Свет

САД: Можно е Израел да го прекршил меѓународното право со користењето наше оружје

Администрацијата на американскиот претседател Џо Бајден вчера објави дека Израел можеби користел оружје обезбедено од САД со што го прекршил меѓународното хуманитарно право за време на неговата воена операција во Појасот Газа.

Иако таквата формулација сугерира дека САД ќе го критикуваат Израел, директна осуда изостана. Администрацијата на Бајден додаде дека поради хаотичната ситуација во Газа, не е можно да се прецизираат случаи кога американско оружје било употребено во спротивност со меѓународното право. Затоа, е одлучено дека објаснувањата на Израел во врска со употребата на американско оружје во војната против Хамас се веродостојни.

„Со оглед на големото потпирање на оружјето произведено во САД, разумно е да се процени како израелските сили го користеле во периодот од 7 октомври на начин што не е во согласност со обврските од меѓународното хуманитарно право или со најдобрата практика за ублажување на страдањето на цивилите.

„Израел не сподели целосни информации за да потврди дали американското одбранбено оружје било користено во акции кои наводно го прекршиле меѓународното хуманитарно право во Газа или на Западниот Брег и во Источен Ерусалим“, се вели во документот доставен до Конгресот на новиот Меморандум за национална безбедност што претседателот Бајден го издаде во февруари оваа година.

Демократскиот сенатор Крис Ван Холен рече дека администрацијата „ги избегнала сите тешки прашања“ и избегнала одблизу да ја разгледа можноста дека акциите на Израел гарантираат суспензија на воената помош.

„Овој извештај противречи на самиот себе бидејќи заклучува дека има разумни основи да се верува дека имало прекршување на меѓународното право, но во исто време вели дека не констатира такво прекршување“, рече Ван Холен.

Повеќе од 34.000 Палестинци беа убиени за време на седуммесечниот израелски напад врз Појасот Газа.

Македонија

Во Волково ќе се реконструира пат кон железничката станица

Од Општина Ѓорче Петров информираат дека утрово бил извршен теренски увид во Волково, каде што во наредниот период ќе се реализира реконструкција на патот на пруга, крак на улица „100“, со продолжение на улицата што води кон железничката станица.

Од Општина Ѓорче Петров информираат дека утрово бил извршен теренски увид во Волково, каде што во наредниот период ќе се реализира реконструкција на патот на пруга, крак на улица „100“, со продолжение на улицата што води кон железничката станица.

- Создаваме навремени услови за подостапен пристап до јавниот транспорт во овој дел од општината. Подобрата поврзаност е предуслов за развој и за унапредување на секојдневието на жителите, се наведува во пишаната изјава на градоначалникот Александар Стојкоски.

Со овој зафат, како што нагласуваат од Општина Ѓорче Петров, се унапредува пристапот до железничкиот транспорт, а истовремено се подобрува и вкупната сообраќајна поврзаност во Волково.

- Општина Ѓорче Петров останува посветена на изградбата и реконструкцијата на инфраструктурата, со цел да обезбеди подобри услови за живот за сите граѓани, се додава во соопштението.

Тагови: Општина Ѓорче Петров

Македонија

МНР: Македонските државјани веќе се наоѓаат на територија на Египет и се на безбедно

Според извори од Министерството за надворешни работи, македонските државјани кои беа предмет на евакуација веќе се наоѓаат на територија на Египет и се на безбедно.

Истите извори информираат дека за нив е обезбедено сместување во хотел, додека се завршуваат административните и логистички подготовки за враќање во земјава.

Се очекува репатријацијата да се реализира во текот на денешниот ден или најдоцна утре, со владиниот авион.

Тагови: МНР

Свет

Трамп: Сакам вистински крај, а не прекин на огнот меѓу Израел и Иран

Американскиот претседател Доналд Трамп изјави дека се стреми кон „вистински крај“ на конфликтот меѓу Израел и Иран, а не само кон прекин на огнот.

- Не се залагаме за прекин на огнот, туку за нешто подобро од прекин на огнот, изјави Трамп пред новинарите откако се врати во САД од самитот на Г7 во Канада.

Тој нагласи дека сака „крај, вистински крај, а не прекин на огнот“, додавајќи дека посакува Иран да направи „целосно откажување“ од своите позиции.

Трамп исто така објави на „Трут соушл“ дека не се обратил на Иран со каков било предлог за мировни разговори, додавајќи дека Техеран „требаше да ја прифати понудата што беше на маса“.

Во врска со потенцијални ирански напади врз американските интереси во регионот, тој најави жесток одговор. - Тогаш ракавиците се симнати… Мислам дека знаат дека не треба да ги допираат нашите трупи .Ќе реагираме жестоко доколку направат нешто против нашите луѓе, потенцираше Трамп.

Говорејќи пред новинарите во авионот Ер форс уан, Трамп најави дека можно е да ги испрати американскиот потпретседател Џеј Ди Ванс и специјалниот претставник за Блискиот Исток, Стив Виткоф, на средби со ирански претставници.

- Тоа зависи од развојот на настаните по моето враќање, додаде Трамп.

Дополнително, Трамп ја повтори својата позиција дека Иран „не смее да поседува нуклеарно оружје“.

Тагови: Доналд Трамп