Саит Саитов уапсен во Белград откако прегази жена во Скопје и избега - одреден му е екстрадициски притвор - Канал 5

Македонија

Саит Саитов уапсен во Белград откако прегази жена во Скопје и избега - одреден му е екстрадициски притвор

По еден месец бегство, вчера во Белград е уапсен осумнаесетгодишниот Саит Саитов, кој на 9-ти јануари ја усмрти 75-годишна жена во скопски Капиштец, а по него беше распишана меѓународна потерница.

Саит Саитов уапсен во Белград откако прегази жена во Скопје и избега - одреден му е екстрадициски притвор

18-годишниот Саит Ситов на почетокот на минатиот месец на улицата „Народен Фронт“ ја прегази Љуба Јаковлеска. Подоцна таа им подлегна на повредите, а тој избега од државата

Како што информираат од МВР, во текот на вчерашниот ден добиле известување од надлежните служби од Србија дека Саитов бил лишен од слобода во српската престолнина.

Оттаму додаваат дека на Саитов му е одреден екстрадициски притвор и дека следува постапка помеѓу Министерствата за правда на двете држави за негова екстрадиција во Македонија, каде што треба да биде изведен пред надлежните правосудни органи.

Од Министерството за правда од земјава велат дека само се чекаат списите за екстрадиција од обвинителството, по што ќе побараат негова испорака во Македонија.

-Известено е Јавното Обвинителство на Република Македонија да подготват и достават списи за екстрадиција на лицето. Откако ќе ги добиеме списите од обвинителството, Министерството за правда ќе изготви барање за екстрадиција кое ќе биде пратено во Република Србија, велат од ресорното министерство,- Министерство за правда.

Инаку, по несреќата, Саитов, заедно со неговиот татко, наместо да помогнат на оштетената, се дале во бегство. Тој сега се товари за тешки дела против безбедноста и за неукажување помош. За случајот, обвинети се уште две лица, маж и жена, кои ги изнеле од државава. Двајцата соизвршители се товарат за кривичното дело помагање на сторител по извршено кривично дело, казниво според член 365 од Кривичниот законик, иако нивниот адвокат, Звонко Давидовиќ вели дека тие воопшто не знаеле дека Саитов е сторител на тешко кривично дело со смртни последици.

- Помагачите на Саитов не знаеле дека е бегалец, оделе во Србија да купат лекови за нивното дете, изјави, Звонко Давидовиќ – адвокат

Инаку, во моментот на несреќата, 18-годишникот возел непрописно и без важечка возачка дозвола. Додека го возел „пасатот“ на неговиот татко по улицата „Народен фронт“ во Скопје, Саитов непрописно се поместил во лево, на коловозната лента наменета за сообраќај од спротивната лента и се движел со неприспособена брзина, по што удрил во 75-годишната Јаковлеска, која се движела пеш и која подоцна почина во болница.

YouTube video

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Шестгодишно девојче два пати го урна женскиот рекорд во склопување на Рубиковата коцка (ВИДЕО)

Шестгодишната Лиан Јунжи го сруши светскиот рекорд за решавање на Рубиковата коцка двапати за само три дена, објави Би-Би-Си. 

Шестгодишно девојче два пати го урна женскиот рекорд во склопување на Рубиковата коцка (ВИДЕО)

Новиот просек на рекорди на девојчето е 4,27 секунди.

Прва жена под 4,5 секунди

Лиан стана првата натпреварувачка со просечно време на спојување помало од 4,5 секунди. Тоа е просек од пет согласувања. На натпреварите во Вухан и Гуангжу, таа прво го постави рекордот со просек од 4,52 секунди, а потоа го подобри на 4,27 секунди.

Интензивни подготовки

Младата натпреварувачка од покраината Сечуан се подготвуваше ригорозно. Би-Би-Си наведува дека вежбала два до три часа секој ден и дека совладала повеќе од 1.300 алгоритми за пишување.

YouTube video

Актуелни носители на рекорди

Според податоците од официјалната Светска асоцијација за редење коцки (WCA), рекордот за индивидуално редење на Рубиковата коцка (3x3x3) го држи Полјакот Теодор Зајдер со време од 2,76 секунди. Најдоброто просечно време од 3,51 секунди го постави Јихенг Ванг.

Тагови: девојче Рубикова коцка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицскоски на чело на македонската делегација на Седницата на генералното собрание на ОН

Седница на генералното собрание на Обединетите нации.

Мицскоски на чело на македонската делегација на Седницата на генералното собрание на ОН

Место каде што се среќаваат светските лидери и се отвораат важни прашања за мирот, безбедноста, развојот и иднината на меѓународната соработка, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Си Џинпинг повлече неверојатен потег пред посетата на Белата куќа: Сака да му покаже сила на Трамп

Кина исклучи двајца високи воени генерали од Комунистичката партија поради „сериозни прекршувања на дисциплината и законот“ пред клучните разговори со Доналд Трамп.

Си Џинпинг повлече неверојатен потег пред посетата на Белата куќа: Сака да му покаже сила на Трамп

Џанг Јуксуе и Лиу Женли беа исклучени од Комунистичката партија на Кина откако беа обвинети за нелојалност, корупција, занемарување на должноста и други сериозни дисциплински прекршоци.

За Џанг се тврди дека им проследувал класифицирани информации за нуклеарното оружје на Кина на САД. Некогаш се сметал за најблизок воен сојузник на Си Џинпинг. Тој беше првиот од двајцата потпретседатели на Централната воена комисија (ЦВО).

Лиу беше подреден на Џанг и началник на Заедничкиот штаб на Централната воена комисија.

Истрагите за двајцата генерали беа започнати во јануари, но нивното формално исклучување од Партијата беше потврдено од Политбирото во понеделник. Обвиненијата против нив ќе бидат доставени до воените обвинители.

Двајцата генерали „ги преминале црвените линии и основните граници“ и биле „нелојални и нечесни кон Партијата“, соопшти државната новинска агенција Синхуа, повикувајќи се на официјални документи.

Двајцата, исто така, „ги користеле своите позиции за да им помогнат на другите со прашања како што се унапредувањата“, се вели во извештајот.

Д-р Сари Архо Хаврен, аналитичар за Кина во британскиот Кралски институт за обединети служби (RUSI), рече дека протерувањата на двајцата генерали биле наменети за да се прикаже кинескиот претседател како што е можно посилен.

„Внатрешно, протерувањата на г-дин Џанг и г-дин Ли покажуваат дека Си сака апсолутна дисциплина, без нерешени фракциски конфликти и без двосмисленост околу тоа кој ја контролира војската пред да отпатува во Вашингтон“, изјави д-р Хаврен за „Телеграф“.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер