САД и Израел ги засилуваат нападите, Иран се заканува со напади на нуклеарни комплекси - Канал 5

Свет

САД и Израел ги засилуваат нападите, Иран се заканува со напади на нуклеарни комплекси

Американските и израелските сили продолжија со нападите врз Иран, додека американскиот Сенат го отфрли предлогот што би го ограничил овластувањето на претседателот Доналд Трамп да продолжи со воените дејствија против Иран без одобрение од Конгресот.

САД и Израел ги засилуваат нападите, Иран се заканува со напади на нуклеарни комплекси

Конфликтот на Блискиот Исток и натаму добива пошироки размери. Ирански дронови погодија цели во соседен Азербејџан, што е прв пат кавказка држава да биде мета на напад. Иако Техеран негира, властите во Баку обвинија дека ирански беспилотни летала Шахед го погодиле меѓународниот аеродром во Нахчиван, а претходно и локација близу училиште, 20-ина километри од границата со Иран.

-Кај нас се хоспитализирани четири лица. Нивната состојба е засега стабилна по направените прегледи. , изјави доктор во болницата во Нахчиван

Иран соопшти и дека погодил американски танкер со нафта на северот на Перисискиот залив, откако според информациите, до него допловил мал брод полн со експлозив, потоа активиран со далечински управувач. Израел континуирано напаѓа цели во јужен Либан и во Иран, а снимки од Техеран сведочат за разорните напади. По иранското ракетирање на Кипар, Италија, Шпанија, Франција и Холандија најавија испраќање поморски сили за заштита на островот. По вчерашното соборување иранска ракета во Турција, НАТО вели дека фамозниот член 5 не е на маса.

-Никој не зборува за членот 5. Најважно е што нашите противници вчера видоа дека НАТО е толку силен и толку буден, па дури и побуден, ако е можно, од саботата поради ситуацијата на Блискиот Исток. А, тие гледаат и знаат дека нашата војска е вклучена во ова. , изјави Марк Руте, генерален секратар на НАТО.

Продолжува и американската воена офанзива во Иран, откако синоќа Сенатот со 53 гласа „за“ и 47 „против “застана зад Трамп и ја отфрли релозуцијата на демократите со која се бараше претседателот да не може да наложува воени акции без одобрување на Конгресот.

-Зошто Доналд Трамп е решен историјата да се повтори? Зошто ја турка Америка директно во војна што Американците не ја сакаат и која не може ни да ја објасни? Доста е. Мора да спречиме уште една војна на Блискиот Исток, изјави Чак Шумер, лидерот на демократите во Сенатот

-Ова (воена операција) се случи 45 пати во последните 47 претседателства. Членот 2 од Уставот, јасно му дава на претседателот не само право, туку и обврска, како и неговата заклетва, да ги заштити САД, вели Џејмс Рич, претставник на републиканците во Сенатот

Американскиот претседател Трамп си даде повеќе од максимална оценка за досегашната акција во Иран.

На воениот фронт ни оди многу добро, благо речено, би рекол. Некој праша: „На скала од 10, каде би ја оцениле (операцијата)?“ Јас реков: Околу 15. И ќе продолжиме да се справуваме добро. Имаме убедливо најдобра војска во светот. , изјави Доналд Трамп.

Во шестдневните напади врз Иран, според агенциите во Техеран, досега загинале над 1.300 луѓе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица пингопонгари ќе ги бранат боите на Македонија на Европското младинско првенство

Групната фаза на програмата на 15-ти Јуни, четворица наши ќе ги бранат боите на Македонија на Европското младинско првенство.

Четворица пингопонгари ќе ги бранат боите на Македонија на Европското младинско првенство

Мартин Ристески и Бојана Јовевска во категоријата до 15 години и Александар Јакимовски и Софија Хасану до 19 години ги играат првите натпревари на 15-ти Јули од 10 часот.

Во категоријата до 15 години Мартин Ристески се сретнува со Матејус Адамонис од Литванија.

Бојана Јовевска ќе игра против Солек Натиа од Полска

Во категоријата до 19 години настапуваат Софија Хасану против Ковалова Дариа од Украина, а Александар Јакимовски ќе ги одмери силите со Дусине Нејтан од Франција.

Европското пинг-понг првенство се одржува во Гондомар, Португалија, од 10 до 19 Јули.

Пинг-понгарска федерација на Македонија

Тагови: пинг понг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава против поранешен директор на ЈКП „Брегалница“-Делчево

Кривична пријава против поранешен директор на ЈКП „Брегалница“-Делчево поради „злоупотреба на службената положба и овластување“

Кривична пријава против поранешен директор на ЈКП „Брегалница“-Делчево

Надворешната канцеларија за криминалистички работи Делчево на 13.07.2026 поднесе кривична пријава против С.С.(61) од Делчево, поранешен директор на ЈКП „Брегалница“- Делчево, поради постоење основи на сомнение за сторено кривично дело ,„злоупотреба на службената положба и овластување“, по член 353 ст.1 во врска со член 45 ст.1 од КЗ.

С.С. како службено лице - директор на ЈКП „Брегалница“- Делчево ја злоупотребил службената положба и овластување со пречекорување на границите на своите службени овластувања, при што во периодот од 2023 до 2025 година, на вкупно 112 вработени во ЈКП „Брегалница“-Делчево им издал вкупно 92 решенија за зголемување на основната плата поради работна успешност, при тоа без да има предлози од непосреден раководител на работникот и без согласност на непосреден раководител на работникот, со што постапил спротивно на член 51 ст.1 од Колективниот договор за комуналните дејности и спротивно на член 81 ст.2 од Колективниот договор за уредување на правата, обврските и одговорностите од работниот однос на работниците од ЈКП „Брегалница“- Делчево и предизвикал вкупна материјална штета на јавното претпријатие од 267.873 денари.

Тагови: кривична пријава

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НЛБ Банка и „Прагма Продукција“ го официјализираа партнерството за претстојната летна концертна сезона

НЛБ Банка и „Прагма Продукција“ денеска го официјализираа партнерството за претстојната летна концертна сезона.

НЛБ Банка и „Прагма Продукција“ го официјализираа партнерството за претстојната летна концертна сезона

На заедничка прес-конференција ги најавија музичките настани што ќе ја одбележат летната програма, како и ексклузивните поволности што ќе бидат достапни за клиентите на НЛБ Банка, со посебен акцент на пакетот **nlb next**, наменет за младите.

На прес-конференцијата присуствуваа и членовите на дуото „Дупер“ и Слаткаристика, кои ги најавија претстојните настапи и ја поздравија иницијативата за поддршка на домашната музичка сцена.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер