САД почнуваат да им ги одзема пасошите на граѓаните со големи долгови за алиментација - Канал 5

Живот

САД почнуваат да им ги одзема пасошите на граѓаните со големи долгови за алиментација

Американскиот Стејт департмент објави дека ќе започне со конфискација на пасоши од американски државјани кои должат големи суми за алиментација-издршка на деца.

САД почнуваат да им ги одзема пасошите на граѓаните со големи долгови за алиментација

Стејт департментот соопшти дека мерката може да влијае на родителите кои должат повеќе од 2.500 долари за издршка на деца, со фокус на оние со значителни неплатени долгови.

Министерството вели дека користи разумни алатки за поддршка на американските семејства и зајакнување на почитувањето на американскиот закон, и дека станува збор за исполнување на законските и моралните обврски на родителите кон нивните деца.

На граѓаните со вакви долгови им се советува да склучат договори за отплата со надлежните владини агенции за да избегнат конфискација на нивните пасоши. Откако ќе им се конфискува пасошот, тој повеќе не може да се користи за патување. Лицата чии пасоши се конфискувани нема да можат да добијат нов додека не го платат долгот за издршка на деца, соопшти Стејт департментот.

„Оваа мерка ја поддржува благосостојбата на американските деца со тоа што предвидува реални последици за неплаќање на издршка за деца, во согласност со постојниот федерален закон“, соопшти одделот.

Запленувањето на пасоши за неплатена издршка за деца над 2.500 долари е овластено со федерален закон од 1996 година, кој ретко се спроведувал.

Досега, мерката генерално се користела само кога лицата со долгови се обидувале да ги обноват своите пасоши.

Според новата политика, Стејт департментот ќе соработува со Министерството за здравство и човечки услуги на САД за да ги идентификува лицата со неплатени долгови и да ги поништи нивните пасоши. Одделот не соопшти кога мерката официјално ќе стапи на сила, но Асошиејтед прес објави дека се очекува спроведувањето да започне денес.

Тагови: пасоши САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Г. Скопје: 115 средношколци од Скопје заминаа во Охрид на бесплатен наставно-научен едукативен камп

Денес започнува бесплатниот наставно-научен едукативен камп во Охрид, наменет за ученици од средните училишта во Скопје.

Г. Скопје: 115 средношколци од Скопје заминаа во Охрид на бесплатен наставно-научен едукативен камп

Првата смена, составена од 115 ученици, утрово замина за Охрид, каде во текот на престојот ќе имаат можност да стекнат нови знаења и вештини, да истражуваат, да развиваат нови интереси и да создаваат нови пријателства.

Целта на кампот е младите да го поминат летниот период на креативен и едукативен начин, преку активности кои ги поттикнуваат нивната љубопитност, критичкото размислување, тимската работа и личниот развој.

Во рамки на програмата се предвидени научно-истражувачки работилници, едукативни предавања, интерактивни дискусии, тимски проекти, културни и креативни активности, како и спорт и рекреација.

Особено внимание ќе биде посветено на развојот на лидерските, комуникациските и презентациските вештини. Учениците ќе имаат можност да работат во тимови, да разменуваат идеи, да ги претвораат своите замисли во конкретни проекти и да стекнуваат поголема самодоверба.

Покрај едукативната програма, учесниците ќе имаат можност да го запознаат богатото културно и историско наследство на Охрид, да разменуваат искуства со своите врсници и да создадат нови пријателства и спомени.

Од 25 до 31 август, во Охрид ќе престојува и втората смена, составена од дополнителни 115 ученици.

Инвестицијата во младите е инвестиција во иднината на целото општество. Затоа, создавањето можности за квалитетно образование, развој на вештини и поттикнување на младите да ги препознаат и развиваат своите потенцијали останува еден од клучните приоритети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почна првиот уписен рок на УКИМ: Идните бруцоши ги предадоа документите на факултетите

И денеска продолжува уписниот рок на државните факултети.

Почна првиот уписен рок на УКИМ: Идните бруцоши ги предадоа документите на факултетите

Дел од идните бруцоши вчера ги поднесоа документите на факултетите во рамките на првиот уписен рок на државниот универзитет „св. Кирил и Методиј“.

На располагање се вкупно 8.851 слободно место на 23 факултети, при што намалувањето на квотите е направено врз основа на потребите на пазарот на трудот.

YouTube video

Тагови: УКИМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Кавадарци добива ново сообраќајно решение

Заврши асфалтирањето на првиот слој на кружниот тек на Северен Булевар, на површина од 5.300 м².

Јанчев: Кавадарци добива ново сообраќајно решение

Во периодот што следува ќе се реализираат и втората и третата фаза, до целосно завршување на проектот. Благодарност до Лидл за донацијата и поддршката во реализацијата.

Продолжуваме со конкретни инвестиции во инфраструктурата – за побезбедно движење и поуредно Кавадарци, објави на фејсбук градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер