуваат од мон..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот.

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

baby > raccoon https://t.co/iDdwfmMcO8 pic.twitter.com/B6l2gc3e22
— Minnesota United FC (@MNUFC) August 23, 2026

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.