САД и Венецуела на раб на војна: Трамп се закани со соборување воени авиони, Мадуро остро му врати (ВИДЕО) - Канал 5

Свет

САД и Венецуела на раб на војна: Трамп се закани со соборување воени авиони, Мадуро остро му врати (ВИДЕО)

Американскиот претседател Доналд Трамп се закани дека американската војска ќе собори венецуелски борбени авиони доколку повторно прелетаат над американските воени бродови во Карибите.

САД и Венецуела на раб на војна: Трамп се закани со соборување воени авиони, Мадуро остро му врати (ВИДЕО)

Американскиот претседател Доналд Трамп се закани дека американската војска ќе собори венецуелски борбени авиони доколку повторно прелетаат над американските воени бродови во Карибите, додека извори од Вашингтон најавија можност за воени напади врз цели во Венецуела, објави Би-Би-Си.

Претседателот Николас Мадуро возврати со порака дека секоја американска агресија ќе доведе до „планирана и организирана вооружена борба на целиот народ“, а исто така најави и почеток на обука на милицијата што го вклучува цивилното население. „Ние ќе го браниме мирот, територијалниот интегритет, суверенитетот и нашиот народ“, рече Мадуро.

„Лажеа за Ирак, лажат и за нас“

Во телевизиско обраќање, Мадуро покажа дијаграм на нивоата на подготвеност на одбранбените сили и објасни дека Венецуела моментално е во „жолтата фаза на интегрирана одбрана“. Според него, земјата е сè уште во фаза на ненасилна борба во која се користат политички, информативни и дипломатски средства.

„Лажеа за оружје за масовно уништување во Ирак, лажат за Венецуела“, рече Мадуро, сугерирајќи дека Америка подготвува вооружен конфликт со Венецуела под лажни изговори.

Но, најавата за вклучување на граѓаните во одбранбениот систем е сигнал дека Каракас се подготвува и за можноста за вооружен конфликт.

„Нападот врз бродот беше само почеток“

Тензиите нагло се зголемија откако американската морнарица потопи брод за кој тврди дека превезувал дрога од Венецуела. Во нападот загинаа 11 лица. Вашингтон подоцна потврди дека лично ја наредил операцијата.

Државниот секретар на САД, Марко Рубио, рече дека ова е само почеток и дека слични напади ќе бидат повторени. „Наместо да го пресретнеме, по наредба на претседателот, го разнесевме. И тоа ќе се случи повторно. Можеби се случува токму сега“, рече Рубио.

Ескалација на Карибите

Вашингтон испрати силно засилување во регионот во последните недели. Воени бродови вооружени со ракети „Томахавк“, подморница и повеќе од 4.000 војници, вклучувајќи повеќе од 2.000 маринци, се распоредени во близина на Венецуела.

САД, исто така, испратија десет борбени авиони Ф-35 во база во Порторико. Ова се најсовремените авиони од петта генерација, познати по нивната технологија на прикривање, прецизни напади и можности за електронско војување.

Мадуро ги обвинува САД

Мадуро претходно го обвини Вашингтон дека планира „насилна промена на режимот во Венецуела и цела Латинска Америка“. „Владата на Соединетите Американски Држави треба да се откаже од својот план и да го почитува нашиот суверенитет“, рече Мадуро.

И покрај острите зборови, тој додаде дека Венецуела останува подготвена за дијалог. „Го почитувам Трамп. Ниту една од нашите разлики не може да доведе до воен конфликт. Венецуела отсекогаш била подготвена за дијалог“, рече Мадуро.

Инциденти на море

Тензиите дополнително се зголемија откако Каракас двапати во два дена испрати борбени авиони Ф-16 во близина на бродот УСС Џејсон Данам, кој беше во меѓународни води.

Пентагон го нарече потегот „многу провокативен“ и ја обвини Венецуела дека се обидува да ги попречи американските операции против наркотероризмот. Бродот не отвори оган, но Трамп јасно стави до знаење: „Ако повторно испратат авиони, ќе бидат во неволја“.

Рубио во офанзива

Рубио јавно ја презеде улогата на главен портпарол на администрацијата. Тој го нарече Мадуро „обвинет за шверцер на дрога во Соединетите Американски Држави“ и „бегалец од американската правда“.

Администрацијата на Трамп веќе го прогласи за наркотерорист и ја дуплираше наградата за негово апсење на 50 милиони долари.

YouTube video

Правни и политички дилеми

Белата куќа испрати писмо до Конгресот во кое тврди дека Трамп дејствува во рамките на своите уставни овластувања, но правното оправдување за нападите останува контроверзно. Брифингот за членовите на Конгресот за нападот врз бродот беше откажан без објаснување, што предизвика дополнителни загрижености.

„Ништо од ова не е јасно“, рече извор од Вашингтон.

На раб на војна

Експертите предупредуваат дека комбинацијата од американски напади, нови распоредувања на трупи и венецуелски провокации би можела да ги доведе односите меѓу двете земји до работ на војна. „Дали ќе ја нападнеме Венецуела и ќе го собориме режимот што го прави поголемиот дел од она што го бара администрацијата?“, праша Бенџамин Гедан, поранешен директор за Венецуела во Советот за национална безбедност.

Митинг во поддршка на Мадуро во Венецуела

Трамп ги спореди смртните случаи од предозирање со дрога во САД со жртвите од војната. „Замислете дека сте во војна и губите 300.000 луѓе... Нема да дозволиме тоа да се случи“, рече американскиот претседател.

Граница помеѓу борбата против картелите и војната

Додека Вашингтон инсистира дека операциите се насочени кон картелските мрежи, фактот дека се разгледуваат напади во Венецуела, со масовно распоредување на сили и отворени закани од двете страни, покажува дека регионот влегол во фаза на опасна ескалација.

Границата помеѓу борбата против нарко картелите и потенцијалната војна станува сè понејасна.

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер