САД тврдат дека се блиску до решение за војната во Украина - Канал 5

Свет

САД тврдат дека се блиску до решение за војната во Украина

Поблиску сме од кога било до решение за војната во Украина, рече американскиот претседател Доналд Трамп, по според многумина клучните разговори што два дена се одржуваа во Берлин, каде на иста маса седнаа САД, Европа и Украина. 

САД тврдат дека се блиску до решение за војната во Украина

Без да наведе детали, Трамп рече дека се работи на безбедносни гаранции, а индиректно сугерираше и дека Киев сепак ќе мора да се соочи со територијални отстапки.

-Тие (Украина) веќе изгубија територија, да бидам искрен, територијата е изгубена. Во однос на безбедносните гаранции ќе работиме со Европа, Европа би имала голем удел во тоа. Работиме на безбедносни гаранции за да не почне војната повторно. Имавме бројни разговори со рускиот претсеател Путин. Мислам дека сме поблиску од кога и да е и ќе видиме што можеме да направиме. , изјави Доналд Трамп, претседател на САД.

Многу поконкретен беше полскиот премиер Доналд Туск, кој откри дека во Берлин, освен формирање на мултинационални сили во Украина предводени од европските земји, САД се понудиле да ја гарантираат безбедноста по урнекот на членот 5 од повелбата на НАТО, што би значело воен одговор кон Москва во случај Русија повторно да ја нападне Украина по постигнувањето примирје.

-Прв пат слушнав од устата на американски преговарач, конкретно од Виткоф кој беше недвосмислен. САД ќе се вклучат во гарантирањето на безбедноста на Украина на таков начин што Русија нема да има сомнежи дека американскиот одговор ќе биде воен, ако Русите повторно ја нападнат Украина. , изјави Доналд Туск, претседател на Полска.

По оптимистичките тонови од Брисел и од Вашингтон и предлогот за прекин на огнот на Божиќ, студен туш од Москва. Не сакаме примирје, туку мир порача Кремљ додека украинскиот претседател Зеленски од говорницата во Советот на Европа во Хаг уверуваше дека каков и да е договор не смее да биде награда за агресорот.

-Не е доволно Русија само да се принуди на договор. Не е доволно да се спречи убивањето. Мора да ја натераме Русија да прифати дека во светот постојат правила и дека не може да ги измами сите. Ова е патот кон траен мир. , изјави Володимир Зеленски, претседател на Украина.

-Ние сакаме мир. Не сакаме примирје за да ѝ дадеме пауза на Украина и да ја подготвиме за продолжување на војната. Сакаме да ја запреме оваа војна, да ги постигнеме нашите цели. , изјави Дмитриј Песков, портпарол на Кремљ.

Западните медиуми пишуваат дека територијалните прашања и натаму остануваат нерешени, вклучително и последниот предлог на Вашингтон за воспоставување слободна економска зона во Донбас на територијата што е под контрола на украинската војска. Предлогот предвудува украинската страна целосно да се повлече, а руската да не смее да навлезе на таа територија.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер