Само еден филм со Киану Ривс заработил над милијарда долари, не е „Матрикс“

Иако се појавил во некои од најуспешните филмски франшизи на сите времиња, како „Матрикс“ и „Џон Вик“, само еден филм во филмографијата на Киану Ривс има заработено повеќе од милијарда долари.

Станува збор за анимираниот филм Toy Story 4, финансиски најуспешното продолжение на популарната франшиза на Pixar.

Во филмот, Ривс му го позајми гласот на еден од новите ликови, канадскиот каскадер Дјук Кабум. Дјук Кабум е една од новите играчки што ги среќава главниот јунак Вуди (Том Хенкс) додека се обидува да го спаси својот пријател Форки (Тони Хејл). Дјук Кабум е пријател на вудисовата љубов Бо Пип (Ени Потс).

Според Collider, инспирација за неговиот лик е познатиот американски каскадер Ивел Kанивел, кој се прослави по своите акробации на мотори.

Иако многу критичари мислеа дека филмот ќе биде неуспешен, убедени дека ништо не може да го надмине Toy Story 3, режисерот Џош Кули и сценаристите Ендрју Стентон и Стефани Фолсом им докажаа дека грешат.

Во третиот филм, Вуди и другите играчки се збогуваат со својот сопственик, момчето Енди, додека во последното продолжение на франшизата, Вуди се бори со егзистенцијални прашања и се обидува да ги прошири своите хоризонти.

Toy Story 4 заработи околу 1,07 милијарди долари, додека Toy Story 3 заработи 1,06 милијарди долари. И двата филма имаат слични резултати на Rotten Tomatoes - Toy Story 4 има оценка од 97% од критичарите и 94% од публиката, а неговиот претходник има 98% од критичарите и 90% од публиката.

Големиот успех на четвртиот филм од серијата доведе до зелено светло за Toy Story 5, кој моментално е во развој. Петтиот филм треба да се појави во кината во 2026 година.

Последна снимка на семејството пред количката со близначиња да заврши на шините, а возот доаѓал

Татко и неговата двегодишна ќерка загинаа кога ги удри воз во Сиднеј откако количката со близнаците заврши на шините.

Сведоците со ужас гледаа како количката со двегодишните близнаци паѓа од платформата на железничката станица на шините додека возот пристигнува, објави Дејли Меил.

Таткото на девојчето (40) веднаш скокнал од платформата во херојски обид да ги спаси своите деца, но за жал не успеал. Тој починал заедно со едно од девојчињата, додека другото било неповредено.

Мајката на девојчето (39) извикала „спаси ми ги бебињата“ од платформата, секунд пред трагедијата, велат очевидци.

Уште едно девојче за чудо се спасило од повреди иако завршило под возот.

Австралиските медиуми објавија видео од семејството неколку моменти пред трагедијата. На него се гледа како таткото ги турка девојчињата во количка, додека мајката оди покрај нив со количка за пазарење. Семејството изгледа опуштено додека се шетаат, не знаејќи каков ужас ќе ги снајде.

Трагедијата се случила вчера на железничката станица во Карлтон, јавуваат медиумите.

Полицаецот Пол Данстан рече дека родителите со лифтот се качиле на платформата на станицата, каде за момент ги тргнале рацете од количката.

Количката со близнаците потоа се истркалала кон железничката пруга, додаде тој.

Полицијата добила повик околу 12:25 часот откако очевидци виделе количка како паѓа од перонот на патеката на возот што доаѓал.

Возот не требало да застане на таа станица и се чини дека забавил пред трагедијата, но не успеал навреме да запре.

Кога видел дека количката е тргната кон шините, таткото се обидел да ги спаси своите деца, но за жал не успеал.

Тој и едната ќерка загинале, додека другото девојче било неповредено.

Мајката (39) и другото девојче се пренесени во болница и нивната состојба е стабилна.

Девојка остана заглавена на аеродромот во Бангкок поради бизарен превид: Цело време плачев

Рози Вискоми (27) од Норфолк се најде во центарот на медиумското внимание, бидејќи требало да патува од Бангкок до Лондон, но поради необичен превид останала заглавена на аеродромот.

Таа останала на тајландскиот остров Кох Фа-нган, каде што студирала јога. Сепак, немала поим какви проблеми ќе ја снајдат кога ќе се враќа во Британија.

Таа резервирала лет за поврзување (Индија и Турција) и требало да се врати во Лондон на 4-ти јули. Меѓутоа, не можела да влезе во авионот бидејќи властите откриле дека страницата со фотографијата во пасошот е делумно скината.

Дополнително, ја известиле дека визата ѝ е истечена, што значи дека била илегално во земјата, иако тврдела дека документите ги средила само неколку дена порано, пишува „Дејли мејл“.

Вознемирена и исплашена од апсење, Рози контактирала со британската амбасада за да договори враќање дома, но целиот процес бил скап.

„Кога пристигнав на аеродромот ми рекоа „не одиш никаде со тоа“, мислејќи на скинатата страница. Им објаснив дека така било и кога влегов во државата. Рекоа дека Индија нема да ме пушти и дека морам да резервирам директен лет за Лондон“, вели девојката.

Рози тврди дека страницата ја скинала само за еден сантиметар, а со таков пасош, без проблем патувала низ Америка и Јамајка.

„Пропуштив лет кој чинеше 440 евра. Морав да извадам специјални документи и само се молам да се вратам дома. Всушност, не ми остануваат пари, бидејќи не сметав на дополнителни трошоци. Имиграциските власти велат дека би можела да платам дополнителни 380 евра затоа што ми истече визата.

Рози резервирала директен лет за Лондон и споделила како се чувствувала.

„Беше страшно, не знаев што да правам. Само плачев, а луѓето ми велеа дека ништо не можат да направат. Сакав да се вратам дома“.

Нејзината сестра, во меѓувреме, отворила страница за собирање средства за да ѝ помогне во решавањето на проблемот со дополнителните патни трошоци.

Пијан Грк до смрт претепал гостин на крштевка, па дивеел низ селото

Никос М.(64) е брутално убиен на прослава на крштевка во Грција кога, како што се сомневаат, до смрт бил претепан од пијан гостин, поточно маж и неговата сопруга.

Злосторството се случило вчера во селото Агиос Петрос во Аркадија, а полицијата ги привела осомничените кои денеска се изведени во обвинителството.

Убиството се случило на централниот плоштад во селото во раните утрински часови, по крштевката на која присуствувале голем број гости.

Несреќниот Никос изгубил свест на улицата од тешките тепања, а кога еден од минувачите го прашал тепачот: „Дали е мртов“, осомничениот одговорил: „Лаже, добро е“.

Пријател на жртвата тврди дека го видел осомничениот како пијан се сопнува на плоштадот.

„Беше утро и го видов како вика, беше во паника, не знаеше каде е“, изјавил сведокот за Мага.

Според очевидци, сѐ започнало кога Никос ѝ рекол нешто на сопругата на осомничениот, по што осомничениот почнал да го тепа додека не го убил. Осомничените прво го оставиле несреќниот маж да лежи на плоштадот во локва крв, но наводно потоа се вратиле на местото на злосторството.

„Напладне се организираше крштевка во селото и прославата траеше 12 часа. Гостите пиеја и јадеа од пладне и не станаа од трпезата дури два часа по полноќ. Насетувавме дека ќе се случи нешто лошо бидејќи имаше толку многу луѓе на крштевката и повеќето од нив беа пијани“, велат очевидци.

Околу два часот по полноќ дел од гостите ја напуштиле прославата и отишле во кафуле на плоштадот да се напијат кафе и малку да се отрезнат.

"Таму, изгледа, жртвата почнала да флертува со жена од таа група, а таму бил и нејзиниот сопруг. Полудел и почнал да го удира. Тогаш скокнал друг од групата и почнал да го тепа тој маж. Во еден момент го оставиле дека лежи на плоштадот без свест. Го оставиле неколку минути, бидејќи сопругата на осомничениот врескала да го остават на мира, но тие се вратиле“, велат очевидци, пренесува Прототема.

Тогаш, според нивните изјави, осомничениот сфатил дека човекот што брутално го тепал изгубил свест.

"Потоа почна да му вика да стане. Овој, се верува дека веќе бил мртов. Колку што знам, тој и жената признале дека го тепале, но имало и друг маж", рекол очевидец за грчките медиуми.

притисни ентер