Свет

САД: Мадуро и неговата сопруга обвинети за шверц на кокаин во САД

Обвинението на Министерството за правда на САД против Николас Мадуро, претседателот на Венецуела, денес е објавено во јавноста.

Тој е обвинет за „водење на корумпирана и нелегитимна влада финансирана преку огромна меѓународна операција за трговија со дрога, која со години ги преплавува САД со тони кокаин“.

Според документите, Мадуро, заедно со неговата сопруга Силија Флорес, членови на семејството и блиски соработници, наводно воделе криминална мрежа која соработувала со најнасилните нарко-картели во светот, вклучувајќи го картелот Синалоа и организацијата Трен де Арагва. Главната обвинителка Пам Бонди претходно објави дека Мадуро и неговата сопруга „наскоро ќе се соочат со целиот гнев на американската правда на американска почва пред американските судови“.

Во обвинението се додаваат обвиненија против Флорес, во кои се тврди дека двајцата се одговорни за:

-Заговор за извршување на нарко-тероризам

-Заговор за увоз на кокаин во Соединетите Американски Држави

Поседување митралези и деструктивни направи Заговор за употреба на оружје за заштита на операциите со дрога Американските власти тврдат дека до 250 тони кокаин се шверцуваат низ Венецуела годишно, користејќи брзи чамци, рибарски и контејнерски бродови и авиони од тајни аеродроми.

Мадуро и Флорес наводно обезбедувале логистичка поддршка и заштита на нарко-картелите, злоупотребувајќи ги државните институции. За возврат, високи венецуелски функционери добиле милиони долари мито.

Особено внимание се посветува на улогата на Силија Флорес, која, уште во 2007 година, наводно примила стотици илјади долари мито за да посредува помеѓу трговец со дрога и директорот на Националната канцеларија за борба против дрога, обезбедувајќи безбеден премин на воздушни пратки со кокаин.

Документот, исто така, потсетува на случајот со внуците на сопругата на Мадуро, кои беа осудени во Соединетите Држави во 2017 година за заговор за шверц на тони кокаин, вклучително и користење на претседателскиот хангар во Каракас. Тие беа ослободени во 2022 година како дел од размена на затвореници.

Тагови: Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

‼️ Explosion sur la place De Brouckère, les infos que j’ai eu sur place et via les médias …

#explosion #incendie #bruxelles #Debrouckère #Incident pic.twitter.com/qaYLaL9hQA
— Yusuf Yildiz (@yyildiz1030) July 14, 2026

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.