СветСАД и Израел го нападнаа Иран – Техеран веднаш возвратиБлискиот Исток е во пламен – најавуваните напади се остварија – САД и Израел од утринава отворија канонада врз Иран.Одекнуваат експлозии речиси во целата земја – Техеран е главна мета. Додека во Техеран се истураат стотици бомби, во кои засега има педесетина жртви, а неофицијално меѓу нив е и министерот за одбрана на Иран Амир Хатами – на социјалните мрежи се појавија бројни видеа од иранските граѓани како прославуваат и со одобрение ги пречека нападите кои според нив се против режимот на ајатолахот Aли Камнеи. Иран, во координација со Ирак и Јемен исто така возврати со обемни напади со балистички ракети - Експлозии се слушнаа во Ерусалим и Тел Авив, но напади се вршат и врз Катар, Дубаи, Кувајт и бази на САД во Бахреин со што Блискиот Исток Утринава се разбуди во регионална војна. Целта на нападите е да се одбранат американските граѓани и сојузниците на САД од иранскиот режим кој е група од злобни и страшни луѓе – порача неколку моменти по првата испукана ракета американскиот претседател Доналд Трамп. 47 годишното скандирање „Смрт за Америка“ од страна на режимот, веќе нема да се толерира порача тој и ги повика иранските трупи да го положат оружјето и да добијат целосен имунитет, во спротивно им следува сигурна смрт. -До членовите на Исламската револуционерна гарда, вооружените сили и целата полиција, ви велам вечерва дека морате да го положите своето оружје и ќе имате целосен имунитет, алтернативата е да се соочите со сигурна смрт. Значи, положете го оружјето, ќе бидете третирани ферски, со целосен имунитет или ќе се соочите со сигурна смрт, – Доналд Трамп – Претседател на САД. А, на иранските граѓани им порача да останат засолнети оти бомби ќе паѓаат на секаде, а кога експлозиите ќе се смират, тогаш да ја искористат генерациската можност да си ја преземат својата Влада, оти конечно вели ја добиле доолгочекуваната поддршка на САД.. -Кога ние ќе завршиме, преземете ја вашата Влада, ваше ќе биде да ја преземете и веројатно тоа ќе биде единствената шанса по генерации. Со години имавте потреба од американска помош, но никогаш не ја добивте, ниту еден претседател немаше волја да го направи она што јас го правам вечерва. Сега имате претседаетел кој ви го дава она што го сакате, па да видиме како ќе одговорите. Америка ве поддржува со огромна сила и разорувачка моќ,- – Доналд Трамп – Претседател на САД. Да се создаде нов и слободен Иран граѓаните ги повика и израелскиот премиер – Нетанјаху, кој вели дека заканата кој ја има актуелниот режим е опасен и по светот и по Израел, особено откако Техеран не го поптиша новиот договор за нуклеарно оружје на кој САД инсистираше. -Ако не ги сопреме сега, тие ќе бидат имуни и од овие причини нивните претставници во преговорите се обидуваат да „купат“ време во празни и измамнички преговори со нашите американски пријатели. Но, тираните во Иран направија фатална грешка, САД не ги „купи“ нивните лаги Заедно со САД ќе зададеме силен удар на терористичкиот режим, ќе создадеме услови во кои храбриот ирански народ да го отфрли убиствениот режим- Бенјамин Нетанјаху – Премиер на Иран. Со поддршка за нападите излегоа бројни глобални и европски сојузници, меѓу нив како и италијанската премиерка Џорџа Мелони, кои нападите ги сметаат како ослободителни за иранскиот народ, до кој велат цврсто стојат. Претседателката на европскиот совет Урсила Фон Дер Лајен, кажа дека е загрижена за последниот развој на настаните и дека ЕУ одблиску ги следи настаните.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Шоу бизПринцови, принцези, актери, пејачи... Познати личности на финалето на ВимблдонФиналето на Вимблдон во недела попладне привлече голем број холивудски ѕвезди и британски познати личности од А-листата.Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир. Кралското семејство во преден план Меѓу многуте познати лица, особено се издвои принцезата од Велс, која блескаше во елегантен зелен фустан. View this post on Instagram A post shared by Wimbledon (@wimbledon) Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор. View this post on Instagram A post shared by Wimbledon (@wimbledon) Принцезата, исто така, го носеше својот „брош Вимблдон“ во препознатливите бои на турнирот. Мноштво познати лица На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици. View this post on Instagram A post shared by Wimbledon (@wimbledon) Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс. Извор: Индекс.хр Фото: ИнстаграмТагови: Вимблдон Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Автомобилизам„BYD“ подготвува нов „ѕвер“ - ќе чини околу 40.000 евра„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата. Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија. Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот. Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW). „BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“. Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус. „Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења. Според првичните информации, „BYD Da Han“ треба да има почетна цена од околу 41.000 евра. Извор: Б92Тагови: BYD Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Свет„Белата куќа повеќе нема да биде безбедна за Трамп“Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“. Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив. Тој исто така рече дека одмаздата станала „глобално движење“ наместо „ограничен одговор“.Тагови: Доналд Трамп Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter