САД ѝ врати украдена бронзена статуа што го претставува Марко Аврелиј на Турција - Канал 5

Живот

САД ѝ врати украдена бронзена статуа што го претставува Марко Аврелиј на Турција

Бронзена статуа којашто го претставува римскиот император Марко Аврелиј, и којашто била украдена од древно наоѓалиште - градот Бубон, кај Бурдур, југозападна Турција е вратена на Турција по 65 години.

САД ѝ врати украдена бронзена статуа што го претставува Марко Аврелиј на Турција

Бронзена статуа којашто го претставува римскиот император Марко Аврелиј, и којашто била украдена од древно наоѓалиште - градот Бубон, кај Бурдур, југозападна Турција, а десетлетија потоа - и изложена во Музејот на уметност во Кливленд, САД, ѝ е вратена на Турција по 65 години. Враќањето на статуата беше овозможено благодарение на соработката на турското Министерство за култура и туризам, Канцеларијата на окружниот обвинител на Менхетен и Министерството за внатрешна безбедност на САД.

„Статуата на Марко Аврелиј, што датира од 2. или 3. век н.е., е уникатно дело од историјата на древната уметност, поради нејзиното прикажување на римскиот император како филозоф. Се смета за една од најубавите бронзени скулптури во Анадолија. Вистинското потекло на статуата го откри професорката Чале Инан - првата жена археолог во Турција. Нејзиното истражување помогна да се отвори патот за враќање на статуата во Турција“, се вели во соопштението.

Министерот за култура на Турција, Мехмет Нури Ерсој го опиша враќањето на уметичкото како „историско достигнување“.

- Ова историско достигнување е овозможено со комбинираната моќ на дипломатијата, правото и науката. Враќањето во државата е дел од пошироката визија на Турција за зачувување и одржливо управување со своето богато културно наследство. Тоа е дел од проектот „Наследство за иднината“, којшто ги проширува ископувањата низ целата земја и во текот на целата година, изјави Ерсој.

Артефактот, според наводите, бил нелегално ископан и прокриумчарен од наоѓалиштето Бубон во Округот Голхисар во Покраината Бурдур, во 1960-тите. Уметничкото дело сменило неколку сопственици низ годините, пред да заврши во Музејот на уметност во Кливленд.

Американскиот Музеј првично поднесе жалба на наредбата за заплена и првично ја оспори врската на статуата со Бубон. Турција се согласи на научна анализа - силиконски отпечаток од стапалата е земен во 2024 година и се совпаѓа со основите пронајдени во Бубон.

Турските власти спроведуваат ископувања и реставраторски работи на бројни наоѓалишта, со цел - да се зголеми бројот на монументални археолошки дела на 800 до 2026 година.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Претседателката на Европската централна банка - Кристин Лагар се повлекува од функцијата, веќе не сака да молчи

Претседателката на Европската централна банка - Кристин Лагард ќе се повлече 9 месеци порано од својата функција, бидејќи како што вели, повеќе не сака да молчи.

Претседателката на Европската централна банка - Кристин Лагар се повлекува од функцијата, веќе не сака да молчи

Лагард се пожали дека неутралноста која се очекува од централните банкари, која ја опиша како „цената за нивната независност„ повеќе не е нешто што може да го прифати. Околу тоа која од европските монетарни политики лагард ја смета за погрешна, засега нема информации, меѓутоа, нејзината оставка доаѓа откако ЕЦБ ги остави своите клучни каматни стапки непроменети, со депозитна стапка од 2,5%.

Иако одлуката била едногласна, таа порача на пазарите дека оваа пауза може да трае само до декември. Лагард пред оваа функција беше и директор на Меѓународниот монетарен фонд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ,

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ, меѓутоа, Германија, Италија, Франција и Грција се спротивставија на оваа формулација, наведувајќи дека создава правна несигурност и преседан за други земји.

Сепак, на овој самит се очекува да се прошири соработката во повеќе клучни и стратешки области, вклучувајќи ја безбедноста и Арктикот, трговијата и инвестициите, со што Канада би ја заменила досега традиционалната улога на Соединетите Американски Држави како најголем партнер на ЕУ надвор од Европа.

И Канада и ЕУ се обидуваат да создадат алтернативни партнерства без САД под водство на претседателот Доналд Трамп, со оглед на неговите закани за царини кон ЕУ но и реториката дека ќе ја претвори Канада во 51-та држава на САД, што силно ги потресе добрососедските односи меѓу двете северноамерикански држави.

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Четворица италијански државјани загинаа при уривање на воен хеликптер на ЕУФОР во Босна и Херцеговина

Четворица италијански државјани загинаа вчера при уривање на воен хеликоптер на ЕУФОР во близина на градот Горице во Босна и Херцеговина.. 

Четворица италијански државјани загинаа при уривање на воен хеликптер на ЕУФОР во Босна и Херцеговина

Мисијата ЕУФОР потврди дека нивниот авион се урнал за време на рутинска операција во областа Брчко..

Повредени се 12 лица.

Во несреќата не е оштетен цивилен имот или инфраструктура и нема повредени цивили.. Од ЕУФОР најавија целосна и темелна истрага за инцидентот и ќе објават повеќе информации откако ќе се утврдат сите факти.

Во исто време, ги повикаа граѓаните да ги следат само официјалните канали за да избегнат дезинформации..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер