САД и Мексико се согласија за зајакнување на борбата против трговијата со дрога - Канал 5

Свет

САД и Мексико се согласија за зајакнување на борбата против трговијата со дрога

Мексиканската претседателка нагласи дека двете земји имаат широк список на заеднички задачи.

САД и Мексико се согласија за зајакнување на борбата против трговијата со дрога

Мексиканскиот министер за надворешни работи Хуан Рамон дела Фуенте и државниот секретар на САД, Марко Рубио, доцна имаа телефонски разговор во кој изразија согласност дека мора да се направи повеќе за двете земји да може да се справат со заедничките закани со кои се соочуваат, пренесе агенцијата ЕФЕ.

Во заедничкото соопштение тие ја потврдија важноста на партнерството меѓу САД и Мексико, засновано на заемно почитување на суверенитетот, истовремено признавајќи дека и покрај постигнатиот напредок, „сè уште постојат значителни предизвици“. Разговорот се одржа во контекст на изјавите на американскиот претседател Доналд Трамп за можни копнени воени дејства во Мексико насочени против наркокартелите.

Во тој контекст страните се договорија билатералната група за спроведување на безбедносните мерки, чија следна средба е закажана за 23 јануари, да ги зајакне дејствија против картелите и трговијата со фентанил и оружје преку границата. Освен тоа, беше одлучено следниот месец во Вашингтон да се одржи средба на министрите за безбедност.

Во посебно соопштение на социјалните мрежи Бирото за прашања на западната хемисфера при Стејт департментот на САД ја нагласи потребата од „конкретни, проверливи резултати“ од страна на Мексико против наркотерористичките мрежи истакнувајќи дека бавниот напредок поврзан со граничната безбедност е неприфатлив.

Разговорот меѓу министрите за надворешни работи следуваше по оној меѓу Трамп и мексиканската претседателка Клаудија Шејнбаум, која изјави дека американска воена интервенција во Мексико е исклучена. Шејнбаум во средбата не ја исклучи можноста за лична средба со Трамп по официјалните настани поврзани со годишнината од неговото стапување на должност на 20 јануари.

Мексиканската претседателка нагласи дека двете земји имаат широк список на заеднички задачи вклучувајќи ја и подготовката за Светското првенство во фудбал, на кое Мексико ќе биде домаќин заедно со САД и Канада и кое ќе биде отворено во Мексико на 11 јуни.

Тагови: Мексико САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Продолжува судењето за пожарот во дискотеката „Пулс“ во Кочани

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Руски дрон удрил воз во близина на украинско-полската граница, кратко откако поранешниот британски премиер Борис Џонсон и поранешниот премиер на Шведска Карл Билд и високи европски безбедносни претставници поминале низ неа.

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Нема информации за жртви по ударот кај Јаходин, во кој беше погодена локомотивата на возот. Сите патници се евакуирани, соопштија украинските власти.

Билд,Џонсон и други европски советници за национална безбедност, вклучувајќи го и британскиот советник Џонатан Пауел, поминале по истата линија во друг воз на враќање од конференција во Киев.

Русија соопшти дека погодила „железничка инфраструктура“ во западна украина, но украинската државна железничка компанија соопшти дека „сосема е можно целта на овој дрон да бил дипломатскиот воз“.

Поранешниот шеф на ЦИА, Дејвид Петреус, кој во времето на нападот се наоѓал во друг воз на станицата Јаходин, рече дека инцидентот бил „застрашувачки“.

Возот „ја напуштил станицата порано од очекуваното поради промената на возниот ред... Поради постојаните закани за руски напади“.исто така, се наведува дека наредба за евакуација на патниците во погодениот воз била дадена „само 15 минути“ пред нападот од страна на руски дрон со млазен погон.украинскиот министер за надворешни работи Андриј Сибиха рече дека „варварските напади“ на украинско-полската граница во Јаходин се еднакви на „терористичко тропање директно на вратите на ЕУ и НАТО“„

Тагови: дрон русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена облачност и ветер

Времето денеска ќе биде сончево со мала до умерена локална облачност. Ќе дува слаб до умерен ветер од северен правец. 

Сончево со мала до умерена облачност и ветер

Минималната температура ќе биде во интервал од 7 до 16, а максималната ќе достигне од 23 до 30 степени, информираат од Управата за хидрометеоролошки работи.

Во Скопје, времето ќе биде претежно сончево и ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер