Салиу: Отворени се патиштата за директна системска интеграција на Ромите во сите сфери - Канал 5

Салиу: Отворени се патиштата за директна системска интеграција на Ромите во сите сфери

Минатата година се ангажирани 20 образовни медијатори во 16 општини со претежно ромско население.

Салиу: Отворени се патиштата за директна системска интеграција на Ромите во сите сфери

Министерот без ресор задолжен за интеграција и имплементација на Стратегијата за инклузија на Ромите 2022-2030, Шабан Салиу, во отчет за сработеното во изминатата година оцени дека се отворени патиштата за директна системска интеграција на Ромите во сите сфери во живеењето. Најголеми постигнувања, според него, има во интегрирањето во образованието, а се работело и на пристапот до здравствени услуги и конкретни проекти насочени кон обезбедување пристапно и достојно домување.

- Нашата држава е лидер и на Балканот и во Европа во поддршка за интегрирање на ромската заедница во образовните институции. Ромите имаат можности, отворени се патиштата за директна системска интеграција со сите сфери. Лидери се во сите области, имаме прецизни податоци, колку се запишани и колку работат, никаде во светот нема Ром министер, во тој дел нашата држава е лидер, рече Салиу денеска на прес-конференција во Владата.

Салиу соопшти дека во образованието обезбедени се средства за поддршка на ромските образовни политики преку две буџетски програми, а вкупниот буџет наменет за имплементација на мерките од Националниот акциски план за образование изнесува 42.442.000 денари, што претставува 60 проценти од вкупниот буџет наменет за Роми на ниво на државава.

Минатата година се ангажирани 20 образовни медијатори во 16 општини со претежно ромско население, со можност, како што рече, за зголемување на 50 медијатори во 30 општини.

- Кај бројот на стипендии за ученици Роми во средното образование и за учебната 2024/2025 година има зголемување од 920 на 1.200. Во постојан пораст е и запишувањето на високообразовни институции. Денес, повеќе од 50 проценти од ромските матуранти продолжуваат на високо образование. За академската 2024/2025 година, Министерството објави конкурс за 150 стипендии за студенти Роми. Особено е значаен порастот на бројот на студентки Роми, рече министерот Салиу.

Во делот на здравството, според него, има значајни постигнувања во подобрувањето на пристапот до здравствени услуги за ромската заедница. Во текот на 2024 година, ангажирани се 19 здравствени медијатори преку договор за дело во различни општини, а годинава издвоени се 6.000.000 денари за имплементација на таа мерка и ангажирани се нови 20.

Во рамките на проектот на Советот на Европа, а во кој учествуваат сите земји потписнички на Познанската декларација, меѓу кои е и Република Северна Македонија, како што рече, се реализираат бројни активности насочени кон решавање на проблемите со домување и имотни прашања во ромските населби, како и образование, вработување, граѓанска документација. Овие активности имаат за цел да обезбедат сигурност во домувањето и подобри услови за живот на ромските семејства, како и зајакнување на правниот статус на оваа заедница. Кабинетот обезбедува поддршка во овие активности преку ангажирање правни советници за конкретни општини и решавање на законските проблеми. Активностите вклучуваат легализација на домови на социјално ранливи домаќинства, што е од особено значење за овие заедници.

Ги посочи капиталните проекти што ги реализира Министерството за транспорт за домување на социјално ранливи групи и подобрување на комунална инфраструктура, во општини со претежно ромско население информирајќи дека до почетокот на 2025 година, завршена е изградбата на 28 објекти со 1.527 станови. Распределбата на становите, укажа, се врши врз основа на јавно објавени огласи и утврдена методологија за бодирање, според која, освен како посебна категорија, припадниците на ромската заедница можат да аплицираат и во други категории согласно критериумите што ги исполнуваат.

Се спроведува, соопшти Салиу, и студија за условите за домување и пристапот до основна инфраструктура (вода, струја, канализација) во: Битола, Гази Баба, Гостивар, Карпош, Кочани, Прилеп, Шуто Оризари, Струмица, Тетово и Велес. Целта е да се креираат насочени политики и да се прибираат средства за подобрување на животните услови.

Министерот Салиу сподели информација дека до 2025 година успешно се решени 21 случај на легализација на имот, од кои во Велес 13, во Кочани пет, во Виница три.

- Подобрена е безбедноста на домување и пристапот до јавни услуги за засегнатите семејства, оцени Салиу.

Во текот на 2024 година, активни биле пет ромски информативни центри сместени во центрите за социјална работа во Неготино, Гостивар, Кичево, Тетово и Шуто Оризари. Преку тие центри се обезбедени вкупно 1.504 услуги, претежно за социјална заштита (1 325 лица), а другите услуги се однесуваат на образование (154 лица), здравствена заштита (8 лица), издавање лична документација (7 лица), вработување (6 лица) и домување (4 лица).

Салиу посочи дека се преземаат активности за справување со антициганизмот кој оцени дека претставува сериозна пречка за социјалната инклузија на ромската заедница и е идентификуван како стратешка точка во националната Стратегија за инклузија на Ромите. Остварена е средба со претставници на Државната комисија за спречување на дискриминација, за потребата од координирана и системска акција во борбата против антициганизмот, на која се разгледале можностите за зајакнување на институционалната поддршка, унапредување на механизмите за заштита од дискриминација и јакнење на свеста за правата и достоинството на Ромите во општеството.

Од активностите за помош на населби и локации каде што живеат најранливите категории, меѓу останатото, информираше дека е остварена посета на населбата Тунел-Бараки во Велес каде живеат 18 семејства со 105 лица кои како последица на природна катастрофа ги изгубиле своите домови, иако за нив поседувале целосна документација. Формирана е Работна група за преземање конкретни активности во врска со препораките дадени од страна на Комисијата за спречување и заштита од дискриминација,

- Со започнување со работа на Работната група, започнато е и сѐ уште е во тек реновирање на веќе постоечките објекти, до изнаоѓање на трајно решение, соопшти Салиу.

Информираше дека Кабинетот во партнерство со ЕВН е во процес на организирање национална кампања за паметно користење на енергијата, насочена кон целата територија на државата, со посебен фокус на ромската заедница. Кампањата ќе вклучува информативни средби, едукативни материјали и локални активности со цел подигање на свеста за енергетска ефикасност и одговорно користење на ресурсите.

Салиу потсети дека во ноември лани се одржа донаторска конференција за обезбедување помош и поддршка за Ромите на која беа презентирани стратешки проекти за изградба на 1001 дом за лица без домови, културен центар за Ромите, вработување на Ромите преку преквалификација на обуки, дигитална инклузија на Ромите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Крилесто чудовиште се појави на небото над Мексико- луѓе веруваат дека е праисториски предатор (ВИДЕО)

Невообичаен летачки објект кој личи на „медуза“ и суштество „слично на птеродактил“ – летачки влекачи од ерата на диносаурусите – го привлече вниманието на корисниците на социјалните мрежи во последниве денови.

Крилесто чудовиште се појави на небото над Мексико- луѓе веруваат дека е праисториски предатор (ВИДЕО)

На интернет се појавуваат сè повеќе снимки за кои некои веруваат дека прикажуваат „непознати суштества“ или „летачки објекти“ на небото над различни делови од светот. Сепак, нивната автентичност не е потврдена и досега нема сигурни докази дека е снимено нешто „непознато“.

Откако Сара Џејн Осборн снимала НЛО на небото над Алјаска кое изгледа како „медуза“, сега има вирално видео од Мексико кое прикажува суштество кое изгледа како „праисториски птеродактил“.

„Заборавете го НЛО слично на медуза, птеродактил се појави во Мексико“, напиша еден корисник на платформата X, заедно со видео од наводното „суштество“.

Снимката покажува „голема, темна силуета со раширени крилја“, наводно снимена во близина на далноводи, дрвја, градски светла и планина што доминира во позадината. Сепак, врз основа на вакви слики, тешко е да се утврди за каков феномен всушност станува збор, објавува WIO News.

Објавата на истражувачкиот новинар Хаиме Масан привлече посебно внимание, кој сподели видео од наводното суштество и праша дали тоа може да биде „доказ за постоење на димензионален портал во долината Хуарез“ на далечниот север од Мексико.

Сепак, ваквите претпоставки не се поткрепени со научни докази. Експертите ја отфрлија можноста за сигурна идентификација врз основа на кратки клипови.

Не треба да се исклучува можноста снимката на крилест предатор да е создадена со употреба на вештачка интелигенција (ВИ). Со оглед на тоа што дигитално обработените и генерираните видеа сè повеќе се појавуваат на социјалните мрежи, што може да изгледа многу убедливо, не е исклучено дека ваквите сцени се и резултат на напредна технологија.

Без независна анализа и верификација на потеклото, невозможно е со сигурност да се утврди дали станува збор за реални феномени, оптички илузии, монтажи или содржина создадена со употреба на ВИ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Германските шпиони добиваат многу поголеми надлежности: Вакво нешто не е видено 100 години!

Германскиот парламент усвои пакет законски мерки со кои се прошируваат овластувањата на разузнавачките служби, во време кога Русија води хибридна војна насочена, меѓу другото, и кон Германија.

Германските шпиони добиваат многу поголеми надлежности: Вакво нешто не е видено 100 години!

Законот што го усвои Бундестагот во петокот им дава зелено светло и на домашните и на странските разузнавачки служби да вршат надзор со значително помалку ограничувања, како и, за прв пат во повоената историја, да преземаат операции насочени кон спречување, заведување и манипулирање на противниците, пишува „Фајненшл тајмс“.

„Германија е секојдневно нападната: зборуваме за сајбер напади, саботажи, шпионажа и беспилотни летала што летаат над нашите воени објекти и аеродроми“, рече Марк Хајнрихман, претседател на парламентарниот комитет одговорен за надзор на разузнавачките служби.

„Досега, разузнавачките служби можеа да ги детектираат и следат овие закани. Сега тие ќе можат и да интервенираат.“

На конечното гласање во петок, 13 ноември, 309 пратеници гласаа за законот, 190 против, а 71 воздржани. Крајнодесничарската Алтернатива за Германија (AfD), која веќе е под надзор на разузнавачките агенции, и крајнолевичарската партија Ди Линке гласаа против неа.

Иако германската служба за надворешно разузнавање е најголема во Европа, нејзините операции честопати беа ограничени со рестриктивно законодавство поради историјата на Германија.

Правните предизвици и реформите усвоени во текот на изминатата деценија, по откритијата што ги разоткрија врските на Германската федерална разузнавачка служба (BND) со американските разузнавачки агенции, доведоа до сè посложена бирократија која стана сè потешка за управување. Како резултат на тоа, германските разузнавачки служби заостануваат зад оние на другите европски земји.

Затоа, законот за проширување на овластувањата на разузнавачките служби беше неопходен во време кога Кремљ ја засили својата агресивна кампања на хибридно војување и шпионажа. Во текот на 2025 година, беа регистрирани 474 случаи на политичка и технолошка шпионажа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кајли Џенер си разменува нежности со Шаламе- на истиот настан е и таткото на нејзините деца (ФОТО)

Кајли Џенер (29) се појави со момчето Тимоти Шаламе (30) на овогодинешните доделувања на наградите „Гувернерс“ во Холивуд. 

Кајли Џенер си разменува нежности со Шаламе- на истиот настан е и таткото на нејзините деца (ФОТО)

Ријалити ѕвездата привлече внимание со елегантен винтиџ фустан, но интересно е што нејзиниот поранешен партнер, раперот Тревис Скот (35), со кого има две деца, исто така беше на истиот настан, пишува „Дејли меил“.

Кајли и Тимоти се држеа за раце

Кајли го прескокна црвениот тепих, но на Инстаграм покажа што носеше за вечерта. Таа избра винтиџ златен фустан од Роберто Кавали од 2006 година, кој ја следеше линијата на телото и имаше долга перка.

Шаламе прошета сам по црвениот тепих, облечен во црно одело со вратоврска. Подоцна двојката беше фотографирана заедно во внатрешноста на местото каде што се одржуваа доделувањата.

Пред да пристигнат на настанот, двајцата објавија фотографии на социјалните мрежи. Кајли го покажа фустанот и чевлите, додека Шаламе сподели фотографија од автомобилот со натпис „Ноќно излегување!“. Иако пристигнаа заедно на доделувањето на наградите, тие не објавија заедничка фотографија.

Тревис Скот исто така беше на настанот

Раперот Тревис Скот, поранешен партнер на Кајли и татко на нејзините деца, осумгодишната Сторми и четиригодишната Ејр, исто така се појави на истото доделување на наградите. Сè уште не е познато дали Кајли и Тревис се запознале во текот на вечерта.

Кајли и Тревис беа во повремена врска од 2017 до 2022 година. Неколку месеци по нивното конечно раскинување, Кајли започна врска со Шаламе, а тие се заедно од април 2023 година.

Тие јавно ја потврдија својата врска кон крајот на 2023 година, додека првпат се појавија заедно на црвениот тепих во мај 2025 година на доделувањето на италијанските филмски награди „Давид ди Донатело“.

Шаламе јавно ја искажа својата љубов кон неа

Во последните месеци, двојката сè почесто оди заедно на јавни настани. Во јануари оваа година, Шаламе јавно ѝ се заблагодари на Кајли на доделувањето на наградите „Критичарс Чојз“, за време на неговиот говор по освојувањето на наградата за најдобар актер за филмот „Марти Суприм“.

„Сакам да му се заблагодарам на мојот партнер, со кого сум три години. Ви благодарам за сè што изградивме заедно. Ве сакам. Не можев да го постигнам ова без вас. Ви благодарам од дното на моето срце“, рече актерот, а Кајли му испрати бакнеж од публиката.

Доделувањето на наградите „Гувернерс“ се одржа на 15 ноември во Холивуд. Меѓу почесните добитници на Оскар оваа година беа актерката Глен Клоуз, режисерот Ридли Скот и аниматорот Флојд Норман.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер