Македонија

САД со поддршката на Преспанскиот договор, остануваат фокусирани на регионот

Историскиот Преспански договор го отвори патот Северна Македонија да стане 30-та членка на Алијансата и да ја забрза нејзината европска интеграција. 

Историскиот Преспански договор го отвори патот Северна Македонија да стане 30-та членка на Алијансата и да ја забрза нејзината европска интеграција. Земјата сега е на вистинското место во Европа и во НАТО. Овој Договор, како што посочи поранешниот амбасадор на САД во земјава Филип Рикер, кој е иден американски помошник државен секретар за европски и евроазиски прашања, докажува дека длабоко вкоренети историски конфликти може да се надминат. Во оваа смисла, посочи, САД ќе продолжат да даваат поддршка на аспирациите на сите земји од Западен Балкан со цел тие да обезбедат членство во ЕУ.

– Тоа не е поради добрината на нашите срца, но бидејќи тоа е стратешки интерес на САД да има мир, просперитет и стабилност во Европа, истакна Рикер.

Тој вели дека сите треба да замислат каква може да изгледа иднината на Западен Балкан доколку лидерите во регионот градат врз моментумот на овој историски успех и да постигнат слични компромси и помирувања.

Рикер, кој во моментот ја извршува функцијата политички советник на командантот на Европската воена команда на Воените сили на САД, се осврна на клучните предизвици на западнобалканските држави и на американската поддршка во напорите на овие земји да станат дел од Европа.

Според него, Европа денес е центар на геополитички натпревар. Москва, посочи тој, во изминатите години се обидувала насилно да ги прецрта границите во источна Европа вршејќи притисок врз соседите, спроведувајќи кампања на дезинформации и мешање против Западот.

САД и Европа, рече, мора да работат заедно за да обезбедат Западот да остане најатрактивниот модел за модерни и слободни општества.

-Во земјите што го одбраа западниот пат ние ќе продолжиме да даваме поддршка за да ги забрзаме демократските реформи со цел да можеме да ги вклучиме кон нациите на западната заедница. Нашата надеж за вашата иднина е стабилен Балкан што е во линија со нашите заеднички вредности, целосно интегриран во западните институции и отпорен на дестабилизација и штетни влијанија однадвор, рече Рикер.

Политиката што САД ја спроведува на Балканот, а со тоа и во земјава, додаде тој, се поклопува со интересите и аспирациите на земјите за членство во ЕУ и НАТО./МИА

Здравје

Природен ботокс за кој инфлуенсерките тврдат дека „врши работа“!

Ако сакате да избегнете инјекции или други естетски корекции за да го подобрите изгледот на вашата кожа и да го затегнете лицето, пробајте го ова!

Убавото и затегнато лице како да сте во своите 20-ти години стана тренд во последните децении и нешто што се подразбира, па многу луѓе одлучуваат макар на кратко да се „спротивставуваат“ на стареењето и да ги „запрат“ годините така што се подложуваат на козметички корекции.

Доколку сте меѓу оние дами кои сепак преферираат природна нега и достојно ги носат своите години, имаме решение.

Имено, некои „инфлуенсерки“ на Тикток тврдат дека кората од банана прави чуда така што го затегнува нивното лице и му дава сјај. Шминкерката Кејти Џејн Хјуз од Њујорк, објави видео во кое го испробува овој тренд со цел да го покаже природниот ефект од кората на банана, а тоа наиде на одличен одѕив меѓу лицата што ја следат на Тикток, за ова пишуваше Дејли меил.

@katiejanehughes Banana skin facial #bananas #fyp #BananaSkin #ViralHack #Skincare #Natural #WhyNot #TryThis#funny #itworks ♬ original sound - Katiejanehughes

Таа во видеото наведува дека овој третман позитивно влијае на нејзиното лице. Со внатрешноста на кора од банана Кејти го масира лицето и остава да делува околу 10-тина минути, а потоа го мие. Кејти Џејн Хјуз изјавила дека ова е еден од најевтините производи кои можете да ги користите и дека по примената на овој третман, нејзиното лице буквално блеска, кожата ѝ е мека на допир, а порите значително се намалени. Исто така, вели дека попрво би користела кора од банана како третман наместо ботокс или хијалурон.

