Самит Македонија2025 - Канал 5

Економија

Самит Македонија2025

Македонија внимателно треба да ги следи очекувањата и движењата, поттикнати од глобалната неизвесност  и да не превзема брзи туку таргетирани мерки, вели извршената директорка на Македонија 2025 Никица Мојсоска

Самит Македонија2025

Македонија внимателно треба да ги следи очекувањата и движењата, поттикнати од глобалната неизвесност и да не превзема брзи туку таргетирани мерки, вели извршената директорка на Македонија 2025 Никица Мојсоска, по отворањето на овогодинешниот Самит. Вели глобалната неизвесност, случувањата на Блискиот Исток и растот или како што оцени недоволниот раст во ЕУ влијаат врз македонската економија, но она на кое што според неа треба да се фокусира Владата со цел заштита на стандардот на граѓаните се економските реформи и инфраструктурните проекти.

„Секогаш се залагаме таргетриани мерки наместо универзална поддршка. Таргетирани зборам за заштита на животниот стнадард на посиромашните граѓани, меѓутоа и на економски план е добро што инвестициите особено инфрастурктурните инвестиции се одвиваат добро, и тоа доведува до економски раст, меѓутоа мислам дека треба да размислиме повеќе на поголеми структурни рефоми кои е тешко да се спрвоедат во случаи на неизвеснот и ограничен фискален простор“....-Никица Мојсоска – извршна директорка на Македонија 2025

Последиците од војните, не само онаа на Блискиот Исток туку и онаа во Украина, се чувствуваат насекаде, па дури и во САД, вели коосновачот на Македонија 2025 Мајк Зафировски, но очекува брзо да завршат и порача дека наместо глобалните проблеми да се користат како изговор државите да се фокусираат како да помогнат.

„Постои огромна поларизација насекаде во светот – тоа е мој личен поглед. Но би се вратил на Македонија и на она што јас го нарекувам „советување“ за политичарите и сопствениците на бизниси – контролирајте го она што можете. Наместо да ги користиме глобалните проблеми како изговор за да бидеме парализирани и да не се движиме напред треба навистина да им помогнеме да граѓаните таму каде што можеме.“ - Мајк Зафировски – коосновач на Македонија 2025.

Во излагањето на првиот дел од овогодинешниот Самит на Македонија 2025, премиерот Христијан Мицкоски осврнувајќи се на глобалните предизвици и случувања, оцени дека инфраструктурното поврзување претставува клучен фактор за економски раст на државата. Според Мицкоски и покрај низата предизвици со кои се соочуваме сепак вели државата бележи стабилни економски резултати.

„Влеговме во решавање на проблемот онолку колку што може да се решава и прилично успешно се справуваме со состојбите и покрај тоа што имавме исклучително големи фискални откажувања, коишто на прв поглед може да се очекува да влијаат на Буџетот, но принципот теорија т.е. економија на обем кој го применивме до овој момент не само што не ги почувствувавме туку и ги надминаа нашите очекувања во услови на криза. Тоа значи зголемена потрошувачка на бензините и дизелот, со што имаме поголемо влијание во Буџетот и на тој начин поголемо влијание во Буџетот. “- Христијан Мицкоски – претседател на Влада.

Борба против корупцијата која останува број еден предизвик, економскиот раст, дигитализацијата, вештачката интелегенција, но и за тоа како дијаспората да стане стратешки капитал за развој на Македонија се главните теми на кои овие два дена во рамки на САмитот ќе дебатираат учесниците....

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Оризот скапува по амбарите, Владата на Мицкоски ги остави оризопроизводителите без откуп

Оризопроизводителите се соочуваат со една од најтешките кризи во последните години, како директна последица на погрешните политики на Владата на Христијан Мицкоски.

СДСМ: Оризот скапува по амбарите, Владата на Мицкоски ги остави оризопроизводителите без откуп

Половина од ланското производство сè уште стои по амбарите затоа што нема организиран откуп.

Наместо државата да обезбеди пласман на домашното производство, илјадници тони ориз пропаѓаат, а земјоделците стравуваат дека ќе ги изгубат плодовите од својот труд.

Дополнителен проблем е што Владата на Мицкоски сè уште не кажува каква ќе биде откупната цена за новата реколта, ниту кога ќе бидат исплатени субвенциите.

Земјоделците влегуваат во нова производствена сезона без никаква сигурност и без поддршка од институциите.

Во исто време, најавите за драстично ниска откупна цена не ги покриваат ниту основните трошоци за производство. Со вакви политики, оризопроизводството се турка кон целосен колапс.

Огромни количини ориз остануваат изложени на пропаѓање, што претставува дополнителна економска штета за земјоделците и ризик за целиот регион.

Оризот со децении беше препознатлив македонски производ и значаен извозен потенцијал.

Откупната цена во времето на СДСМ беше над 40 денари е сега не е ниту 20 денари за килограм.

Поради неспособноста на Владата на Мицкоски, производителите ја губат довербата во институциите, а сè повеќе се доведува во прашање опстанокот на ова стратешко производство.

По две години владеење, ВМРО го уништи земјоделство, ги осиромаши и понижи земјоделците.

СДСМ бара Владата итно да обезбеди организиран откуп на заостанатите количини ориз, да ја објави откупната цена за новата реколта, да ги исплати заостанатите субвенции и да преземе конкретни мерки за спас на оризопроизводството пред да биде предоцна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

СДС секојдневно шири невистини и се обидува да создаде чувство на економска несигурност, но официјалните податоци повторно ги демантираат нивните тврдења.

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

Бројките и податоците јасно покажуваат дека Македонија има најниска инфлација во регионот. Според најновите податоци на Државниот завод за статистика, годишната инфлација во јуни изнесува 3,4 проценти, а во однос на мај е намалена за 0,5 проценти. Тоа се официјални факти.

Уште поважно, инфлацијата кај храната и безалкохолните пијалаци изнесува само 2,5 проценти, а кај облеката и обувките 2,1 процент. Тоа се категориите што најдиректно влијаат врз семејниот буџет и животниот стандард на граѓаните.

Во исто време, Македонија има најниска инфлација во регионот меѓу земјите кои досега ги објавија податоците за јуни.

Македонија – 3,4%

Словенија – 3,6%

Грција – 3,9%

Хрватска – 4,5%

Бугарија – 5,6%

Турција – 32,1%

Ова се бројки што не можат да се сокријат ниту да се релативизираат.

Додека СДС се обидуваат да градат дневна политика врз измислени кризи и ширење паника, Владата работи со конкретни мерки што даваат резултати.

Намалената инфлација е директен доказ дека економските политики се правилно поставени и дека се води одговорна грижа за стандардот на граѓаните.

Наместо манипулации и лажни сценарија од СДС јавноста заслужува мерки и проекти. А фактите се јасни, Македонија денес има една од најстабилните ценовни политики во регионот и најниска инфлација меѓу соседните земји што ги објавија податоците за јуни.

Владата ќе продолжи со одговорни економски политики, стабилни јавни финансии и мерки што носат резултати, без разлика на обидите тие резултати да бидат оспорени од оние што немаат што да понудат освен дезинформации.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвопролевање на фестивал во Торонто: Пукање меѓу 13.000 луѓе (ВИДЕО)

Шест лица беа пронајдени со прострелни рани, а две лица починаа на местото на настанот по пукањето на фестивалот во Торонто.

Крвопролевање на фестивал во Торонто: Пукање меѓу 13.000 луѓе (ВИДЕО)

Полицијата во канадскиот град доби пријава за активен стрелец на салса фестивалот кратко по 20 часот по локално време во саботата.

Полицијата соопшти дека имало размена на оган меѓу две лица, а на местото на настанот биле пронајдени две огнени оружја.

Не се извршени апсења, а потрагата е во тек.

Заменик-шефот на полицијата во Торонто, Франциско Баредо, ја опиша сцената како „многу хаотична“. Тој рече дека околу 13.000 луѓе биле на фестивалот кога се случило пукањето.

Канадскиот премиер Марк Карни рече дека е „вџашен“ од смртоносното пукање.

Тој се помоли за „семејствата кои тагуваат по своите најблиски, оние кои се во критична состојба и сите оние кои се погодени од овој ужасен настан“.

Тагови: пукање Торонто

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер