СветРуте: НАТО и Јапонија стојат заедно во заштита на заедничките вредности, слободата и мирот- Ќе бидеме побезбедни кога работиме заедно, заклучи Руте. Дополнителното зајакнување на соработката меѓу НАТО и Јапонија е од клучно значење за безбедност и стабилност на Евроатлантскиот и на Индо-пацифичкиот регион, порача генералниот секретар на Алијансата, Марк Руте на заедничката прес-конференција со јапонскиот премиер Шигеру Ишиба во Токио. - Русија продолжува да води војна против Украина, нејзината економија е на воена основа и не се откажа од своите амбиции за преобликување на европската безбедност. Во меѓу време, Кина се стреми кон големо воено засилување, се обидува да ги контролира клучните технологии, критичната инфраструктура и синџирите на снабдување и продолжува со дестабилизирачки активности во Индо-Пацификот. Гледаме и севернокорејски трупи и оружје кои се користат против Украина, во замена за поддршката на Русија на нелегалните програми за оружје на Северна Кореја, рече Руте Според него, во ваков се поопасен свет, НАТО и Јапонија стојат цврсти за да ги заштитат заедничките вредности, слободата и мирот. - Заедно, ја поддржуваме Украина, затоа што исходот од оваа војна не е важен само за европската безбедност, туку и за глобалната стабилност, нагласи Руте Тој го поздрави планот на Јапонија за инвестирање на средства за одбраната на ниво од два отсто од нејзиниот БДП до 2027 година и нејзините континуирани инвестиции за зајакнување на вооружените сили. - Ќе бидеме побезбедни кога работиме заедно, заклучи Руте. Во заедничката изјава по нивната средба во Токио, Руте и Ишиба го нагласуваат споделувањето од страна на Јапонија и НАТО на стратешките интереси и заеднички вредности, како што се слободата, демократијата, човековите права и владеењето на правото и потенцираа дека нивното партнерство е од стратешко значење за Евроатлантскиот и Индо-пацифичкиот регион. - Ја потврдуваме нашата посветеност на меѓународниот мир и стабилност. Безбедноста на Евроатлантскиот и на Индо-пацифичкиот регион се меѓусебно поврзани и се соочуваме со многу исти предизвици. Силно НАТО е во корист и за Јапонија. Го споделуваме верувањето дека во променливо и неизвесно безбедносно опкружување, продолжувањето на соработката Јапонија-НАТО ќе биде од корист за безбедноста и издржливоста на Евроатлантскиот и Индо-пацифичкиот регион, се наведува во писмената изјава. Во неа се посочува и дека НАТО и Јапонија сметаат оти руската агресија врз Украина е сериозно кршење на меѓународното право, вклучително и на Повелбата на ОН, како и дека двете страни ја потврдуваат важноста на тековните дипломатски напори од страна на релевантните земји за постигнување сеопфатен, праведен и траен мир. - Силно ја осудуваме зголемената воена соработка меѓу Северна Кореја и Русија, вклучувајќи ја руската употреба на севернокорејски ракети против Украина и ангажирањето на севернокорејските трупи во борбите во Украина. Споделуваме длабока загриженост за каква било политичка, воена или економска поддршка што Русија може да ја даде на програмите за нелегално оружје на Северна Кореја и ги повикуваме Русија и Северна Кореја веднаш да престанат со сите такви активности и да се придржуваат до релевантните Резолуции на ОН, се вели во изјавата. Руте и Ишиба изразуваат и загриженост за кинеската поддршка на руската одбранбена индустриска база и ја повикуваат Кина да го поддржи меѓународното право, спротивставувајќи се опасното ширење на руската агресија врз Украина, како и да се заложи за спроведување на сите релевантни Резолуции на ОН. Во документот се осудува и развојот на севернокорејската нуклеарна и балистичка ракетна програма, се потврдуваме важноста од целосна денуклеаризација на Северна Кореја во согласност со релевантните Резолуции на ОН. - Ја потврдуваме важноста на Договорот за неширење на нуклеарно оружје (НПТ) како камен-темелник на глобалната архитектура за нуклеарно неширење и разоружување и како рамка за меѓународната соработка во споделувањето на мирољубивата употреба на нуклеарната енергија, науката и технологијата, се додава во изјавата. Фото: ЕПАТагови: јапонија Марк Руте НАТО Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МетеоУтрото ќе биде студено, во текот на денот сончево со умерена облачностУтрото ќе биде ведро и студено. Во текот на денот сончево со мала до умерена облачност.Ќе дува слаб до умерен ветер од северен правец. Минималната температура ќе биде во интервал од -2 до 7, а максималната ќе достигне од 19 до 27 степени. Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 3, а максималната ќе достигне до 26 степени. За време на викендот времето ќе биде сончево. Од понеделник ќе биде сончево со променлива облачност во текот на денот. Утрата ќе бидат ведри и студени со ниски температури кои наместа ќе се спуштат под нула степени.Тагови: УХМР Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ХороскопДневен хороскоп за 3. октомври 2026 годинаДневен хороскоп за сабота, 3 октомври 2026 година. Вага 24.9.-23.10. Љубов Вашите емоции ќе испливаат на површина. Некои ќе се затекнат како излегуваат или ќе бидат поврзани со млади личности. Кариера Посебните задачи ќе ги решавате со својата креативност и уметнички талент . Ќе успеете во тоа. Здравје Уживајте во спортот или во уметноста. Шкорпија 24.10-22.11. Љубов Ќе бидете задоволни со своите лични односи. Ќе се потрудите својата среќа да ја споделите со широк круг на луѓе. Кариера Во деловната кореспонденција ќе внесете од својот шарм , а љубезниот пристап ќе ви отвори бројни врати. Здравје Денеска знаете што сакате. Стрелец 23.11.-21.12. Љубов Колку и да се трудите за да го подобрите својот личен живот , денеска работите поврзани со него ќе ви излегуваат од контрола. Кариера Ќе покажете дека вашиот однос со надредените доста хаотичен. Како тука да се знае кој тука пие , а кој плаќа. Здравје Ќе водите војна со апетитот. Јарец 22.12.-20.1. Љубов Кај вас денеска ќе се јави потреба за слобода , па оние мкои се во врска ќе сакаат малку да бидат сами или пак ќе одат во големо друштво. Кариера Ќе бидете многуз адоволни од изврпшените анализи или со резултатите од претходниот период. На тоа се надоврзуваат нови идеи. Здравје Помогнете му на член од семејството. Водолија 21.1.-19.2. Љубов Ќе сфаттите дека минувате низ еден доста фрустрирачки ден кога станува збор за љубовта. Едноставно издржете. Кариера Вашата потреба за да ги наметнете своите идеи ќе биде силна , но реалната состојба ќе биде таква што никој нема да ве сфати сериозно. Здравје Трпение, спасение. Риби 20.2.- 20.3. Љубов Повеќето од вас ќе бидат расположени за раскажување бајки , ддодека реалната ситуација ќе биде поинаква. Не правете драма ако некој ве спушти на земја. Кариера Мали приходи ќе доцнат , а вие поради тоа ќе се чувствувате помалку сигурни. Сепак , контактите и натаму ви се добри. Здравје Не истражувајте премногу. Овен 21.3-20.4. Љубов Ќе бидете упорни во изразувањето на своите идеали. Некои би можеле да претерат со тоа. Одрекнете се од совршенството. Кариера На службено патување или на поголем состанок би можело да дојде до непрофесионално однесување . Здравје Прво смислете што ќе кажете , па потоа зборувајте. Бик 21.4- 20.5. Љубов Тешко дека нешто може да ја помати вашата среќа. Дури и малите семејни недоразбирања ќе ги решите со леснотија. Кариера Ќе најдете оригинален начин за да победите во малите битки .Вашата стратегија е за секоја пофалба. Здравје Не се напрегајте толку многу . Близнаци 21.5.-21.6. Љубов Без оглед што не го наоѓате она задоволство во љубовта какво што очекувате , ќе успеете се за да свртите во насока на добра забава. Кариера Во соработката со другите ќе покажете како може да се работи поинаку , понеобично и пооригинално. Здравје Може да ве прогласат за генијалец на денот. Рак 22.6-22.7. Љубов Повторно малку ќе загубите компас , а другата страна ќе се прашува што вие всушност сакате. Дефинирајте го својот став. Кариера Своите шефови денеска би можеле пријатно да ги изненадите со еден свој необичен финансиски предлог. Здравје Слушајте го својот внатрешен глас. Лав 23.7-22.8. Љубов Многумина денеск ќе бидат маѓепсани , вљубени и она што не е типично за нив , ќе ја заборават реалноста. Но , ќе им биде убаво. Кариера Веројатно ќе ги анализирате резултатите од една работа и ќе заклучите дека тие би можеле да бидат подобри. Сепак , генерално , работите подобро. Здравје Немојте да бидете практични. Девица 23.8.-23.9. Љубов Во сегашните одлични лични односи денеска ќе внесете малку фантазија и така дополнително ќе ги подобрите. Некои ќе бидат навистина оригинални. Кариера Работата ќе ја одработувате со уживање и леснотија , а покрај сето тоа би можеле да предложите и некои сосема нови методи во работата. Здравје Силни сте и здрави.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Шоу бизЌерката на Никол Кидман го оствари сонот што го имала на 16 години: „Плачев од среќа“Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари. „Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм. Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез. Советот на Никол Кидман за нејзината ќерка Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“. „Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера. View this post on Instagram A post shared by 🧚🏻♀️ (@sundayrose) „Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“Тагови: никол кидман Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter