Сакала да ја обнови возачката, ѝ кажале дека е мртва- животот на Никол ѝ се превртел - Канал 5

Живот

Сакала да ја обнови возачката, ѝ кажале дека е мртва- животот на Никол ѝ се превртел

Никол Паулино, мајка на три деца од Гајтерсбург, Мериленд, во ноември се обидела да ја обнови возачката дозвола, но наместо на едноставен процес, наишла на бројни проблеми.

Сакала да ја обнови возачката, ѝ кажале дека е мртва- животот на Никол ѝ се превртел

Системот на Одделот за моторни возила во Мериленд соопштил дека Никол е мртва. Ова откритие ја шокирало, објави Пипл.

"Тогаш се чинеше како да сум починала. Бев малку исплашена, нема да лажам и бев изненадена, бидејќи сум жива. Тука сум", изјавила Никол.

Иако многумина би помислиле дека би било прилично едноставно да се сменат податоците, бидејќи Никол била таму, докажувањето дека е сè уште жива било кошмар. Тие ѝ рекле дека не може да ја продолжи возачката дозвола поради „статусот на починат“ и дека нејзе и на нејзините три деца ѝ е откажано здравственото осигурување.

Како резултат на тоа, медицинските сметки се натрупале, а Никол дури и останала без инхалаторот што ѝ бил потребен за нејзината астма.

„Ова навистина, навистина ми го уништи животот. Многу ме погоди“, признала таа.

Кога нејзината приказна станала вирална откако била пренесена од „News 4“, Никол почнала да добива некои одговори. Медиумската куќа контактирала со многу владини агенции во Мериленд за да открие како настанала грешката. На крајот дознале дека сето тоа е поради грешка при печатење.

Излегува дека погребалното се обидело да пријави нечија смрт, но тие погрешиле една цифра во социјалниот број. Збунувачки ѝ го испратиле бројот на Никол, поради што во записите се гледа како „покојна“.

„News4“ откри дека во САД секојдневно се случуваат 10.000 вакви случаи, а помалку од една третина од нив се коригирани.

"Ова се случува речиси секој ден. Последиците се најлоши можни за вашиот кредитен извештај", рекол адвокатот Џозеф МекКлеланд.

Никол оттогаш ги средила работите, иако верува дека тоа немало да се случи доколку не ја раскажала својата приказна за весникот.

"Се обидов да го решам сама и не постигнав ништо. Да не беше NBC News да ми понуди помош, никогаш немаше да го решам овој проблем. Целото фијаско се одрази на моето физичко и ментално здравје", заклучила Никол.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер