Самохрана мајка купила стар автобус за да живеат во него со синот (видео) - Канал 5

Забава

Самохрана мајка купила стар автобус за да живеат во него со синот (видео)

Тврди дека наскоро ќе го среди за живеење, а цената е „ситница“.

Самохрана мајка купила стар автобус за да живеат во него со синот (видео)

Џес решила да потроши нешто помалку од 10.000 евра за купување и опремување на ова возиоло за од него да направи дом.

Самохраната мајка Џес (25) одлучила да го реши проблемот со високите трошоци за изнајмување стан, па купила стар зелен двокатен автобус со намера да живее во него со својот петгодишен син. Автобусот го нарекла „Детелина“ и планира да го опреми со соларни панели и дрвен котел за да обезбеди енергија за својот нов дом.

Во серијата споделени видеа на Тикток, Џес открива дека автобусот го купила од еден маж во Корнвол кој веќе не бил во можност да го вози. Бидејќи таа нема возачка дозвола за управување со автобус, планира автобусот да го претвори во дом. Џес и нејзиниот син Берти во последниве три години патувале низ светот со камп приколка, но бидејќи Берти треба да тргне на училиште, Џес решила да најде трајно живеалиште за нив двајца.

Оваа жена истакнува дека во текот на изминатата година сама го реставрирала автобусот додека нејзиниот син спиел. Патем, стекнала бројни вештини, меѓу кои работење со брусилка и други алатки. Исто така, во видеата што ги објавува на Тикток, таа навела дека за обнова на автобусот користи само бесплатни материјали, донирани или најдени по плацевите за отпад. Таа планира вкупните трошоци за купување и реновирање на автобусот да не бидат повисоки од 9.400 евра, што е многу поевтино од изнајмување стан.

Кога ќе заврши со реновирањето, автобусот ќе има две спални соби и работен простор на катот, како и кујна и простор за седење на приземјето. Таа веќе поставила бојлер на дрва и големи резервоари за вода. Џес, исто така, планира да постави соларен панел на покривот за да обезбеди доволно енергија во нејзиниот мал дом.

Џес е пример за храбра и независна жена која решила на свој начин да се соочи со предизвиците на животот, наоѓајќи креативно решение за станбеното прашање. Нејзиниот потфат го привлече вниманието на многу луѓе, а таа верува дека нејзиниот автобус наскоро ќе стане удобен дом за неа и нејзиниот син.

Видеата што таа ги објавува на Тикток станаа многу популарни и го привлекоа вниманието на повеќе од 60.000 лица. Многу корисници ја изразија својата поддршка и ентузијазам за нејзината храбра одлука да живее во автобус со нејзиниот син.

@jas_in_a_bus The bus is home - and what a journey it was 😅 #busconversionuk #femalevanbuild #vanconversionproject #doubledecker #buslife #solowomanbusbuild #busconversion #busconversions #youngmum #thebus #travelwithkids #busvibes #vanliving #bushome #livinginmyvan ♬ original sound - Jas_in_a_bus

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Се преврте автобус кај Истанбул, полн со патници- десетици повредени (ВИДЕО)

На пат од Кирикале до Самсун, патниците во автобус доживеале драматичен момент кога возилото се превртело, при што биле повредени 40 лица. 

Се преврте автобус кај Истанбул, полн со патници- десетици повредени (ВИДЕО)

Возачот ја изгубил контролата врз воланот, што довело до несреќата, објавија турските медиуми.

Инцидентот се случил во близина на населбата Кимески кај Истанбул, а во автобусот имало 42 патници, меѓу кои и тројца вработени во транспортната компанија, објави Хуриет.

Екипи на брза помош, полиција, жандармерија и противпожарна служба, како и специјални служби, веднаш пристигнале на местото на несреќата.

Повредените биле брзо евакуирани од автобусот, им била укажана прва помош и биле однесени во болниците во Кирикале. За среќа, според првичните информации, никој не е во животна опасност.

Полицијата и жандармеријата започнале истрага за да се разјасни причината за несреќата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар на Крф- пожарникарите се борат со огнената стихија, активирани се и авиони (ВИДЕО)

Пожар избувна во областа Јанадес, во централниот дел на Крф. 

Пожар на Крф- пожарникарите се борат со огнената стихија, активирани се и авиони (ВИДЕО)

Голема противпожарна бригада веднаш беше испратена на местото на настанот за да го изгасне пожарот, објави Прототема.

Во исто време, се очекува противпожарните авиони PZL со седиште на Крф да полетаат за да помогнат во гаснењето на пожарот.

Пожарникарите се во состојба на зголемена готовност, додека во моментов не се познати дополнителни детали за обемот на пожарот или дали населените области се во опасност.

Тагови: Крф пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: ВМРО го труе и Скопје-СДСМ бара одговорност за загадувањето на Лепенец

Загадувањето на реката Лепенец значи дека отровот веќе стигна и во Скопје.

Штерјова: ВМРО го труе и Скопје-СДСМ бара одговорност за загадувањето на Лепенец

Белата боја и обемот на пената што вчера се појави на сливот на реката Лепенец во реката Вардар, најчесто се знак на синтетичко загадување.

Ова е сериозен аларам власта нема капацитет за заштитата на животната средина и безбедноста на водните ресурси.

Наместо конкретни мерки и одговорност градоначалникот на Скопје Орце Ѓорѓиевски, си игра со дронови, од воздух ќе го решавал проблемот.

Човекот кој една обична слика за билборд не може да направи без грешка,

На граѓаните на Скопје не им требаат спектакли, туку институции што ги штитат. И најважно, чиста и безбедна вода.

Скопје има проблеми со депонии, со смет, со загаден воздух а сега и проблем со загадување на Лепенец и Вардар.

СДСМ бара институциите веднаш да ја утврдат одговорноста за загадувањето и итна реакција за санација на проблемот.

Секој што си игра со здравјето на луѓето мора да сноси одговорност.

СДСМ нема да дозволи оваа власт да ја отруе цела Македонија. Време е за правда и вистина, рече Кети Штерјова од СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер