Руско МНР: ЕУ изгубила 1,6 трилиони евра поради антируските санкции од 2022 до 2025 година - Канал 5

Руско МНР: ЕУ изгубила 1,6 трилиони евра поради антируските санкции од 2022 до 2025 година

 Министерството за надворешни работи на Русија соопшти дека економиите на европските земји изгубиле до 1,6 трилиони евра од 2022 до 2025 година поради антируските санкции.

Руско МНР: ЕУ изгубила 1,6 трилиони евра поради антируските санкции од 2022 до 2025 година

„Во последните години Русија е изложена на мерки на економски притисок од страна на западните земји. И покрај тоа, руската економија покажа висок степен на отпорност и приспособливост и продолжи со сигурен раст. Стана очигледно дека едностраните принудни мерки им нанесуваат тежок удар на самите иницијатори“, се наведува во соопштението по повод заседанието на Генералното собрание на ОН посветено на Меѓународниот ден на борбата против едностраните принудни мерки.

Во соопштението се додава дека Москва е убедена дека таквите средства за притисок сериозно го попречуваат формирањето на праведен и рамноправен полицентричен светски поредок.

„Ваквите мерки служат како еден од главните инструменти на неоколонијалната политика на колективниот Запад. Нејзината цел е јасна - да се одржи недостижната доминација, да се лишат земјите од светското мнозинство од правото на независен политички избор и да се забави нивниот технолошки и индустриски развој“, истакнаа од руското МНР.

Исто така, беше наведено дека Москва, заедно со одговорните членки на Светското мнозинство (Глобален југ), ќе продолжи да се бори против незаконските еднострани мерки и другите форми на неоколонијализам.

Западот го засили економскиот притисок врз Русија поради случувањата во Украина, што доведе до раст на цените на електричната енергија, горивото и храната во Европа и САД. Од почетокот на таканаречената „специјална операција“, Европската Унија веќе воведе 19 пакети рестрикции.

„И покрај тоа, Русија се справува со притисокот, додека од Запад често доаѓаат мислења дека воведените ограничувања се неефикасни. Истовремено, на земјите кои се приклучија на санкциите им недостасува храброст да го признаат неуспехот на антируската политика“, се заклучува во соопштението.

Како што претходно истакна претставникот на Кремљ, Дмитриј Песков, санкциите се „оружје со две острици“. Русија повеќепати нагласи дека таквите еднострани мерки ги смета за незаконски и се противи на нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Објавен план за примирје меѓу Украина и Русија

Американскиот претседател Доналд Трамп изјави дека Соединетите Држави работат на постигнување поширок прекин на огнот меѓу Украина и Русија.

Објавен план за примирје меѓу Украина и Русија

Целта е да се прошират претходните хуманитарни договори што овозможија евакуација на цивили од воените подрачја.

Во интервју за „Фокс њуз“, Трамп ја истакна улогата што првата дама Меланија Трамп ја имаше во претходните хуманитарни иницијативи. Според него, Вашингтон сега се обидува да примени сличен модел на многу поголема територија.

„Беше прекрасно. Тоа беше прекин на огнот. Луѓето беа евакуирани од градовите и населените места, што веројатно им ги спаси животите. Сега работиме на верзија од тоа, но во поголеми размери“, рече Трамп.

Американскиот претседател не изнесе детали за тоа како би функционирало новото примирје, кои области би ги опфатило, ниту пак дали Русија и Украина веќе се согласиле на американскиот предлог.

Трамп, исто така, ја пофали Меланија Трамп за нејзиниот ангажман во хуманитарни иницијативи и за соработката со официјални лица и посредници вклучени во евакуацијата на цивили. „Сега преминуваме кон поширок формат“, рече американскиот претседател.

Според „Фајненшал тајмс“, администрацијата на Трамп се обидува да постигне договор за ставање крај на војната до почетокот на јануари, пред демократите да го преземат мнозинството во двата дома на американскиот Конгрес.

Демократите ќе ја преземат контролата врз Претставничкиот дом и Сенатот по победата на изборите на 3 ноември, што би можело да го промени политичкиот контекст во кој Трамп ги води преговорите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Честитка од претседателката Сиљановска-Давкова по повод 22 Ноември – Денот на албанската азбука

22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука.

Честитка од претседателката Сиљановска-Давкова по повод 22 Ноември – Денот на албанската азбука

Почитувани сограѓани Албанци,

22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука.

Конгресот во Битола од 1908 година означи пресвртница и нова фаза во развојот на албанската нација, преку образование и култура на унифициран албански јазик.

Јазикот е основниот белег на националната посебност. Тој е најсилниот инструмент за градење и изразување на колективната меморија на еден народ, неговото духовно наследство и искуство. Албанскиот јазик, вам Албанците ви овозможи да изразите почит кон претците, но и одговорност кон потомците.

Во македонското мултикултурно општество и демократски политички систем, Албанците и албанскиот јазик имаат долга традиција на постоење во уставниот, политичкиот, економскиот, образовниот, научниот, културниот, спортскиот, медиумскиот, забавниот и секојдневниот живот.

Дозволете ми како претседателка на државата, да изразам став дека наша заедничка должност е да градиме општество во кое единството нема да ги негира, туку ќе ги респектира различностите, третирајќи ги како трајни општествени вредности.

Посакувам 22 Ноември да не биде само ден на сеќавање, прослава и гордост, туку и поттик за нови образовни, научни и културни дострели на албански јазик!

На сите граѓани Албанци им упатувам искрени честитки по повод 22 Ноември – Денот на албанската азбука!

Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Скандал на повидок, со законски измени власта ја брише одредбата за уплата на 6% во вториот пензиски столб

Скандал е на повидок.  Власта на Мицкоски на ЕНЕР објавила предлог законски измени на Законот  за пензиско и инвалидско осигурување со којшто се брише одредбата (член 120) за уплата на пари во вториот пензиски столб, во вистина од 6%.

СДСМ: Скандал на повидок, со законски измени власта ја брише одредбата за уплата на 6% во вториот пензиски столб

Доколку не се интервенира законски во овој или во друг закон, овие измени со бришење на членот за 6% од придонесите да не се префрлат во втор столб, значи дека сите придонеси остануваат во првиот столб во Фондот.

Дали ова значи дефинтивно рушење на вториот пензиски столб?

Криминалната власт ги доведива во ризик пензиските заштеди на повеќе од 650.000 граѓани, на сите родени после 1 јануари 1967 година кои се во вториот пензиски столб.

Фондот за ПИОМ е доведен до сериозна финансиска неодржливост.

Во Фондот недостигаат близу една милијарда евра, а во изминатите месеци ПИОМ не префрлил околу 50 милиони евра во вториот пензиски столб. На пратеничкото прашање каде се овие пари, власта не даде одговор.

Пари што им припаѓаат на граѓаните, на работниците, заработени со нивниот труд, издвојувани секој месец од нивните плати.

Во исто време, со предлог-законот објавен на ЕНЕР се предлага бришење на членот 120, со кој е утврдена уплатата на 6% во вториот пензиски столб.

Христијан Мицкоски треба да излезе и да одговори пред граѓаните зошто се брише оваа одредба, каде ќе се насочуваат средствата и што ќе значи промената за идните пензии на осигурениците.

Скопје, 22.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер