Живот

Самит за клима во Дубаи: Се бара од државите да се откажат од користење фосилни горива

Постигнат договор на самитот за климата во Дубаи, се бара од државите да се откажат од користење фосилни горива

На самитот КOP28 на ОН денеска во Дубаи беше усвоен договор со кој се повикуваат земјите да преминат од користење фосилни горива на други извори на енергија со цел да се спречат најлошите ефекти од климатските промени.

Претседавачот на самитот султанот Ал Џабер од Обединетите Арапски Емирати, објави дека договорот е постигнат, кој беше проследен со громогласен аплауз од речиси 200 делегации.

На самитот на Обединетите нации за климата, утринава беше објавен нов нацрт на конечниот договор, со кој се повикуваат земјите да се префрлат од користење фосилни горива на други видови извори на енергија оваа деценија, но не и постепено да ги укинуваат, како што побараа многу земји учеснички.

На ниту еден претходен самит на ОН за климата, земјите не се договорија за начините за постепено укинување на употребата на нафта, гас и јаглен.

Неизвесно е дали тоа ќе биде доволно за да се помине договорот, јави Би-Би-Си.

Сите 198 земји кои учествуваат мора да се согласат за да се постигне договор. Согорувањето на фосилните горива води до глобално затоплување и досега владите никогаш колективно не се договориле да престанат да ги користат.

Нацрт-договорот ги повикува земјите да преземат акција за намалување на емисиите на штетни гасови, вклучително и тројно зголемување на глобалниот капацитет за обновлива енергија и удвојување на просечната годишна стапка на подобрување на енергетската ефикасност во светот до 2030 година. Се повикува и на транзиција од фосилни горива во оваа деценија со цел целосно да се укине користењето на овој вид гориво до 2050 година.

Нацрт-договорот предвидува значително намалување на емисиите на метан до 2030 година, како и постепено укинување на субвенциите за фосилните горива.

Норвешкиот министер за клима и животна средина Еспен Барт Ејд рече дека е првпат светот да се обедини во јасна шема за потребата од транзиција од фосилни горива.

Рејчел Клетус, директор за политика и главен економист за Програмата за клима и енергија на Унијата на загрижени научници, рече дека новиот нацрт-договор испраќа силен сигнал дека светските лидери го препознаваат наглото оддалечување од фосилните горива и кон чиста енергија оваа деценија што е суштински за постигнување на климатските цели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Поранешниот англиски фудбалски репрезенативец Андрос Таунсенд (35), кој настапуваше за Тотенхем, Њукасл, Кристал Палас и Евертон, доживеа неверојатен инцидент додека се загреваше во Тајланд.

Таунсенд се загреваше за време на полувремето од натпреварот меѓу неговиот тим, Прачуап, и Патани. Додека се обидуваше да ја удри топката, тој излезе од просторот предвиден за загревање.

Во тој момент, кон него се движеше валјак за рамнење на теренот, а возачот не го забележа навреме.

-Валјакот го удри Таунсенд во нозете, го собори на земја, а потоа продолжи да се движи преку неговото тело, стигнувајќи сè до половината. Возачот потоа ја запре машината, а соиграчите на Таунсенд веднаш притрчаа да му помогнат. За среќа, Таунсенд помина без сериозни повреди. По инцидентот, тој го продолжи загревањето, па дури и влезе во игра. Тој ја одигра последната минута од натпреварот, во кој неговиот тим, Прачуап, победи со 3–0.

🤯 Andros Townsend has been involved in an unfortunate accident while warming up for PT Prachup before their Thai Premier League game vs. Pattani. He didn't get badly injured but was on the bench and played just 1 minute in their 3-0 win. https://t.co/K9Ty9VAxRd
— Football Tweet ⚽ (@Footballtweet) September 19, 2026

По бизарниот настан, Таунсенд очигледно одлучи сè да претвори во шега. Тој објави видео од инцидентот на социјалните мрежи и се пошегува на сметка на својот поранешен клуб Стоук Сити, познат по својот физички напорен фудбал. „Стоук не беше толку лош“, рече Таунсенд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ССМ: Синдикална минимална кошница за месец септември 2026 година

Сојуз на синдикатите на Македонија денеска ја објави Синдикалната минимална кошница за месец септември 2026 година.

Вредноста на синдикалната минимална кошница за месец септември 2026 година изнесува 69 432,00 денари, споредена со вредноста на синдикалната минимална кошница за месец август 2026 год. која изнесува 68 675,00 денари е зголемена за 757,00 денари.

Со изнајмен стан од 60 квадрати за месец септември изнесува 84 807,00 денари.

Структура на новата СMK за месец септември 2026 година

03. Станарина, вода, електрична енергија 21.754

и греење ( со изнајмен стан 60м2 )

Синдикална минимална кошница вкупно: 84.807 100 %

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо: „Војната меѓу Русија и Украина не е наша“

Словачкиот премиер Роберт Фицо изјави дека војната меѓу Русија и Украина „не е словачка војна“ и нагласи дека ќе стори сè за да спречи Словачка да биде вовлечена во, како што рече, „неодговорна воена авантура“.

Во видео-порака објавена на Фејсбук, Фицо изјави дека не сака конфликт меѓу НАТО и Русија и оцени дека секој што сака да предизвика таков конфликт заради сопствените национални интереси, треба да ја сноси одговорноста за таквата одлука.

„Војната меѓу Русија и Украина не е наша, словачка војна. Ако некој сака да предизвика воен конфликт меѓу НАТО и Русија за да ги задоволи сопствените национални интереси, тогаш мора и да преземе одговорност за таков чекор, а не да ја префрла на другите членки на НАТО“, рече Фицо.

Тој оцени дека е многу лесно да се најде изговор за започнување војна, но дека државите се доволно развиени за да можат да направат разлика меѓу вистински вооружен напад и, како што рече, измислена провокација.

„За време на мојата влада, никој нема да испрати словачки војници надвор од територијата на Словачка за да се борат против Русија или која било друга земја под измислен изговор“, изјави словачкиот премиер.

Зборувајќи за членот 5 од Северноатлантскиот договор, Фицо рече дека оваа одредба, во случај на вистински вооружен напад врз една или повеќе членки на НАТО, остава широки можности за пружање помош на нападнатата држава.

Истовремено, тој повика на крај на, како што рече, „приказната за лажната солидарност“, наведувајќи дека земјите од Европската Унија не се способни да покажат солидарност дури ни кога станува збор за цените на електричната енергија, а камоли кога се работи за смртта на војници.

Фицо изјави дека Словачка ќе продолжи да води „суверена“ политика, притоа почитувајќи го своето членство во Европската Унија и во НАТО. „На тлото на Европската Унија нема да се откажеме од нашите суверени ставови, кои имаме намера да ги продлабочиме во рамките на соработката на Вишеградската група. А во НАТО сакаме да бидеме сигурен партнер, а не играчка во рацете на другите, и наш доминантен збор ќе биде мирот, а не војната“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.