Сакала да ја прекине бременоста во Хрватска, тоа го добила дури во Словенија - Канал 5

Живот

Сакала да ја прекине бременоста во Хрватска, тоа го добила дури во Словенија

Исцрпувачко и болно искуство на една Хрватка која се обидела да ја прекине бременоста поради тешки срцеви малформации на фетусот.

Сакала да ја прекине бременоста во Хрватска, тоа го добила дури во Словенија

Сериозни срцеви мани

Наместо јасни упатства и поддршка, ова хрватско семејство кое своето искуство го опишува на Редит, вели дека наишло на хаотичен и безчувствителен систем, па процедурата ја направиле во Словенија, за висока емоционална и финансиска цена.

Бременоста била нормална до 18-тата недела, велат тие. Првите знаци за проблем се појавиле по таканареченото скенирање за аномалии, детален ултразвук во приватната клиника Медикларус. Гинекологот д-р Кулаш, кого родителите го фалат за неговата професионалност, ги упатил на повторен преглед поради сомневања за абнормалности во развој на срцето. Вториот преглед ги потврдил сомневањата и бил препорачан понатамошен третман во болница.

На преглед во КБ Меркур на 13. јуни, бил потврден сомнежот за сериозни срцеви мани. Терминот за фетален ехокардиограм во јавното здравство бил понуден дури за август или септември, што било неприфатливо за родителите со оглед на сериозноста на наодите. Преглед бил извршен во приватната клиника Харни, но детскиот кардиолог не можел да даде дијагноза бидејќи прегледот го извршил гинеколог - што дополнително ја забавило процедурата, тврдат родителите.

Чекање, одложувања, бирократија и прашања со потсмев

Спасот, како што велат, го нашле во Виноградската болница, каде што детскиот кардиолог д-р Сузана Битанга ги примила веќе следниот ден и поставила сериозна дијагноза: четири тешки срцеви мани - хипоплазија на десната комора, транспозиција на големите артерии, широк вентрикуларен септален дефект и хипоплазија на аортата. Шансите за преживување на детето биле мали, и животот би бил обележан со бројни операции и компликации, велат тие.

Тие поднеле барање за прекин на бременоста во Петрова болница во Загреб. Следело долго мачење со бирократијата: дополнителни прегледи, нејасни информации, одложувања, па дури и потсмевачки изјави како онаа на еден лекар, кој, според родителите, им рекол: „Ги знаеме вашите желби“, инсинуирајќи, како што тврдат, дека не тие не сакале детето да се роди живо и здраво.

Во исто време, тие се обиделе со „план Б“ во клиничката загребска болница „Св. Дух“, но таму биле одбиени за преглед бидејќи немале упат, иако претходно добиле различни упатства по е-пошта. Неколкудневната комуникација, чекањето и недоразбирањата дополнително ги исцрпиле.

Решение побарале во Словенија

Во моментот кога детскиот кардиолог од клиничката болница „Ребро“ ги потврдил наодите и изјавил дека „дефектите се операбилни“ и им рекол да „дојдат повторно за пет или шест недели ако дотогаш не го решат проблемот“, родителите сфатиле дека нема да добијат решение на време во хрватскиот систем.

Тие ја контактирале Универзитетската болница Љубљана. Истиот ден им бил закажан преглед за ултразвук кај двајца независни лекари, што е услов за поднесување барање за прекин на бременоста во Словенија. Таму бил откриен дополнителен, петти проблем - перикардијален излив, кој може да биде фатален за детето додека е сè уште во утробата. Веднаш ја започнале постапката - преглед, комисија, генетско советување, а на 8. јули комисијата го одобрила прекинувањето на бременоста.

Самата постапка вклучуваше фетицид - инјектирање калиум хлорид во срцето на фетусот, што не се практикува во Хрватска. Следниот ден бил индуциран пораѓајот и мајката родила мртвородено бебе, кое било завиткано и предадено на родителите за да можат да го видат, да го држат и да се збогуваат. Болницата им понудила можност да се земат отпечатоци од стапалата на бебето, а бебето било кремирано во посебен дел од гробиштата во Љубљана наменет за починати новороденчиња, велат тие.

Постапката во Словенија ги чинела речиси 6 илјади евра

Родителите особено го фалат пристапот на персоналот во Љубљана - од преведувачи, до медицински сестри, акушерки и лекари - кои покажале емпатија, трпение и разбирање во текот на целиот процес.

Целата постапка во Словенија ги чинела 5976 евра. Тие самите го поставиле клучното прашање: „Колку жени и семејства биле или ќе бидат во слична ситуација, а не се финансиски способни да одат во Словенија?“

„Фетицид сè уште не се врши во Хрватска, што значи дека прекинувањето на бременоста по 22-та недела е речиси невозможно, освен ако животот на мајката не е директно загрозен. Го споделуваме ова искуство за да им помогнеме на другите кои може да се најдат во слична ситуација и да поттикнеме промени во системот“, напишале родителите на Reddit.

Извор: Индекс.хр

Тагови: словенија Хрватска абортус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

На сцената на НУЦК „Трајко Прокопиев“ – Куманово вчеравечер одекна силен и долг аплауз за екипата на НУ Народен театар Битола, која со својата изведба повторно ја воодушеви и ја насмеа до солзи публиката која ја исполни салата до последното столче.

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

„Секстет“ и овојпат покажа дека добрата комедија не познава граници – се игра, се чувствува и се споделува со публиката.

„Од срце му благодариме на организаторот на фестивалот „Денови на комедијата“ за поканата, прекрасното добредојде и гостопримството. До следната средба – со уште многу смеа, аплаузи и театарски моменти“, истакнуваат од Битолскиот театар.

Претставата „Секстет“ секогаш го полни гледалиштето до последното место, комедијата од Марк Камолети, во режија на Марјан Георгиевски, па така и овојпат салата беше исполнета со публика која ги награди актерите на Битолскиот театар со долготрајни аплаузи.

Недоразбирања, тајни, љубовни заплети и урнебесни пресврти секогаш ја тераат публиката да се смее од почеток до крај.

Зошто комедија? Затоа што премногу долго сме сериозни.

Живееме во време на прегласни информации и постојани кризи.

Научивме како да бидеме загрижени, заборавивме да се смееме. Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски.

Костимографијата е на Андреј Георгиевски, сценографијата на Влатко Чачоровски, музика -Александар Димовски.

29.издание на Фестивалот оваа година се одржува од 23 септември до 5 октомври. Во текот на фестивалските денови, публиката има можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведба на театрите од Македонија и земјите од регионот. Фестивалот ќе биде затворен со претстава надвор од конкуренција, посветена на годинашниот лауреат Игор Џамбазов. Фестивалот е поддржан од Министерството за култура и туризам и од Општина Куманово.

Тагови: Денови на комедијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанев на Меморијалниот турнир „Загинати бранители 2001–2015“: Македонија ги памети своите херои, нивната жртва е наша трајна обврска

Директорот на Бирото за јавна безбедност Александар Јанев денеска се обрати на Централниот меморијален турнир во мал фудбал во чест на загинатите бранители 2001–2015, кој се одржува во спортскиот центар „Борис Трајковски“. 

Јанев на Меморијалниот турнир „Загинати бранители 2001–2015“: Македонија ги памети своите херои, нивната жртва е наша трајна обврска

На настанот се обрати и министерот за одбрана Владо Мисајловски, кој го отвори Меморијалниот турнир.

Пред членовите на семејствата на загинатите бранители, претставниците на Здружението „Херои на Македонија 2001–2015“, колегите и натпреварувачите, директорот Јанев истакна дека турнирот веќе 24 години ја чува жива меморијата за оние кои ги положија своите животи за Македонија, нејзиниот мир и безбедноста на граѓаните.

„Денес не сме тука само поради традицијата. Тука сме затоа што имаме обврска да паметиме. Да ги паметиме нашите колеги, пријатели, браќа, сопрузи, татковци и синови кои ја носеа униформата со чест и кои, извршувајќи ја својата должност, ја дадоа најголемата жртва што човек може да ја даде. Нивните имиња не се само дел од историјата на нашите безбедносни сили. Тие се дел од историјата на Македонија“, истакна Јанев.

Тој нагласи дека обврска на денешните генерации е споменот за загинатите бранители да се пренесува и на генерациите што доаѓаат, потсетувајќи дека слободата, мирот и безбедноста не треба да се земаат здраво за готово. Посебна почит им оддаде на семејствата на загинатите, нагласувајќи дека институциите имаат обврска да покажат дека жртвата на нивните најблиски никогаш нема да биде заборавена.

Министерот за одбрана Владо Мисајловски истакна дека мора да се чува споменот за оние кои го дале својот живот за татковината и да се пренесе на следните генерации.

„Она што треба да го направиме е да се сплотиме и да покажеме дека хероите не се забораваат. Се заблагодарувам на секој еден припадник на Армијата, сите што ја носат униформата кои секојдневно работат за нашата држава. Министерството за одбрана ќе биде секогаш тука да помогне и достојно да покаже почит кон хероите“, истакна министерот Мисајловски.

На крајот, директорот Јанев изрази благодарност до Здружението „Херои на Македонија 2001–2015“, Министерството за внатрешни работи и сите кои веќе 24 години ја одржуваат оваа традиција, порачувајќи дека хероите живеат сè додека ги паметиме и дека им должиме да ги паметиме со гордост, достоинство и благодарност.

Тагови: Александар Јанев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Брисел позитивно ги оцени реформите, земјата доби 140 милиони евра од Планот за раст

ВЛЕН ја поздравува позитивната оценка на претседателката на Европската комисија, Урсула фон дер Лајен, за напредокот во спроведувањето на Планот за раст.

ВЛЕН: Брисел позитивно ги оцени реформите, земјата доби 140 милиони евра од Планот за раст

За време на посетата во Скопје, таа го оцени постигнатиот напредок како импресивен и најави нови исплати во наредните недели. Северна Македонија досега доби 140 милиони евра од овој план.

Овие средства се резултат на сериозната работа и посветеноста на институциите во исполнувањето на преземените обврски.

Министерството за европски прашања, предводено од првиот вицепремиер Беким Сали, го координира спроведувањето на Реформската агенда и го следи исполнувањето на обврските на институции.

За нас, оваа оценка е дополнителен поттик да продолжиме со работата и навреме да ги исполниме следните обврски.

Ги поздравуваме заложбите на Брисел за деблокирање на европскиот пат на земјата и очекуваме да се надминат пречките за земјата да напредува во преговорите со Европската Унија.

ВЛЕН

Тагови: ВЛЕН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер