Технологија

Руското вселенско летало удри од површината на Месечината и се распадна (ФОТО)

Рускиот вселенски брод Луна-25 се урна на површината на Месечината еден ден откако беше пријавена „ненормална ситуација“ и се загуби, пренесе руската новинска агенција Тас.

Како што соопшти руската државна вселенска агенција Роскосмос, комуникацијата со леталото е прекината.

„Според прелиминарните пресметки, Луна-25 се префрли на неочекувана орбита и се судри со површината на Месечината“, објави Роскосмос, кој, да потсетиме, вчера објави „ненормална“ ситуација на леталото откако беше испратен сигнал од Земјата дека требаше да започне процесот на подготовка на леталото за слетување на површината на Месечината.

Во денешното соопштение за медиумите, Роскосмос додава дека веднаш била формирана специјална меѓуресорска комисија, која треба да ги истражи причините кои довеле до губење на леталото во кое немало екипаж.

„Роскосмос“, да потсетиме, објави „ненормална ситуација“ на својот вселенски брод Луна-25. „За време на операцијата дојде до ненормална ситуација во автоматската станица, која не дозволи да се изврши маневрот со избраните параметри“, објави Роскосмос во краткото соопштение.

Руско вселенско летало требаше да слета на јужниот пол на Месечината во понеделник, дел од големата трка за истражување на дел од Месечината за кој научниците веруваат дека може да содржи замрзната вода и скапоцени елементи. Експертите ја анализираат ситуацијата, се вели, но без дополнителни детали.

Претходно Роскосмос објави дека ги добил првите резултати од мисијата Луна-25 и дека се анализираат. Агенцијата објави и фотографии од лунарниот кратер Земан направени од леталото. Кратерот е трет најдлабок на јужната хемисфера на Месечината, како што се наведува, со дијаметар од 190 километри и длабочина од осум километри.

The lunar probe "Luna-25" captured its initial image of the lunar landscape, revealing the Zeeman crater located at the southern pole of the Moon's far side. pic.twitter.com/UxUotwxk0o
— Space and Technology (@spacetech94) August 19, 2023

Роскосмос претходно соопшти дека досега добиените податоци обезбедуваат информации за хемиските елементи во лунарната почва и исто така ќе ја олеснат работата на уредите дизајнирани да ја проучуваат површината на Месечината. Се додава дека опремата на леталото регистрирала „удар на микрометеорит“.

Да потсетиме, руското летало на Месечината влезе во орбитата на Месечината пред четири дена, што претставува голем чекор кон остварување на амбицијата на Русија да стане првата вселенска сила која ќе изврши меко слетување на Јужниот пол на единствениот природен сателит на Земјата во потрага по замрзната вода.

Роскосмос пред четири дена објави дека вселенската сонда Луна-25 влегла во орбитата на Месечината во 11:57 часот по московско време или 8:57 часот по средноевропско време. Руската вселенска сонда, која е со големина колку мал автомобил, тежи околу 1.800 килограми и беше лансирана минатиот петок од космодромот Восточни. Таа требаше да спроведе истражување на јужниот пол на Месечината околу една година.

Во таа област, научниците од НАСА и други вселенски агенции открија траги од замрзната вода во кратерите во последните неколку години. Постоењето на вода на Месечината е важно за големите вселенски сили бидејќи ќе им овозможи на луѓето да останат таму подолг временски период, што пак би овозможило ископување вредни лунарни ресурси.

Москва последен пат ја испрати сондата Луна-24 на Месечината пред речиси половина век, на почетокот на 1976 година кога Русија сè уште беше дел од Советскиот Сојуз, изјави Анатолиј Зак, основач на www.RussianSpaceWeb.com, кој ги следи руските вселенски програми.

„Влегувањето во орбитата на Месечината е апсолутно клучно за успехот на овој проект. Некои ова го нарекуваат втора лунарна трка, па затоа е многу важно Русија да продолжи со оваа програма. Луна-25 не е само една мисија, туку дел од многу поширока Руска стратегија која опфаќа десет години во иднина“, изјави Зак, повторувајќи дека ова е прв пат да се случи тоа во постсоветската ера. Луна-25 беше дел од руската лунарна програма, која предвидува изградба на вселенска станица на Месечината до 2040 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Почина принцезата Астрид од Норвешка

Норвешката принцеза Астрид, постарата сестра на покојниот крал Харалд V, почина на 94-годишна возраст, соопшти кралската палата.

Нејзиниот брат Харалд почина минатиот месец на 89-годишна возраст, по повеќе од 35 години на тронот. Принцезата Астрид го имаше своето последно јавно појавување на неговиот погреб во среда.

Почина норвешката принцеза, сестра на кралот кој почина минатиот месец

„Принцезата Астрид го претставуваше кралското семејство на топол и совесен начин во текот на целиот нејзин долг живот“, изјави кралот Хакон VIII во соопштението.

Норвешка во среда одржа едноминутно молчење на погребот на Харалд V, современа личност која ги поврзуваше луѓето среде низа скандали што го означија крајот на неговото владеење. Значајни меѓу нив беа врските на неговата снаа Мете-Марит со покојниот сексуален престапник Џефри Епштајн и пресудата за силување на нејзиниот син Мариус Борг Хоиби.

Харалд се качи на престолот во 1991 година и беше најдолго владејачкиот монарх во Европа до неговата смрт. Тој секогаш одбиваше да абдицира и покрај бројните здравствени проблеми и беше исклучително популарен меѓу своите сограѓани.

Извор: Индекс.хр

Тагови: Норвешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Времен режим на сообраќај на ГП „Делчево“

Од 10.09.2026 година, поради започнати градежни активности на патната инфраструктура во рамки на целосната реконструкција на Граничниот премин „Делчево“, воведен е времен режим на сообраќај.

За времетраење на градежните работи, сообраќајот за моторни возила на влез и излез од државата ќе се одвива по една сообраќајна лента во секој правец, поради што капацитетот за проток на возила на граничниот премин е намален и можни се подолги задржувања.

Апелираме до граѓаните, доколку се во можност, да ги користат соседните гранични премини, со цел да се избегнат подолги чекања и да се овозможи непречено одвивање на сообраќајот.

Ги замолуваме сите учесници во сообраќајот за трпение, внимателно возење и почитување на поставената сообраќајна сигнализација и насоките на надлежните служби.

Тагови: ГП „Делчево“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување возило“

Девет возеле без возачка дозвола и еден за време на активна забрана.

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување возило“ по член 297-а од Кривичниот законик.

Од нив, девет управувале возило без положен возачки испит и тоа: Б.Б.(26), А.Д.Ј.К.(19), Х.И.(20) и Б.Д.(21) од Скопје, Х.С.(49) и Ј.А.(49) од Тетово, У.М.(35) од Виница, И.Т.(48) од Кочани и Д.А.(29) од Македонска Каменица. Од слобода е лишен и С.М.(47) од Кочани затоа што возел за време на активна забрана. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.