Официјалната потврда од дерматолозите засега нема, туку сè се сведува на лични искуства.

- Ова ме враќа во деновите кога сокот од лимон се користеше за осветлување на кожата.

- Ова го правам секое утро и ова ѝ годи на мојата кожа.

- Со тоа, исто така, може да ги премачкате и чевлите, ќе блескаат.

- Ова го пробав кога бев помлада и кај мене имаше лоша реакција - беа дел од коментарите.

Многу корисници потврдија дека тие лично или некој од нивното семејство го користеле овој третман, истакнувајќи дека бананата има слични ензими како папајата и може да ја измазни и затегне кожата. Една корисничка изјавила дека нејзината баба навечер користела јајце за лицето, а наутро банана или манго, нагласувајќи дека нејзината баба има одлично негувано лице.

Живот

Марија решила да пушти брада и станала позната низ цел свет, сопругот ја поддржува (ВИДЕО)

Марија да Консеисао (47) решила да ги остави предрасудите на страна.

Со текот на времето, таа станала популарна на социјалните мрежи, каде ги повикува луѓето да се прифатат себеси такви какви што се.

На Инстаграм е позната како „Барбудиња“ (брадеста), а претходно открива дека „не ги допирала влакната на лицето, затоа што пати од вишок тестостерон“, пренесува Лакале Блу радио.

„Тетка ми имаше брада, но ја избричи. Тоа е генетско кај нас. Кога мајка ми ги забележа првите влакна на моето лице, почна да ми ги бричи. Се плашеше од предрасуди, дека луѓето ќе ми се смеат“, изјавила Марија од Бразил.

Кога станала полнолетна, решила повеќе да не ја бричи брадата и конечно почнала да се „чуствува комплетна“.

Марија е во брак со Тињо Силва, а заедно се 17 години. Одлуката да пушти брада за малку ќе довела до развод, но на крајот тој ја прифатил нејзината одлука.

Покрај тоа, тој поттикнал да биде активна на социјалните мрежи. Неговата сопруга е многу активна на мрежите и се обидува да испрати силна порака до луѓето - сакајте се такви какви што сте.

Живот

По 12 дена љубов, сфатил дека невестата му е маж, но и тоа не е нејчудното (ВИДЕО)

Млад Индонезиец го доживеал својот животен шок откако дознал дека се оженил со маж, по што во паника повикал полиција.

Локалните медиуми ги објавија деталите за бизарната приказна која има вистински филмски пресврт, пренесува Oddity Central.

Сѐ започнало на интернет, каде А.К.(26) ја запознал Адина Канза Азахрај. По некое време, бил договорен состанок, а момчето признало дека веднаш се заљубил.

Не му пречело тоа што Адина го крие лицето, користејќи хиџаб или превез. Всушност, нејзината срамежливост уште повеќе го заинтригирала, па решил да ја запроси.

Адина прифатила, но рекла дека не сака свадба бидејќи „нејзината мајка починала“ и „не била во контакт“ со нејзиниот татко. Тврдела дека нема семејство да го покани на свадбата.

Парот се одлучил за дискретна церемонија одржана во нивното село и тогаш работите станале уште почудни.

Имено, Адина сепак не го симнала превезот, одбила да се дружи со семејството и пријателите, како и да го „конзумира бракот“.

Младиот човек им се пожалил на своите роднини, кои решиле да ја истражат историјата на жената, па токму тогаш почнала да се расплетува приказната. Го пронашле таткото, кој објаснил дека има син, а локалните медиуми ги објавиле само иницијалите Е. С. Х.

Штом слушнал дека се оженил со маж, А.К. повикал полиција.

„Е.С.Х.(26) признал дека барал пари од оштетениот. Секогаш кога барал, добивал. Нему ќе му биде поднесена кривична пријава и ќе се соочи со четири години затвор“, изјавил полициски извор.

Понатаму се наведува дека уапсениот по шминкањето имал „женски изглед“, што му овозможило да ги измами луѓето.

притисни ентер