Само за неколку секунди избегната вистинска катастрофа на небото над Скопје - Канал 5

Македонија

Само за неколку секунди избегната вистинска катастрофа на небото над Скопје

Пилот на Туркиш Ерлајнс: Не можам да ги слушам вашите насоки, имам T-CAS алерт- (снимка од кабина на Туркиш ерлајнс)

Само за неколку секунди избегната вистинска катастрофа на небото над Скопје

Ова е дел од комуникацијата меѓу турската пилотка и контролорот на М-НАВ, неколку секунди пред да се избегне евентуалниот фатален судир меѓу двата авиони со 600тини патници на небото над Скопје на 7 септември. До трагедија ги делеле секунди. Авионите на Санекспрес и Туркиш Ерлајсн се летале на висина од речиси 11 километри директно еден кон друг. Автоматското активирање на ТКАС системот и брзата реакција на пилотите е единствената причина зошто е избегната несреќата. Авионите се разминале на само 600 метри оддалеченост.

Искусниот пилот во пензија Горан Павлоски, кој има информации за случајот преку пилотските канали, објасни дека ТКАС системот кој содржи сензори за сообраќај со првиот аларм им сигнализира звучно и светлосно на пилотите, дека во нивна насока доаѓа друг авион наоддалеченост 2 до 3 наутички милји, а 20тина секунди подоцна бара итна реакција од пилотите за избегнување на судир.

По 20 секунди веќе доаѓа алерт, се вика resolution advisory, каде пилотот веднаш, во рок од една до две секунди мора да ги следи инструкциите на овој систем слепо и тој дава само две команди descend(спуштање) или climb(искачувачање), односно понирај, спуштај го авионот или качувај. Веднаш треба да се следат овие информации и кога ова ќе дојде до реакција, значи се работи за секунди, јас би рекол за 5 до 10 секунди максимум е избегнат судирот на овие два авиони. Ако едниот авион добие наредба од системот да ја зголеми висината, односно да качува, тогаш дргуиот авион добива наредба да понира и затоа веднаш се прави поголема разлика да се избегне тој судир.

Зошто се чекало на реакција на ТКАС системот и дали имало соодветна реакција од контролорите на М-НАВ засега останува енигма. Според информации на Канал 5, како причини се наведуваат некомпететноста и партизирањето на М-НАВ, кое се прави години наназад. Со ваквите информации се сложува и Павловски кој е поранешен директор на АЦВ. Тој вели дека ова треба да ни биде лекција. Компјутерски навигаторот дури 5 минути порано може да предвиди точно место на можен судир и авионите да ги раздвои вертикално или латерално, но зошто тоа не е направено, според него е нејасно, појаснува тој.

Она што мене ме загрижува и она што мене ми е уште прашање на кое јас не можам да си дадам одговор зошто одговорниот контролор не го направил тоа. Најбитна е концентрацијата и способноста интелектуална на контролорот да го следи тој свој воздушен простор и адекватно на тоа да реагира. Јас не знам, си поставувам пршање, јавно, дали тој контролор воопшто бил на своето работно место, дали тој контролор во моментот кога се случувало не си го гледал својот фејсбук или си разговарал со своите.

Директорот на Комитетот за истрага на воздухопловни несреќи и сериозни инциденти Зоран Илиевски посочи дека станува збор за сериозен безбедносен настан. Веќе во понеделник КИСНИВ ќе влезе во М-НАВ, ќе изврши разговор, ќе ги преслуша снимките меѓу контролорите и пилотите и ќе се разгледаат видео записите. Посочи дека разговор ќе се изврши и со пилотите на двата авиони, со обид да се идентификува причината за случајот.

Од М-НАВ пак дека е отворена истрага за утврдување на причините и фактичката состојба, а од страна на агенцијата за цивилно воздухопловство посочија дека веќе постапуваат. Според информации на Канал 5, случајот е пријавен и во турската агенција за воздухопловство од страна на пилотката на Туркиш Ерлајнс..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД воведуваат нови санкции за поддршка на воените програми на Иран

САД денес објавија нов пакет санкции насочени кон 11 лица и субјекти за поддршка на воените програми на Иран.

САД воведуваат нови санкции за поддршка на воените програми на Иран

Според соопштението од американската влада, санкционираните имале за цел да помогнат во набавката на оружје за Корпусот на иранската револуционерна гарда и редовната иранска армија, а штабот е во Кина, Хонг Конг, Иран и Белорусија.

Цел на Министерството за финансии

Канцеларијата за контрола на странски средства (OFAC) на Министерството за финансии на САД означи девет лица и компании со седиште во Кина и Хонг Конг. Тие се обвинети за учество во мрежа што ја олеснувала набавката на оружје за иранската војска.

Санкционирана е и компанија од Хонг Конг, за која се вели дека работи во рамките на тајната банкарска мрежа на Иран. Во посебен потег, Стејт департментот на САД санкционираше две компании и неколку лица од Иран и Белорусија. Според соопштението на Министерството за финансии, овие мерки се поврзани со активностите на Иран поврзани со конвенционалното оружје.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воен хеликоптер се урна во Пакистан, нема преживеани (ВИДЕО)

Пакистански воен хеликоптер се урна во среда во делот на Кашмир контролиран од Пакистан, при што загинаа сите во леталото. Војската соопшти дека техничка грешка е причина за несреќата, објави „Euronews“.

Воен хеликоптер се урна во Пакистан, нема преживеани (ВИДЕО)

„Хеликоптер Ми-17 на воздухопловните сили на Пакистан се урна во близина на Музафарабад денес за време на полетувањето поради техничка грешка“, се вели во соопштението на медиумското крило на војската. Во соопштението се додава дека „сите лица во леталото постигнале шехада (мачеништво)“, но не се наведува точен број на жртви.

Несреќата се случила во близина на Музафарабад, регионалниот главен град, за време на протестите и штрајкот организиран од Заедничкиот акционен комитет Авами, неодамна забранет сојуз на неколку групи. Војската не соопшти дали има некаква врска помеѓу несреќата и протестите.

Истрага на несреќата

Сведоци рекоа дека леталото се урна кратко по полетувањето од хелиодромот. Итните служби брзо се упатија кон местото на настанот и ги однесоа жртвите во блиската болница. Војската соопшти дека „екипите за спасување и опоравување веднаш стигнале на местото на несреќата“ и дека е наредена истрага за да се утврди точната причина за несреќата.

Официјални реакции

Пакистанскиот претседател Асиф Али Зардари и премиерот Шехбаз Шариф изразија сочувство за несреќата и им оддадоа почит на жртвите. Во одделни изјави, тие им изразија сочувство на семејствата на жртвите. Началникот на пакистанската армија, фелдмаршал Асим Мунир, исто така, изрази длабока тага за загубата на животи и сочувство до семејствата на починатите, се вели во соопштението.

Спорен регион

Пакистанската војска и влада го сметаат Кашмир за исклучително чувствителна област по години чести судири и војни со Индија. Кашмир, регион со муслиманско мнозинство, е целосно побаруван и од Индија и од Пакистан, но е поделен меѓу нив откако стекнаа независност од британската власт.

Тагови: Пакистан хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

На вечерашната седница на ЦК на ВМРО-ДПМНЕ беа потврдени одлуките за новите претседатели на ОК на ВМРО-ДПМНЕ, дополнително беа усвоени нови 3 членови на ИК на ВМРО-ДПМНЕ.

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

Нови членови на ИК на ВМРО-ДПМНЕ се Миле Лефков, Бобан Стефковски и Зоранчо Јованчев.

Миле Лефков е пратеник во македонското собрание, кој доаѓа од Кочани и претходно беше дел од извршниот комитет, искусен и докажан кадар на ВМРО-ДПМНЕ.

Бобан Стефковски е актуелен градоначалник на општина Гази Баба, кој донесе историски најдобар резултат на ВМРО-ДПМНЕ како кандидат за градоначалник и претседател на општинскиот комитет. Човек од збор кој има реализирани голем број на проекти во интерес на граѓаните.

Зоранчо Јованчев е пратеник во собранието и поранешен претседател на ОК Кавадарци. Докажан кадар кој со своето искуство ќе придонесе кон нови победи на партијата.

ВМРО-ДПМНЕ се реструктуира и реорганизира за да донесе нови успеси за Македонија.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер