САД го критикуваа Советот за безбедност на ОН за признавањето на палестинската држава - Канал 5

Свет

САД го критикуваа Советот за безбедност на ОН за признавањето на палестинската држава

САД го критикуваа Советот за безбедност на ОН поради фактот што неколку големи западни земји неодамна ја признаа палестинската држава.

САД го критикуваа Советот за безбедност на ОН за признавањето на палестинската држава

Американскиот амбасадор во ОН, Мајк Волц во излагање пред Советот за безбедност на ОН ја „перформативна“ конференцијата на ОН за промовирање на решението за две држави на Блискиот Исток, чии домаќини беа Франција и Саудиска Арабија.

- За жал, вчерашната конференција зборуваше за домашната публика, но ќе ја продолжи оваа трагична војна во Газа и ќе го продолжи страдањето“, рече Волц, додавајќи дека палестинската милитантна организација Хамас „денес е охрабрена по таа конференција“.

Волц, исто така, ги повтори тврдењата на американскиот претседател Доналд Трамп дека палестинската група одбила неколку разумни понуди за прекин на огнот во Газа, што Хамас го отфрли.

Генералниот секретар на ОН, Антонио Гутереш, ја поздрави конференцијата, зборувајќи за „блескава надеж среде темнината од последните неколку месеци“.

За време на конференцијата, која се одржа пред генералната дебата на Генералното собрание на ОН, Франција и Белгија ја признаа државата Палестина. Еден ден претходно, Обединетото Кралство, Канада, Австралија и Португалија го направија истото.

Други земји, исто така, изразија солидарност со Палестина и со луѓето во Појасот Газа во Советот за безбедност.

- Газа е катастрофа создадена од човек, рече словенечката министерка за надворешни работи Тања Фајон и додаде дека „во ситуацијата таму доминираат смрт и очај“.

Данскиот министер за надворешни работи Ларс Локе Расмусен го повика Израел „веднаш да го промени својот курс“.

- Војната во Газа мора да заврши, нагласи тој.

Волц, исто така, се пожали дека специјалниот состанок на Советот за безбедност бил закажан за вторник. Рош Хашана, еврејската Нова година, почна во понеделникот вечерта и трае до среда.

- Сметаме дека е длабоко за жалење што членките на Советот избраа да го свикаат овој брифинг на високо ниво на Советот за безбедност на ОН за Газа на Рош Хашана – еврејската Нова година – знаејќи дека таа одлука го исклучува Израел, рече Волц.

- Искрено, колеги, тоа е доказ за тоа како овој Совет даде приоритет на многу перформанси наместо на сериозни напори за напредок кон мирот, рече тој.

Тагови: Обединетите нации

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС се ставија на страната на талогот предводена од Заев и Филипче

СДС се ставија на страната на талогот  предводена од Заев и Филипче, нивниот страв е стравот од одговорноста кој ќе се случи неминовно.

ВМРО-ДПМНЕ: СДС се ставија на страната на талогот предводена од Заев и Филипче

Една корекција на колегите од СДС, граѓаните не се талог на општеството, но со оглед на тоа што СДС се почувствуваа засегнати, сами се ставија на страната на талогот. Истиот тој талог составен од банда криминалци, на чело со Зоран Заев и Венко Филипче, кои шират дефитизам и нихилизам додека одмараат на грчките плажи со украдените пари од граѓаните. Ете тој талог ќе биде поразен и нивниот страв е стравот од одговорноста кој ќе се случи неминовно.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка несреќа во Италија: Шестмина загинати, 30 повредени

 Шест лица загинаа, а 30 се повредени во сообраќајна несреќа што се случи денеска на автопатот во италијанската провинција Риети, во близина на езерото Вентина, соопштија полициски извори.

Тешка несреќа во Италија: Шестмина загинати, 30 повредени

Според полициски извори, загинале двајца возачи на автобус и двајца патници, додека другите две жртви биле во камперот, пренесува „Кориере дела сера“. Од 30-те лица повредени во судирот, тројца се во тешка состојба.

Во челниот судир меѓу кампер што се движеше кон Терни и автобус што се движеше по спротивната лента, кон Риети, учествуваа и три автомобили.

Камперот вклучен во судирот беше целосно уништен, додека еден автомобил се преврте.

Причината и деталите за несреќата сè уште се предмет на истрага.

Тагови: сообраќаен хаос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

ВИДЕО: Хеликоптери се судрија при гаснење пожар во Грција – извлечени телата на пилотите

Грчката противпожарна служба потврди дека се извлечени телата на пилотите чиј хеликоптер експлодираше и се урна по судирот со друг хеликоптер за време на мисија за гаснење пожар во Грција.

ВИДЕО: Хеликоптери се судрија при гаснење пожар во Грција – извлечени телата на пилотите

Пилотот бил Данец, а копилотот Грк, објави државниот сервис ERT. Со нивната смрт, вкупниот број на жртви од шумските пожари во Грција се искачи на пет, по смртта на тројца пожарникари на Крит и на Пелопонез минатата недела.

ERT емитуваше снимка на која се гледа како роторот на едниот хеликоптер удира во другото летало, по што тоа експлодира и во пламен паѓа на земјата.

Двајца членови на екипажот од вториот хеликоптер го преживеале инцидентот откако пилотот успеал да изведе принудно слетување, објави медиумот.

Хеликоптерите се судрија додека гаснеле пожар западно од Атина.

Започната е голема операција за пребарување и спасување во областа близу селото Псата, соопшти противпожарната служба.

Во меѓувреме, пламените јазици од огромен пожар, што беснее на околу 50 километри западно од Атина, се проширија до непосредна близина на градот Мегара, кој брои околу 36.000 жители. Според првичните проценки, од петокот досега се уништени повеќе од 10.000 хектари шума, како и куќи, штали и земјоделско земјиште, објави ЕРТ. Стотици припадници на службите за итни интервенции, вклучително и пожарникари од Романија и Франција, се борат со големиот пожар што беснее околу густо пошумениот планински венец Китерон.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер