Свет

САД: Сериозно го предупредуваме Иран- не преземајте акции против нас или Израел

Соединетите држави предупредија денеска во Советот за безбедност на ОН дека Иран не треба да ги напаѓа нив како и Израел.

Генералниот секретар на ОН Антонио Гутереш изјави дека „мора да заврши смртоносниот маѓепсан круг на насилство на Блискиот Исток“. „Времето истекува“, рече тој на состанокот на Советот за безбедност на ОН.

Советот за безбедност се состана откако Израел го уби лидерот на Хезболах и започна копнена офанзива во јужен Либан, на што Иран одговори со напад на Израел со балистички ракети. „Нашите дејствија имаат одбранбен карактер“, изјави американската амбасадорка во ОН, Линда Томас-Гринфилд, пренесе УС Њуз.

„Да бидам јасна: иранскиот режим ќе одговара за своите постапки. И силно го предупредуваме Иран и неговите сојузници да не преземаат акции против САД или да преземаат нови дејствија против Израел“, додаде таа.

Томас-Гринфилд рече дека Советот треба да го осуди нападот на Иран и да одговори на иранската Револуционерна гарда со „тешки последици“. „Ние имаме колективна одговорност, како членови на Советот за безбедност, да воведеме дополнителни санкции на Револуционерната гарда за поддршка на тероризмот и за игнорирање на толку многу резолуции на овој Совет“, посочи таа.

Гутереш рече дека остро го осудува нападот на Иран врз Израел. Шефот на израелската дипломатија претходно изјави дека му е забранет влезот во земјата бидејќи не го осудил иранскиот напад.

Во писмото до Советот за безбедност, Иран го оправда нападот врз Израел како самоодбрана според член 51 од Повелбата на ОН, наведувајќи ги „актите на агресија“ на Израел, вклучително и кршење на иранскиот суверенитет. „Иран во целосна согласност со принципот на дистинкција според меѓународното хуманитарно право ја таргетираше само воената и безбедносната инфраструктура на режимот со своите одбранбени ракетни напади“, се наведува во писмото.

Амбасадорот на Израел во ОН, Дени Данон, го критикуваше тој ирански аргумент. „Тоа беше пресметан напад врз цивилното население. Израел нема тивко да помине преку оваа агресија. Израел ќе одговори. Нашиот одговор ќе биде одлучувачки и да, ќе биде болен, но за разлика од Иран, ние ќе дејствуваме целосно во согласност со меѓународното право “, изјави тој за новинарите пред состанокот на Советот.

Регион

Во Загреб, Сава се излеа од коритото

Сава се излеа од коритото,нивото на водата се зголемува.

Во поголем дел од Хрватска од вчера попладне непрекинато врне, што значително го подигна водостојот на реките, а во Загреб се излеа реката Сава.

Дирекцијата за цивилна заштита на МУП на Република Хрватска најави дека ќе вклучи мерки за одбрана од поплави.

Поради најавените високи водостои на Сава, Купа и Одра, Хрватски води издаде наредба за отворање на сливот Превлака.

Тие, исто така, ги предупредија сточарите навреме да го повлечат добитокот од местата за задржување во Лоњско поле, Одранско поле и Жутица. Во Загреб, Сава малтен се подели на три посебни реки, онаа во коритото и по една дополнителна река од секоја страна.

Нивото на водата најверојатно ќе продолжи да расте.

Забава

Мората се скарал со италијански градоначалник поради неговиот дом

Плановите на напаѓачот на Милан, Алваро Мората да живее изолирано во мирен град на периферијата на Милано беа спречени откако градоначалникот откри каде планира да се пресели шпанскиот репрезентативец.

Според медиумите во земјата, Мората избрал да купи куќа во Корбета, но градоначалникот Марко Бајарини не успеал да ги задржи деталите за себе. Тој на својот Инстаграм профил откри дека напаѓачот, кој ова лето стана европски шампион со Шпанија, е нов жител на градот.

-Ова не е првоаприлска шега. Шампионот Алваро Мората е наш нов сосед. Јас сум голем фан на Интер, но со задоволство му посакам добредојде на Алваро Мората во нашето големо семејство во Корбета, напиша градоначалникот.

Објавата го загрижи Шпанецот, кој изрази разочарување како и загриженост за безбедноста на неговото семејство.

-Почитуван г-дине градоначалник, ви благодарам што ја нарушивте мојата приватност. За среќа, немам вреден имот. Моето единствено богатство се моите деца, чија безбедност ја загрозивте. Мислев дека општина Корбета може да ми гарантира одредено ниво на дискреција. Но наместо тоа, морам брзо да ја сменам куќата поради вашата неспособност да ги користите социјалните мрежи и да ги заштитите вашите граѓани, беше одговорот на Мората на Инстаграм.

Бајарини не му остана должен, а за возврат објави фотографија од амблемот на градскиот ривал на „росонерите“ - Интер, додавајќи „Чао!“.

Живот

Видео: Шесткатница во форма на слон изградена за „само“ 34.000 евра

Слонот Луси е името на прекрасна зграда во приморскиот град Маргејт во американската држава Њу Џерси.

Шесткатната зграда од дрво и лим ја изградил Џејмс В. Лаферти во 1882 година за да привлече туристи и да ја зголеми продажбата на недвижности во областа.

Тој ги ангажирал архитектите Вилијам Фрај и Мејсон Кирби да создадат зграда по моделот на Џамбо - познатиот слон од популарната циркуска драма „Најголемото шоу на Земјата“.

Изграден е по цена од околу 38.000 долари.

Наизглед незначајната структура во облик на слон некогаш беше дел од огромен број екстравагантни модели поставени покрај автопатите за рекламни цели.

Со текот на времето, таа прерасна во ретко парче од американската историја што е постаро и од Статуата на слободата и од Ајфеловата кула во Париз.

Зградата е висока 19,7 метри, долга 18,3 метри и широка 5,5 метри.

Тежи околу 90 тони.

Низ историјата зградата служела како ресторан, деловна канцеларија, хотел и таверна, а своевремено во неа престојувал и поранешниот американски претседател Вудро Вилсон.

Во 1960-тите, зградата била во многу лоша состојба, а градот сакал да ја урне. За среќа, Граѓанската асоцијација за спас на Луси била формирана, по што зградата била преместена на парцела во сопственост на градот - на околу 100 метри од првобитната локација.

Луси за среќа не успеала да ја урнат ниту поплави или удари од гром. Благодарение на донации од добри луѓе, зградата Луси била реновирана а одреден период дури и се идавала преку Airbnb.