САД во ОН: Употребата на руската ракета „Орешник“ во Украина е опасна и необјаснива ескалација - Канал 5

Свет

САД во ОН: Употребата на руската ракета „Орешник“ во Украина е опасна и необјаснива ескалација

САД пред Советот за безбедност на ОН го осудија руското користење на балистичката ракета од последната генерација „Орешник“ во Украина, карактеризирајќи го потегот како „опасна и необјаснива ескалација“.

САД во ОН: Употребата на руската ракета „Орешник“ во Украина е опасна и необјаснива ескалација

„Благодарение на лидерството на претседателот (Доналд) Трамп, поблиску сме до договор од кога било од почетокот на војната. И покрај тоа, Русија презеде нови напади врз Украина, вклучително и лансирање на балистичка ракета способна да носи нуклеарно полнење, која погоди област во Украина близу границата со Полска и НАТО“, изјави заменик-претставничката на САД во ОН, Тами Брус. Таа додаде дека додека Вашингтон работи со Киев и Москва за прекин на војната преку договор, ваквите дејствија на Русија ја исмеваат каузата за мир.

Британскиот амбасадор Џејмс Кариуки предупреди дека ударот близу полската граница претставува сериозен ризик за регионалната безбедност и грешки во проценката.

Руското Министерство за одбрана претходно потврди дека цел на нападот бил авијациска фабрика во Лавов.

Масовните руски бомбардирања во петокот предизвикаа колапс на енергетскиот систем во Киев, оставајќи речиси 6.000 згради без греење на температури меѓу -7 и -15 степени, поради што градските власти апелираа до жителите привремено да го напуштат градот.

Тагови: Советот за безбедност

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Американските авиони-танкери се повлекоа од Бугарија

Два американски авиони-цистерни ја напуштиле бугарската воздухопловна база Безмер, речиси еден месец откако нивното распоредување во Бугарија предизвика остри реакции од Иран.

Американските авиони-танкери се повлекоа од Бугарија

Информацијата ја потврдил бугарскиот министер за одбрана Атанас Стојанов. Американските авиони биле привремено распоредени во Бугарија на барање на САД, врз основа на договорот со кој се регулира заедничкото користење на воените објекти.

Распоредувањето на авионите предизвика реакција од Техеран. Иран тогаш предупреди дека нивното присуство во Бугарија би можело да претставува учество во, како што го нарече, „агресија и воени злосторства“. По информациите дека Иран разгледувал можни напади врз американски воени цели во југоисточна Европа, Бугарија ги засили безбедносните мерки во базата Безмер.

Тагови: Бугарија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилник газеше луѓе со кола по ливада во Херцеговина, тројца се повредени (ВИДЕО)

Тежок инцидент се случи вчера кај градот Билеќа во Босна и Херцеговина, каде по настан со коњички трки, насилник со автомобил бркаше луѓе на отворен простор и успеа да прегази тројца, кои се во болница.

Насилник газеше луѓе со кола по ливада во Херцеговина, тројца се повредени (ВИДЕО)

Снимка од шокантниот настан се појави на социјалните мрежи, а според локалните меидуми, полицијата трага по Жељко Вујовиќ, осомничен за обид за тешко убиство, како и по едно лице што побегнало со него. Во меѓувреме уапсени се маж и жена за кои се верува дека му помогнале на сторителот по извешувањето на кривичното дело.

Во инцидентот на коњските трки биле повредени три лица. 32 годишен маж бил примен на интензивна нега со повреди на рамото и потколеницата, додека другите двајца имале полесни повреди.

Тагови: Босна и Херцеговина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Трамп повторно објави мапа: „Нова територија на САД“

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер