Сѐ погласни се најавите САД да извршат копнена инвазија врз Иран - Канал 5

Свет

Сѐ погласни се најавите САД да извршат копнена инвазија врз Иран

Ситуацијата на Блискиот Исток и натаму е тензична и покрај состанокот во Пакистан на шефовите на дипломатии на Турција, Саудиска Арабија и Египет со цел дееескалација на војната... 

Сѐ погласни се најавите САД да извршат копнена инвазија врз Иран

Министрите за надворешни работи на Пакистан, Турција, Саудиска Арабија и Египет се состанаа во Исламабад, во обид да ја деескалираат војната на Блискиот Исток додека илјадници американски маринци пристигнаа во регионот со цел како што тврди Техеран, да извршат копнена инвазија на Иран. Државниот секретар на САД, Марко Рубио, пак очекува војната да заврши наскоро.

„Како што Министерството за војна постојано нагласува, ние сме на или пред распоредот во таа операција и очекуваме да ја завршиме во соодветно време за неколку недели, а не месеци, а напредокот оди многу добро.“

Претседателот на Иранскиот парламент, Мохамед Багер Галибаф, порача дека иранските сили се подготвени да ги елиминираат американските трупи кои ќе пристигнат на Иранска територија. Исто така, по нападите врз универзитетски кампуси во Иран, Техеран се закани дека ќе одговори реципрочно по универзитети во САД и Израел доколку Вашингтон не ги осуди нападите.

Со влегувањето во војната на Јеменските хути кои ветија напади врз Израел, Блискиот Исток се соочува со нова ескалација, а во меѓувреме Либија го обвини Израел за воено злосторство по ракетните напади во кои загинаа над 50 медицински лица и неколкумина новинари. Иако американскиот претседател Доналд Трамп му даде рок на Техеран до 6ти април да го отвори Ормутскиот теснец а побара помош и од Европските партнери, засега тие остануваат на ставот дека Европа ќе помогне со патролата на Ормутскиот теснец само откако војната ќе заврши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Трагедија во Грција: Гром удри во директорка на гимназија пред учениците

50-годишна жена била пренесена во болница откако доживеала срцев удар во областа на полициската станица во Илиополи, предградие на Атина.

Трагедија во Грција: Гром удри во директорка на гимназија пред учениците

Директорката на Второто средно училиште во Илиополи, која наводно доживеала срцев удар пред училиште во областа, откако била удрена од гром, според неофицијални информации.

Според информациите, жената била преземена од екипата на Итната медицинска помош (EKAB), која веднаш започнала со кардиопулмонална реанимација (CPR) и ја продолжила постапката континуирано во текот на целиот нејзин транспорт. Пред да ја преземат Итните служби, медицински техничар од основното училиште ѝ обезбедил и CPR.

50-годишната жена немала витални знаци кога амбулантното возило пристигнало во болницата, но лекарите успеале да ја реанимираат. Според информациите, таа е интубирана во болницата.

Првичните извештаи дека срцев удар може да биде поврзан со удар од гром во областа не се потврдени. Околностите околу инцидентот се испитуваат. Жената се струполила на улицата пред училиштето, што ги натерало минувачите да повикаат помош, а екипа на брза помош веднаш пристигнала на местото на настанот, објавија грчките медиуми.

Тагови: гром директорка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По пукањето во Маниса приведени малолетникот, неговите родители и дедо му - 11 се ранети

Турскиот министер за правда, Акин Гурлек, изјави дека 11 ученици се повредени во вооружениот инцидент што утрово се случи пред средно училиште во Маниса, од кои двајца се тешко повредени.

По пукањето во Маниса приведени малолетникот, неговите родители и дедо му - 11 се ранети

Гурлек соопшти дека малолетникот кој пукал пред училиштето е приведен, како и неговите родители и дедо му.

Инцидентот се случил околу 8 часот наутро по локално време во градот Тургутлу, во близина на Измир. Напаѓачот побегнал од местото на настанот, но брзо потоа бил фатен и уапсен од полицијата. Тој е снимен од камери за видеонадзор – облечен е во темна облека, а во раката држи пушка.

Мотивот за нападот сè уште е непознат, а за случајот е покрената истрага.

Тагови: Маниса

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ќе отворат две нови воени бази на Гренланд во рамките на договорот со Данска

Данска кажа дека договорот ја става безбедноста на арктикот под надзор на НАТО, наместо да им биде препуштена исклучиво на САД и Данска.

САД ќе отворат две нови воени бази на Гренланд во рамките на договорот со Данска

САД планираат повторно да воспостават воена база од времето на студената војна во јужен Гренланд и да отворат уште една на источниот брег, во рамките на договорот што треба да го потпишат со Данска и Гренланд денеска во рамките на Генералното собрание на Обединетите Нации во Њујорк.

Текстот на договорот не е јавно објавен, а три лица запознати со него изјавија дека деталите нема да бидат финализирани сè додека договорот не се потпише.

Данска кажа дека договорот ја става безбедноста на арктикот под надзор на НАТО, наместо да им биде препуштена исклучиво на САД и Данска.

Договорот доаѓа по повеќемесечниот притисок од Доналд Трамп, кој бараше САД да имаат контрола врз Гренланд и во одредени моменти не ја исклучуваше можноста за употреба на воена или економска сила за преземање на оваа полуавтономна данска територија. Заканите на Трамп, кои го достигнаа својот врв во јануари, предизвикаа дипломатска криза во рамките на НАТО.

Тагови: Гренланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер