САД и Иран меѓусебно се обвинуваат за нарушување на примирјето во Ормускиот теснец - Канал 5

Свет

САД и Иран меѓусебно се обвинуваат за нарушување на примирјето во Ормускиот теснец

Претседателот Доналд Трамп вели дека примирјето помеѓу САД и Иран и натаму е во сила откако двете војски разменија оган во Ормускиот Теснец. Нејасно е кој прв почнал да пука.

САД и Иран меѓусебно се обвинуваат за нарушување на примирјето во Ормускиот теснец

Врховната команда на иранската војска ги обвини САД за напад врз ирански танкер и уште едно пловило близу Ормускиот Теснец, како и за воздушни напади врз неколку крајбрежни области. Во исто време, САД кажаа дека во самоодбрана одговориле на ирански напад врз американски разурнувачи.

„Иран се поигруваше со нас, но ги разнесовме“, кажа Трамп.

Тој вчера најави дека договор со Иран е блиску, додека иранското министерство за надворешни работи соопшти дека се разгледува американски предлог за завршување на војната, која почна на 28 февруари.

Обединетите Арапски Емирати кажаа дека утрово активно реагирале на напад со дронови и проектили од Иран.

Иранските државни медиуми во прв момент известија за експлозии во Ормускиот Теснец, опишувајќи ги како „размена на оган со непријателот“, додека локални медиуми кажаа дека имало експлозии и во Техеран.

И додека Иран ги обвини САД за кршење на примирјето, Централната команда на американската војска ги опиша иранските напади како неиспровоцирани, велејќи дека три американски разурнувачи биле нападнати со дронови, проектили и бротчиња додека минувале низ Ормускиот Теснец.

„Ги елиминиравме заканите и ги таргетиравме иранските воени објекти одговорни за напад на американските сили. Ние не бараме ескалација, но остануваме позиционирани и подготвени да ги заштитиме американските сили“, соопшти командата.

Трамп дополнително кажа дека им била нанесена голема штета на иранските напаѓачи.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото „Жешката“ Италијанка„го запали“ Светското првенство и социјалните мрежите

Атрактивната италијанска ТВ водителка  Елеонора Инкардона импресионираше на самиот почеток на Светското  фудбалско првенство иако нејзината Италија не учествува на 23 Мундијал.

Фото „Жешката“ Италијанка„го запали“ Светското првенство и социјалните мрежите

Сексапилната Елеонора со серија фотки го запали социјалните мрежи и сега сите како што минуваат деновите, очекуваат нови изненадувања од неа.

Италијанската водителка Елеонора Инкардона, која многумина ја нарекуваат најубавата Италијанка, објави серија фотографии од Светското првенство, овој пат го следеше натпреварот помеѓу Франција и Сенегал.

Елеонора на мечот се појавила во комплет составен од панталони и топ, во светли нијанси.

Ефективна шминка и само една нараквица дополнително го надополнија целото издание, а Елеонора позираше со насмевка и уживаше во сите комплименти што ги привлече.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар го пропушта и 2 коло на Мундијалот

Ѕвездата на фудбалската селекција на Бразил, капитенот Нејмар  го пропушта и дуелот од 2 коло  против Хаити на Светскиот шампионат во САД, Канада и Мексико, потврди тамошната Федерација.

Нејмар го пропушта и 2 коло на Мундијалот

Нејмар нема да патува во Филаделфија за натпреварот од второто коло од групната фаза. Тој ќе остане во Њу Џерси, каде што влегува во завршната фаза од процесот на рехабилотација од повредата.

Синоќа Нејмар тренираше за прв пат откако се приклучи на репрезентацијата на Бразил за Светското првенство.

Тој работеше индивидуално во теретаната на хотелот каде што престојува делегацијата. Сè уште му е забрането да учествува во активности што бараат физички контакт.

Тој не одиграл официјален натпревар од 17 мај, а оттогаш е посветен на единствената цел - рехабилитација. Прашањето е дали ќе биде во протоколот за натпреварот против Шкотска на 25 јуни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани. 

Фото: Кралицата на провокациите повторно во секси бикини

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер