Саем на книга од 18 до 24 април - фелоушип програма, програми за деца и над 30 промоции - Канал 5

Култура

Саем на книга од 18 до 24 април - фелоушип програма, програми за деца и над 30 промоции

 Со повеќе од 30 промотивни настани, од 18 до 24 април во арената „Борис Трајковски“ во Скопје ќе се одржи 36. издание на Саемот на книга. 

Саем на книга од 18 до 24 април - фелоушип програма, програми за деца и над 30 промоции

Слоганот е „Приказна се чита“, чија што цел е да го доближи саемот до помладата популација, а покрај едукативно-културниот аспект, годинава се воведува и општествено одговорна компонента.

Даниела Глигоровска, управител на Скопски Саем на денешниот брифинг со новинарите, најави дека саемот ќе биде отворен за посетители во 10 часот, а во 13 часот ќе биде официјалното отворање, при што обраќање ќе има министерката за култура, со оглед на тоа што Министерството за култура е покровител, а Саемот на книга е прогласен за проект од национален интерес во културата.

-Седум дена ќе бидат отворени вратите за читателите на годинашниот Саемна книга. Како еден од новите изложувачи кој што е најавен и ќе биде присутен е Гете Институтот и амбасадорката на Република Сојузна Германија, која исто така ќе присуствува на официјалниот дел на отворањето. Програмата е богата, рече Глигоровска.

Оваа година, како што рече, Саемот на книга има и општествено одговорна компонента. Со секоја купена редовна влезница ќе се донираат 15 денари за СОС детско село. Исто така, по повод 23 април - Светскиот ден на книгата, во СОС детско село и ДУЦОР „Партенија Зографски“ од Скопје - средно училиште за ученици со оштетен слух ќе бидат донирани по 100 книги и бесплатни годишни претплати од Boksy - изложувач на саемот, за година онлајн читање на книги.

- Се обидуваме фокусот на младите, кој што е ориентиран на социјалните мрежи, да го насочиме кон вистинското читање и на тој начин да го доближиме Саемот на книга до помладата популација. Затоа, овој слоган претставува еден вид спојување на социјалните медиуми и фокусот кон вистинското читање и вистинските книги, додаде Глигоровска.

Претседателот на Македонска Асоцијација на издавачи (МАИ), Бојан Саздов на денешниот брифинг информираше дека годинава во рамки на Саемот на книга е додадена и професионална програма, Фелоушип програма, по примерот на сите поголеми светски саеми.

-Идејата беше Саемот да добие една поинаква димензија и преку отворен конкурс, кој беше проследен до сите регионални и европски издавачи и асоциации, да бидат поканети професионалци од областа, кои ќе дојдат во нашата држава и ќе се запознаат со современите текови во нашата книжевност, со нашето издаваштво, да се вмрежат подобро, да се запознаат со издавачите, со цел и со намера да имаме и подобар пласман на нашата книжевност во странство, рече Саздов.

Оваа година, како што најави, ќе дојдат пет гости - книжевен агент од Франција, но и претставници од Словенија, Грција, БиХ и од Црна Гора.

-Сите гости ќе пристигнат на 17 април, а ќе бидат тука до 20 април. Централниот настан ќе биде на Саемот, при што ќе има една панел дискусија на тема, на која што ќе бидат поканети и овие гости. Се надеваме Саемот да добие и професионална димензија во иднина, рече Саздов.

Годинава се воведува и нов концепт на поставка на штандовите, за подобра видливост на сите изложувачи и издавачи, а помалите издавачи во однос на квадратурата ќе бидат визуелно подостапни до публиката.

-И оваа година имаме богата програма на настани, промоции и дружби со автори кои ќе се случуваат во промотивниот центар како главна бина, во текот на шест саемски денови. Последниот ден нема да има промоции. Ќе се случат околу 30 настани, меѓу кои и доделување на наградите од Асоцијацијата на издавачи и секако фелоушип програмата, рече оперативниот директор на Саемот на книга Сања Кондарко.

Таа напомена дека во рамки на програмата, фокусот нема да биде ставен само на продажба на книгите, туку и на доближување на авторите, дружба, интеракција со читателите.

- Годинава фокусот ќе биде на детската програма. Ќе има посебен дел детска програма, со маскоти, што ќе се одржува во викенд деновите на Саемот. Учениците и оваа година ги очекуваме во голем број, додаде Кондарко.

Работното време на Саемот на книга ќе биде од 10 до 20 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новата Мазда CX-5 освои највисоки оценки за безбедност на светско ниво (ВИДЕО)

Новата генерација Mazda CX-5 постигна исклучителен успех на независни тестови за безбедност низ целиот свет.

Новата Мазда CX-5 освои највисоки оценки за безбедност на светско ниво (ВИДЕО)

Американскиот институт за безбедност на автопатиштата (IIHS) му ја додели престижната награда 2026 TOP SAFETY PICK+, највисокото можно признание на организацијата. На ова му претходат максималните петѕвездени оценки доделени на моделот од Euro NCAP во Европа и ANCAP во Австралија и Нов Зеланд.

Новата Mazda CX-5 неодамна е достапна за нашите клиенти. Достапна е за малку повеќе од 34.000 евра, а покрај јапонското производство, голема предност е безбедноста што ја носи.

Одлични резултати на европските тестови

На европските тестови, Euro NCAP ја оцени заштитата на возрасните патници со 90 проценти, заштитата на децата со 89 проценти, заштитата на ранливите учесници во сообраќајот со 93 проценти и системите за помош при безбедност со 83 проценти.

Кабината на возачот покажа висока стабилност на тестовите за фронтален судир, со добра заштита на колената и бутната коска за возачот и совозачот на предниот дел. Страничната заштита беше оценета со максимален број поени, додека седиштата и потпирачите за глава покажаа одлична заштита од повреди на вратот при удар одзади.

YouTube video

Напредна заштита за деца и пешаци

Во однос на заштитата на децата, CX-5 постигна максимални поени на тестовите со кукли кои симулираат деца на возраст од 6 и 10 години. Возилото автоматски го деактивира воздушното перниче за совозачот кога ќе детектира детско седиште, а е опремено и со систем за предупредување во случај дете да остане зад себе во автомобилот.

Системот за автономно итно сопирање (AEB) се покажа како исклучително ефикасен во заштитата на пешаците, велосипедистите и мотоциклистите, вклучително и ситуации како што е отворање врата на патеката на велосипедистот. Возилото е опремено стандардно со систем за следење на будноста на возачот, систем за одржување на лента и напреден систем eCall кој автоматски ги повикува службите за итни случаи во случај на несреќа.

Тагови: Мазда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

По истрага е Полјакот кој запали олтар и вандализира црква во Меѓугорје (ВИДЕО)

Државниот обвинител на Босна и Херцеговина денеска започна со испрашување на 31-годишен полски државјанин и најверојатно ќе побара притвор за него, бидејќи е осомничен за неколку инциденти во светски познатото место за поклонение Меѓугорје.

По истрага е Полјакот кој запали олтар и вандализира црква во Меѓугорје (ВИДЕО)

Полјакот роден во Варшава е осомничен за осквернување на главната статуа на Богородица на Подбрѓе и уште една помала статуа со црна боја претходно оваа недела, запалување на надворешниот олтар на црквата Свети Јаков и пишување навредливи пораки на полски и англиски јазик насочени против Меѓугорје, Богородица и светители.

Обвинителството на БиХ моментално го товари за оштетување или уривање верски објекти, за што е предвидена затворска казна од три месеци до пет години.

По испрашувањето, се очекува обвинителот на Обвинителството на Босна и Херцеговина да испрати предлог до Судот на Босна и Херцеговина за одредување притвор, изјавил извор од таа институција за Хина.

Неговата животна приказна прикажана во филм

Бројни медиуми во Полска, Хрватска и Босна и Херцеговина го објавија идентитетот на човекот, тврдејќи дека претходно бил познат на јавноста бидејќи неговата животна приказна била прикажана во играно-документарниот религиозен филм „Поволани 2“ во режија на Јан Собиерајски.

Во филмот, тој зборувал за своето тешко детство, насилството, зависностите и животната криза, како и за неговото поклонение во Меѓугорје, кое го претставил како пресвртница и почеток на неговото преобраќање.

Според полскиот католички портал Stacja7.pl, режисерот Јан Собиерајски го објавил случајот на социјалните мрежи. Тој изјавил дека лично се сретнал со 31-годишникот, чиј идентитет властите на БиХ сè уште не го објавиле, за време на снимањето на филмот, и дека подоцна се соочил со сериозни психолошки тешкотии и нови животни кризи.

Собиерајски исто така изјави дека неодамна разговарал со него неколку пати по телефон, но за жал тој не сакал да прифати помош.

Тагови: Полјак

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Бугарскиот принц Мирко од Панаѓуриште ќе се жени со девојка, која ја запознал на специјализација во Мадрид (ФОТО)

Бугарскиот принц Мирко од Панаѓуриште ја објави својата свршувачка со докторката Марта Ембид. 

Бугарскиот принц Мирко од Панаѓуриште ќе се жени со девојка, која ја запознал на специјализација во Мадрид (ФОТО)

Двојката се запознала во Мадрид, каде што двајцата биле медицински специјализанти. Планираат свадба следното лето во шпанската престолнина, пишува „Hello!“.

Принц хирург

Принцот Мирко е најстариот син на бугарскиот принц Кубрат и внук на Симеон II, последниот бугарски цар. Роден е во Мадрид и, за разлика од многу млади европски благородници, решил да изгради кариера во медицината. Студирал на Универзитетот во Навара, а специјализацијата по општа и дигестивна хирургија ја завршил во болницата „Клинико Сан Карлос“ во Мадрид.

Ги споила медицината

Токму во болницата „Клинико Сан Карлос“ ја запознал Марта Ембид, која таму се специјализирала за анестезиологија и реанимација. Нивната врска започнала во 2023 година.

Изборот на професија на Мирко ја продолжува семејната традиција бидејќи неговиот татко, принцот Кубрат, е исто така почитуван хирург кој работи во Шпанија со децении. Мирко претходно рече дека неговиот татко бил еден од неговите најголеми модели на углед и нагласи како го научил на вредноста на напорната работа и важноста на семејството и пријателите.

Мадрид ја одбележа нивната приказна

Мадрид има посебно место во нивната приказна. И двајцата се родени, образовани и започнале врска таму. Едно од првите јавни појавувања заедно беше во април 2024 година на свадбата на градоначалникот на Мадрид, Хозе Луис Мартинез-Алмеида, и Тереза ​​Уркихо.

На церемонијата присуствуваа и родителите на Мирко, принцот Кубрат и Карла Ројо-Виланова, како и членови на шпанското кралско семејство - поранешниот крал Хуан Карлос, кралицата Софија и инфантата Елена и Кристина. Тие ќе се венчаат во Мадрид следното лето.

Модерна бугарска династија

Принцот Мирко е внук на Симеон II, последниот бугарски цар, кој владеел пред укинувањето на монархијата во 1946 година. По децении поминати во егзил, Симеон II. Тој се врати во Бугарија и беше премиер од 2001 до 2005 година.

Иако семејството повеќе не е на власт, сè уште одржува блиски врски со европските кралски куќи, а многу од неговите членови живеат во Шпанија. Мирко и Марта не се сретнале на кралскиот двор или на свечен прием, туку во болницата, каде што ги обединувала заедничка професија. Токму во градот каде што започнала нивната приказна, тие ќе го кажат судбоносното „да“ следното лето.

Тагови: Мадрид принц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер