Свет

Руте: Безбедноста на Украина е безбедност на сите нас

Генералниот секретар на НАТО, Марк Руте, денес предупреди дека Украина се соочува со својата „најсурова зима“ во повеќе од една деценија.

Генералниот секретар на НАТО, Марк Руте, денес предупреди дека Украина се соочува со својата „најсурова зима“ во повеќе од една деценија и ги повика пратениците на ЕУ да не бидат „премногу рестриктивни“ во врска со тоа како ќе се користи заемот од ЕУ од 90 милијарди евра.

Руте им рече на европратениците дека се во тек мировни преговори предводени од САД, пофалувајќи го водството на САД во иницијативата, но исто така споменувајќи ја „Коалицијата на волјата“ предводена од ЕУ и нејзината работа за безбедносни гаранции, објавува „Гардијан“.

Целта, рече тој, треба да биде да се постигне мировен договор или долгорочен прекин на огнот „и да се молиме тоа да се случи што е можно поскоро“, а потоа да се осигури дека рускиот претседател Владимир Путин „никогаш, никогаш“ повеќе нема да ја нападне Украина.

Руте нагласи дека НАТО продолжува да ја поддржува Украина со американска воена опрема во вредност од милијарди долари, која доаѓа преку механизмот на Листата со приоритетни потреби на Украина (PURL), како и преку помали, национални иницијативи.

Тој, исто така, ги повика пратениците на ЕУ да не бидат „премногу рестриктивни“ во врска со тоа како ќе се користи заемот од ЕУ од 90 милијарди евра за безбедност, за да не му биде уште потешко на Киев да ги троши доделените средства.

„Безбедноста на Украина е безбедност на сите нас“, нагласи Руте.

Според него, земјите од ЕУ треба да покажат флексибилност во начинот на кој Украина може да го користи заемот од 90 милијарди евра од ЕУ за купување оружје и финансирање на својот буџет.

Генералниот секретар на НАТО додаде дека ЕУ не треба да наметнува правило „купи европско по секоја цена“.

„Ве повикувам силно да обезбедите флексибилност во начинот на кој овие средства можат да се трошат и да не бидете премногу рестриктивни со условите „купи ЕУ““, им рече Руте на европратениците.

Според него, Европа сега гради сопствена одбранбена индустрија и ова е клучно, но во моментов не може да обезбеди ни приближно доволно од она што ѝ е потребно на Украина за да се одбрани денес и да одврати нови напади утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Италијанското трио „Кимера“ со целовечерен концерт на „Охридско лето“

Музичката програма на фестивалот „Охридско лето“ вечерва продолжува со концертот на триото „Кимера“ од Италија што ќе се одржи во црквата „Света Софија“ со почеток во 21 часот.

Триото го сочинуваат пијанистката Марта Черета, виолинистот Стефано Ракањи и виолончелистот Џорџо Лукини. „Кимера“ е оформено под менторство на Патрик Јуед на Високата школа за уметности во Берн и неговите членови се здобиваат со магистериум по камерна музика во 2023 година. Во Италија студираат со квартетот „Кремона“ во Центарот за гудачки инструменти „Стауфер“, а постдипломските студии ги завршуваат на Конзерваториумот „А. Боито“ во Парма под стручно менторство на квартетот „Парма“.

Инспирација и искуство црпат од соработките со Миша Мајски, Амирам Ганц од триото „Алтенберг“, од Антонио Менезес и од Екарт Рунге кој е член на квартетот „Артемис“.

Триото е официјален член на Европската академија за камерна музика. Во 2022 година ја добива наградата „Најдобар италијански ансамбл“ на натпреварот за камерна музика „Филипо Никозија“, потоа во 2023 и 2024 година добиваат втори нагаради и награди за најдобра изведба на современо дело на натпреварот „Луиџи Ноно“ и прва награда на натпреварот во Ланкастер. Во 2025 година се закитуваат со прва награда на натпреварот во Бусан во Јужна Кореја, и на натпреварот „Алберто Бури“ во Кастело.

Настапуваат во повеќе концертни сали низ Европа во Барселона, Мадрид, Будимпешта, Вилнус и Париз, а во 2023 година настапуваат во Адис Абеба со Симоне Грамаљија со кој одржуваат и семинар за студентите на Универзитетот „Јаред“. Во 2024 година дебитираат на турнеја во САД каде одржуваат повеќе концерти во Вашингтон и во други градови. Во Италија настапуваат во Сполето, Милано, Виченца, Јеси, Верчели и др. Во 2022 година на покана на Универзитетот во Тирана одржуваат 2 концерти и семинар заедно со Јоханес Крец, Јана Андреевска и Анелис ван Парис. Во 2023 година се резидентен ансамбл за Натпреварот за композиција на Академијата „Финци“ во Милано, а во 2025 година за нив пишува дело композиторот Фабио Ваки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ужасни бројки од Венецуела: Скоро 5.000 загинати

Бројот на загинати во двата земјотреси во Венецуела минатиот месец се искачи на 4.829, соопшти претседателот на Националното собрание на земјата, Хорхе Родригез.

Тој изјави дека бројот на повредени во земјотресите што се случија на 24 јуни останал непроменет и изнесува 16.740, пренесе Ројтерс.

Родригез наведе дека 17.907 лица останале без дом. Два силни земјотреса ја погодија Венецуела на 24 јуни – првиот, со јачина од 7,2 степени, погоди област на околу 160 километри западно од Каракас, а по 39 секунди уследи уште посилен земјотрес со јачина од 7,5 степени.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Џиџи Хадид објави ретка фотографија со Бредли Купер

Популарниот холивудски пар манекенката Џиџи Хадид и актерот Бредли Купер не сака да ја експонира својата врска, а сега ги изненади сите со кадри од одморот на Инстаграм.

Еден од најбараните модели, Џиџи Хадид (31), и холивудскиот актер Бредли Купер (51) се пар што привлекува големо внимание во светскиот шоу-бизнис.

Нивната романса првпат стана јавна кон крајот на 2023 година, кога се појавија гласини дека меѓу нив има нешто повеќе од пријателство.

Со текот на времето, тие станаа сè поблиски, а извори блиски до парот наведоа дека нивната врска се заснова на разбирање, поддршка и заедничко време што успеваат да го најдат и покрај бројните деловни обврски.

Според информациите, Џиџи и Бредли не брзаат со носење важни животни одлуки, туку уживаат во врската што постепено ја градат, иако се ширеа гласини дека актерот веќе ја побарал раката на својата избраничка.

Наводно, Бредли совршено се вклопил во кругот на семејството и пријателите на Џиџи, а оние што ги познаваат забележуваат колку е опуштена и среќна манекенката кога е со него.

Особено е значајно тоа што нејзиното семејство позитивно гледа на нивната врска и го цени начинот на кој актерот се однесува кон неа. Џиџи сега ги објави првите заеднички фотографии од одморот, а коментарите од воодушевените фанови постојано пристигнуваа:

Тагови: Бредли Купер џиџи хадид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.