САД ќе го развиваат новиот систем за противракетна одбрана „Златна купола“ - Канал 5

Свет

САД ќе го развиваат новиот систем за противракетна одбрана „Златна купола“

Администрацијата на американскиот претседател Доналд Трамп развива нов систем за ракетна одбрана наречен „Златна купола“.

САД ќе го развиваат новиот систем за противракетна одбрана „Златна купола“

„Златна купола“ ќе се состои од четири слоја на заштита - еден вселенски и три копнени, со вкупно 11 батерии со краток дострел распоредени низ континенталниот дел на САД, како и во Алјаска и Хаваи.

Проектот беше презентиран минатата недела пред околу 3.000 изведувачи на одбранбени проектили во Хантсвил, Алабама, а документите укажуваат на извонредната сложеност на системот што треба да биде оперативен до 2028 година, цел поставена од самиот Трамп.

Иако трошоците за изградба на системот се проценуваат на околу 175 милијарди долари, сè уште не е прецизирано колку лансери, пресретнувачи, копнени станици и ракетни бази ќе бидат потребни.

Според американските претставници, досега Конгресот одобрил 25 милијарди долари за „Златна купола“, додека дополнителни 45,3 милијарди долари се планирани во предлог-буџетот на Трамп за 2026 година.

Системот „Златна купола“ е дизајниран како повеќеслоен штит за одбрана на територијата на САД од ракетни закани, моделиран според израелскиот систем „Железна купола“, но во многу поголем обем поради географскиот опсег што мора да го покрие и разновидноста на потенцијалните закани.

Според достапните информации, системот ќе има четири интегрирани слоеви - вселенски сегмент со сензори за рано предупредување и следење на ракети, како и три копнени слоеви што вклучуваат пресретнувачи, радарски системи и потенцијално ласери.

Една од најзначајните иновации е планираната изградба на голема ракетна база во американскиот Среден Запад, која би се користела за распоредување на најновите пресретнувачи.

САД во моментов имаат места за лансирање на ракетна одбрана во Јужна Калифорнија и Алјаска, додека трета база на Средниот Запад дополнително би ја зајакнала заштитата од интерконтинентални балистички ракети од земји кои се сметаат за „непријателски“.

Една од клучните цели на „Златната купола“ е можноста за пресретнување на ракети во раните фази од нивниот лет, додека ракетата сè уште се искачува низ атмосферата, што би ги зголемило шансите за успешно пресретнување.

Русија претходно ги критикуваше САД за нивниот противракетен систем „Златна купола“, велејќи дека тој ја поткопува стратешката стабилност.

Марија Захарова, портпаролка на руското Министерство за надворешни работи, му порача на Вашингтон за време на утринската прес-конференција да се откаже од распоредувањето оружје во вселената, објавија руските медиуми.

Пјонгјанг, исто така, ги критикуваше плановите, велејќи дека тоа би била „многу опасна“ закана што би можела да предизвика „нуклеарна војна“ во вселената, објавија денеска севернокорејските медиуми.

Министерството за надворешни работи на Северна Кореја издаде меморандум „за да ѝ каже на меѓународната заедница дека воспоставувањето нов американски систем за ракетна одбрана е многу опасен „заканувачки потег“ насочен кон поткопување на стратешката безбедност на државите со нуклеарно оружје“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Продолжуваат пеколните горештини, денеска сончево со температури до 39 степени

Топлото време продолжува и денеска, со температури до 39 степени. Времето ќе биде сончево со мала до умерена локална облачност и слаб до умерен ветер од источен правец. 

Продолжуваат пеколните горештини, денеска сончево со температури до 39 степени

Температурата ќе се движи од 14 до 39 Целзиусови степени.

Во Скопје се очекуваат температури од 21 до 38 степени.

Од утре попладне, под влијание на циклонска активност, се најавува промена на времето со повремени врнежи од дожд, грмежи и засилен ветер. Локално се можни невреме, пороен дожд, град и силни електрични празнења. Од четврток ќе дува засилен северен ветер, особено долж Повардарието, каде повремено ќе достигнува над 50 километри на час.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Регистриран земјотрес во епицентралното подрачје Тетово-Гостивар

Според досегашните податоци со кои располага опсерваторијата, земјотресот е почувствуван од жителите на градовите Гостивар, Тетово и околината.

Регистриран земјотрес во епицентралното подрачје Тетово-Гостивар

Според податоците со кои располага Сеизмолошката опсерваторија при Природно-математичкиот факултет во Скопје, во 00 часот и 06 минути беше почувствуван земјотрес чиј епицентар потекнува од епицентралното подрачје Тетово-Гостивар, со Рихтерова локална магнитуда, ML3.0.

Според досегашните податоци со кои располага опсерваторијата, земјотресот е почувствуван од жителите на градовите Гостивар, Тетово и околината, со интензитет од III степени според Европската макросеизмичка скала.

Европско-медитеранскиот сеизмолошки центар (ЕМСЦ) јавува дека земјотресот бил со јачина од 2,9 степени според Рихтеровата скала на длабочина од пет километри, додека епицентарот е лоциран на 10 километри северозападно од Гостивар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 29. јуни 2026 година

Дневен хороскоп за понеделник, 29. јуни 2026 година. 

Дневен хороскоп за 29. јуни 2026 година

Рак 22.6-22.7.

Љубов

Оние кои уште бараат сродна душа, ќе се обидат да ја најдат на место касде се собираат со пријателите.

Кариера

Зад себе оставивте се уредно и како што треба и така очекувате да најдете. Сепак , ќе треба да проверите некои ситни работи за кои мислите дека недостасуваат.

Здравје

Веќе не сакате да ве искористуваат.

Лав 23.7-22.8.

Љубов

Премногу зборување не води никаде , искрените прегратки и погледи ќе бидат доволни за да се чувствувате добро и исполнето.

Кариера

Можно е да почнете соработка со една прекуморска земја или со место што е поврзано со вода.

Здравје

Внимавајте на здравата исхрана, пијте повеќе течности.

Девица 23.8.-23.9.

Љубов

Во секој момент одржувајте пријателски став кон другата страна и не ја наметнувајте својата волја.

Кариера

Една фаза од вашата кариера денеска завршува и почнува нова. Можно е да ви претстават нов план за развој.

Здравје

Слабост и главоболка.

Вага 24.9.-23.10

Љубов

Постојаната стабилна врска ќе ви даде сила да се соочите со предизвиците во другите области од животот.

Кариера

Успешно ќе се борите со барања од кои нема сите да ви се допаѓаат. Ќе ги вртите работите во своја корист.

Здравје

Вежбајте за да зајакнете.

Шкорпија 24.10-22.11.

Љубов

Ќе ги игнорирате грижите и ќе и се посветите на својата најмила личност со полно внимание.Ќе бидете задоволни. Осамените секако нека излезат.

Кариера

Бргу ќе го премотувате филмот целиот работен ден и ќер заклучите дека сте ги решиле сите проблеми онака како што требало.

Здравје

Движете се што повеќе.

Стрелец 23.11.-21.12.

Љубов

Некои ќе влетаат во површна куса врска , во која ќе покажат голема доза на инвентивност.

Кариера

Се наоѓате на чекор до нови предизвици , кои се атрактивни и ви носат нова желба и мотив за работа.

Здравје

Движете се .

Јарец 22.12.-20.1.

Љубов

За секој свој љубовен проблем денеска ќе најдете решение. Вашиот оптимизам ќе порасне и покрај емотивните празнини.

Кариера

Се отвора една голема врата низ која наскоро ќе поминете. Тоа е шанса за професионално усовршување.

Здравје

Јадете помалку и патувајте.

Водолија 21.1.-19.2.

Љубов

Многумина најмногу ќе сакаат да излезат меѓу луѓе , без притисок дека мора нешто да се случи. токму таквиот став ќе ви донесе ново познанство.

Кариера

Денеска ќе бидете многу активни во работењето со странки и со луѓе воопшто. Другите ќе го препознаваат вашиот труд околу нив.

Здравје

Не останувајте сами дома, излезете.

Риби 20.2.- 20.3.

Љубов

Во личните односи ќе се фокусирате на што поголемо зближување. Ќе ви биде потребен допир, прегратка и бакнеж.

Кариера

Вашиот стил на работа подразбира ред и континуитет. Неодговорните би можеле да ви се спротистават , но безуспешно.

Здравје

Останете свои.

Овен 21.3-20.4.

Љубов

Денеска би можеле да ја почуствувате грубоста на партнерот , на кого му е доста од вашето лебдење во облаци. Обидете се да бидете позрели и поконкретни.

Кариера

Ќе напредувате во областа на уметноста, но сите конкретни работни задачи тешко ќе ги остварувате.

Здравје

Внимавајте на вируси.

Бик 21.4- 20.5.

Љубов

Ќе заклучите дека вашата самодоверба не е толку важна , колку што е важно да сакате , па што ќе биде, нека биде.

Кариера

Ќе ја анализирате својата листа на приоритети и на прво место ќе поставите нешто ново.

Здравје

Верувајте во себеси.

Близнаци 21.5.-21.6.

Љубов

Денеска е убав ден за секаков вид дружење и неврзани разговори на кафе. Прошетајте се , поразговарајте.

Кариера

Можеби ќе ви се јави некоја странка или ќе добиете заостанат меил. Се ќе решавате со леснотија.

Здравје

Радувајте и се на иднината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер